Uqhamaraqui Quimsakallk Ircatirin Ircatäwipa

Qhitinacarutejj aca kellkatajj purcani, take uca marcanacas wila masinacas lajjranacas jakenacas acjj yatipjjpan: Jose Smith yokajj aca kellkatanac yatit aruru jakoquipiriwa; jupasti cunattejj arsutäqui uca tʼalpha lekʼetanac nanacaru uñachayapjjetu. Ucanacasti koriru uñtatäpjjewa. Cawquïr tʼalpha lekʼetanactejj uca Smithajj yatit aruru jakoquipqui ucanac nanacajj amparanacajjamp llamctʼapjjta; ucanacjjar kellkantatanac uñjapjjaracta. Ucanacasti nayra luräwïcaspas mayja luratäcaspas uqhamawa. Ucat suma amuyuni arunacampi nanacajj uca Smithan nanacar uñachayatapat ircatapjjta, cunalaycutejja nanacajj uñjapjjta aptʼapjjaracta, uqhamaraqui cunattejj nanacajj arsupcta, uca tʼalpha lekʼetanac jupan catutapjj chekpachaw yatipjjta. Nanacasti sutinacajj orakenquirinacaru churapjjta, cuntejj uñjapcta ucjjat orakenquirinacar ircatañataqui. Janiraquiw cʼarisipcti, Dios ucat ircatipana.