Mormonan Kellkatapata
Khanañchäwi

Mormonan Kellkatapan pʼektʼiri paginapajj quimsa tʼalpha lekʼetata yatiyi. Uca tʼalpha lekʼetanacasti acanacawa:

1. Nayrïrejja Nefin tʼalpha lekʼetanacapawa. Ucanacajj payaw siw Mormonan Kellkatapajja. a) Mayajja jachʼa tʼalpha lekʼetanaca satawa; b) yakhasti jiscʼa tʼalpha lekʼetanaca sataraqui. Jachʼa tʼalpha lekʼetanacajj jakenacan sapür sarnakäwinacapat nuwasïwinacapat yakha camachäwinacat jucʼamp yatiyi. Jiscʼa tʼalpha lekʼetanacasti kollan cunanacat jucʼamp yatiyi.

2. Payïrejja Mormonan tʼalpha lekʼetanacapawa. Ucanacanjja Nefin tʼalpha lekʼetanacapatjj jiscʼar tucuyata kellkäwejj kellkatawa. Mormonajj uca jiscʼa kellkäw kellke, uqhamaraqui walja yakha yatiyäwinac jupa pachpaw kellke. Uqhamaraqui Mormonan Moroni yokapajj ucaru kellkaraqui.

3. Quimsïrejja Eteran tʼalpha lekʼetanacapawa. Ucanacajj Jared jakenacan sarnakäwinacapat yatiyi. Moronejj uca walja tʼalpha lekʼetanacatjja jiscʼa kellkäw kellke, uqhamaraqui walja yakha yatiyäwinac jupa pachpaw kellkaraqui. Uca jiscʼa kellkäwimp jupa pachpan yatiyäwinacapampejj Eteran Kellkatapa satawa.

   Mormonan Kellkatapajj yakha tʼalpha lekʼetanacatjj wal parli, ucanacasti acawa:

4. Labanan tʼalpha kellu alquimia lekʼetanacapa. Lehin jakenacapajj ucanacjj jerusalenat apanipjjäna. Uca tʼalpha lekʼetanacanjja hebreo kellkatanacampi awquinacapan sutinacap kellkatanacampejja utji. Nefi jake arjirinacajj Nefi jakenacan yakha tʼalpha lekʼetanacapjjary walja cuti ucanacjj kellkakapjje.

Mormonan Kellkatapanjja tunca pheskan kellkatajj utji. Ucanacata mayaqui janiw kellkata satäquiti. Qhititejj kellkatat jilpachjj kellkqui ucan sutipatjj uca kellkatanacajj uñtʼatawa. Nayrïri Nefi kellkata Payïri Nefi kellkata Jacobon Kellkatapa Enosan Kellkatapa, Jaroman Kellkatapa, Omnin Kellkatapampejj Nefin Jiscʼa Tʼalpha Lekʼetanacapat jakoquipatawa. Omnin Kellkatapamp Mosian Kellkatapamp taypinjja Mormonan Arunacapa sat kellkatajj jicjjatasi. Jiscʼa tʼalpha lekʼetanacjjar kellkantat Nefin kellkäwipampiru walja jachʼa tʼalpha lekʼetanacat Mormonan jiscʼa kellkat kellkäwimpiru uca Mormonan Arunacapajj mayachapjje. Mormonan Arunacapajj ucat nayranquir kellkäwita ucat khepanquir kellkäwita khanañchi.

Mosian Kellkatapan kalltapat Mormonan Kellkatapan 7ri jaljan tucuyapcama Mormonajj Nefin walja tʼalpha lekʼetanacapata mä jiscʼa kellkäwi kellkäna. Mormonan Kellkatapan khepa jaljanacapajja, Mormon 8 uca jaljata tucuycamajja, Mormonan Moroni sat yokapan kellkatawa. Jupajja awquipan khepa urunacapat kellke ucat Jared jakenacan jachʼa kellkäwipatjj jiscʼa kellkäw kellke. Uca khepatsti jupajj Moronin kellkatapa sat kellkat kellke.

Ucat 600 mara janir Jesucristojj jutcäna ucapachat 421 mara Jesucrist khepatjja, uca maracama Mormonan kellkatapajj jakenacan sarnakäwinacapat yatiyi. 421 mara Jesus khepatjja, uca mara jacʼa, khepïri Moroni sat Nefi jake arjirejj uce kollan kellkatanac lluchʼintas Tatitutaqui ucanacjj imanti, ucanacan mä khepür wastat khanar apsutäñapataqui, Diosan nayra arjirinacap toke arsut arunacaparjama. 1827 mara Jesus khepa, uca pachpa Moronejj jiwatat jactatäcasinjja Jose Smithar tʼalpha kellkantat lekʼetancjj catuyi.