BuFakazi bemPhrofethi Joseph Smith
Emavi emPhrofethi Joseph Smith lucobo lwakhe ngekukhishwa kweNcwadzi yaMormon ngulawa:
“Ngekuhlwa … kwamhlaka 21 enyangeni yeNyoni emnyakeni wa [1823] … ngaya ngekwami emthandazweni kanye nasekuncuseni kuSomandla Nkulunkulu. …
“Ngesikhatsi ngisambita Nkulunkulu, ngabona kukhanya kuvela ekamelweni lami, lokwachubeka kwandza likamelo late lakhanya kwendlula imini lokwatsi masinyane ngaleso sikhatsi kwavela umuntfu eceleni kwembhedze wami, eme emoyeni, ngoba tinyawo takhe betingatsintsi phansi.
“Bekambetse ingubo lecekako leyayimhlophe ngalokumangalisa kakhulu. Kwakubumhlophe lobendlula konkhe kwasemhlabeni lengake ngakubona; angikholwa futsi kutsi kukhona kwasemhlabeni lokungentiwa kube mhlophe ngalokwecile kuphindze kukhatimule kakhulu kanje. Tandla takhe tatibonakala, futsi kanjalo nemikhono yakhe, ngenhla nje kancane kwesihlakala sesandla; kanjalo futsi, netinyawo takhe tatibonakala, njengemilente yakhe, ngenhla nje kancane kwemacakala. Inhloko kanye nentsamo yakhe nako bekubonakala. Ngakwati kubona kutsi bekangakagcoki lutfo lokunye ngaphandle kwalengubo, njengoba yayivulekile kute ngikwati kubona esifubeni sakhe.
“Kwakungesiyo ingubo yakhe kuphela yayimhlophe ngalokwecile, kepha sicu sakhe sonkhe sasikhatimula ngalokungachazeki, futsi buso bakhe babunjengembane. Likamelo laselikhanya kakhulu, kodvwa hhayi kukhanya lokukhulu lokwecile njengaloko lokwakumtungeletile. Ngesikhatsi ngicala kumbuka, ngaba nekwesaba; kodvwa kwesaba kwasheshe kwakhwesha kimi.
“Wangibita ngeligama, watsi kimi bekasitfunywa lesitfunyelwe kimi lesivela kuNkulunkulu, nekutsi ligama lakhe kwakunguMoroni; nekutsi Nkulunkulu bekanemsebenti wami lekufuna ngiwente; nekutsi ligama lami kufanele latiwe ngebuhle kanye nangebubi emkhatsini wato tonkhe tive, tihlobo kanye netilimi, noma kutsi kwakufanele kukhulunywe ngalo kahle nakabi emkhatsini webantfu bonkhe.
“Watsi kwakunencwadzi leyayibekiwe, ibhalwe kubongcwengcwe beligolide, iniketa umlandvo ngebantfu labebahlala kulelivekati phambilini, nemsuka lapho badzabuka khona. Waphindze watsi liVangeli laphakadze lalicuketfwe kubo, njengoba lanikwa nguMsindzisi kubantfu basendvulo;
“Kanjalo, nekutsi kwakukhona ematje lamabili kubo butjoki besiliva—futsi lamatje, bekaboshelwe esivikelweni sesifuba, enta loku lokubitwa ngekutsi yi-Urimi kanye neThumimi—bekabekwe nabongcwengcwe; futsi kuba nalamatje nekusetjentiswa kwawo kwakunguloko ‘baboni’ endvulo noma ngetikhatsi takudzala; nekutsi Nkulunkulu bekawalungisele ngenhloso yokuhumusha leyoncwadzi. …
“Waphindza, wangitjela, kutsi uma sengibatfolile labongcwengcwe labekhulume ngabo—ngoba sikhatsi lekwakufanele batfolwe ngaso sasisengakagcwaliseki—kwakungakafaneli ngibakhombise nanoma ngumuphi umuntfu; ngisho nesivikelo sesifuba lesine-Urimi kanye neThumimi; kuphela kulabo lengiyoyaletwa kutsi ngibakhombise; uma ngike ngakwenta loko ngiyobhujiswa. Ngesikhatsi asakhuluma nami ngabongcwengcwe, umbono wavuleka engcondvweni yami kangangekutsi ngayibona leyondzawo lapho bongcwengcwe bebabekwe khona, futsi kwaba sobala kwaphindze kwacaca kangangekutsi ngayati leyondzawo ngesikhatsi sengiyivakashela futsi.
“Ngemuva kwalomlayeto, ngabona kukhanya ekamelweni kucala kugcogcana ngekushesha kwatungeleta lomuntfu lobekakhuluma nami, kwachubeka nekwenta njalo, late likamelo laphindza lasala limnyama futsi, ngaphandle nje kwasedvute naye, lokwatsi, ngekuphatima kweliso ngabona, kwaba shengatsi, kuvuleka umhume lowawukhuphukela ezulwini, wenyuka wate wanyamalala, futsi nelikamelo lasala njengoba belikadze linjalo ngaphambi kwekutsi kuvele loku kukhanya kwasezulw
“Ngalala ngicabanga ngalesi sehlakalo lesimangalisako, ngisamangele kakhulu ngalobengitjelwe ngulesi sitfunywa lesingakajwayeleki; lokwatsi, phakatsi nekuzindla kwami, masinyane ngabona kutsi likamelo lami lase licala kukhanya futsi, ngekuphatima kweliso, kwaba shengatsi, leso sitfunywa sasezulwini sase sisedvute nembhedze wami futsi
“Sacala, futsi sakhuluma tintfo letifanako naleto lesasitikhulumile ekuteni kwaso kwekucala, kwababete naloluncane lushintjo; lokwatsi uma sesicedzile, sangitjela ngetehlulelo letinkhulu letatita emhlabeni, nencitsakalo lenkhulu ngendlala, nenkemba, kanye namashayabhuce wesifo; nekutsi leti tehlulelo letimatima tiyawuta emhlabeni kulesi situkulwane. Sesitikhulumile leti tintfo, senyuka futsi njengoba sasentile ekucaleni.
“Ngalesi sikhatsi, yase ijulile imicabango engcondvweni yami, kangangekutsi butfongo basebungasekho emehlweni ami, ngalala ngiphele emandla ngenca yekumangala ngalebengikubonile naloko lengikuvile. Kodvwa lokwangimangalisa kungesikhatsi ngibona futsi sona leso sitfunywa eceleni kwembhedze wami, futsi ngisiva sikhuluma noma siphindzaphindza kimi leto tintfo letifanako njengasekucaleni; saphindze sangeta nesecwayiso kimi, singitjela kutsi Sathane bekayawutama kungilinga (ngenca yesimo sebumphofu bemndeni wababe), kutsi ngitfole bongcwengcwe ngenhloso yekutfola ingcebo. Kuloku sangalela, sitsi akukafaneli ngibe nalenye inhloso ngekutfola bongcwengcwe ngaphandle kwekudvumisa Nkulunkulu, futsi akukafaneli ngibe nanoma ngusiphi sizatfu ngaphandle kwaleso sekwakha umbuso wakhe; kungenjalo angeke ngibatfole.
“Ngemuva kwaloku kuvakasha kwesitsatfu, saphindza senyukela ezulwini futsi njengasekucaleni, futsi ngaphindza ngasala ngizindla ngaloko lebengitsandza kukubona lokwakungakajwayeleki; lokwatsi cishe ngekuphatima kweliso ngemuva kwekutsi sitfunywa sasezulwini sesinyukile sisuka kimi kwesitsatfu, lichudze lakhala, ngatfola kutsi kwase kusa, kangangekutsi tingcogco tetfu kufanele kutsi tatitsatse busuku
“Sikhashana nje ngemuva kwaloko ngavuka embhedzeni wami, futsi, njengalokwejwayelekile, ngaya kuyosebenta imisebenti ledzingekile yelusuku; kodvwa, ekwetameni kusebenta njengaletinye tikhatsi, ngatfola kutsi emandla ami bekasaphela kangangobe angikhonanga kusebenta. Babe lobekasebenta nami, wabona kutsi kwakukhona lokwakungalungi ngami, wangitjela kutsi angiye ekhaya. Ngacala nginenhloso yekuya endlini; kodvwa, ekwetameni kweca fenisi ngiphuma ensimini lapho besikhonakhona, emandla ami aphela nya, ngawa phansi ngangakhoni kwenta lutfo, kwesikhashana ngangati lutfo lolwentek
“Intfo yekucala lengingayikhumbula kwakulivi lelalikhuluma kimi, lingibita ngeligama. Ngabheka etulu, ngaphindze ngabona sona leso sitfunywa sime ngetulu kwenhloko yami, situngeletwe kukhanya njengasekucaleni. Sabese sesikhuluma kimi konkhe loko lesasikukhulume kimi ngebusuku lobabendlulile, sangiyala kutsi ngiye kubabe futsi ngimtjele ngembono nangemiyaleto lengangiyitfolile.
“Ngalalela; ngabuyela kubabe ensimini, ngaphindza ngamlandzisa ngayo yonkhe indzaba. Wangiphendvula ngekutsi loko kwakuvela kuNkulunkulu, wangitjela kutsi ngihambe futsi ngente njengoba ngiyalwe sitfunywa. Ngashiya ensimini, ngaya endzaweni lapho sitfunywa sasingitjele kutsi bongcwengcwe babekwe khona; futsi ngenca yekucaca kwembono lebengibe nawo mayelana ngabo, ngayati lendzawo ngekuphatima kweliso ngesikhatsi ngifika lapho.
“Madvutane nesigodzi saseManchester, esifundzeni sase-Ontario eNew York, kume ligcuma lelikhulu, naleliphakeme kakhulu kunawo onkhe endzaweni. Ngasenshonalanga yaleligcuma, dvutane nasenhla, ngaphansi kwelitje lelikhulu, bebalapho bongcwengcwe, babekwe ebhokisini lelilitje. Lelitje lalingucinsi futsi liyindingilizi ngaphakatsi nendzawo ngetulu, futsi linciphile ngasemingcengcemeni, kangangekutsi liphakatsi nendzawo lalo lalibonakala ngetulu kwemhlabatsi, kodvwa umngcengcema wonkhe wawutungeletwe ngumhlabat
“Sengiwususile umhlabatsi, ngatfola umgcala, lengawufaka ngaphansi kwemngcengcema welitje, futsi ngemandla lamamncane nje ngaliphakamisa. Ngabuka ngekhatsi, ngababona bongcwengcwe balapho, i-Urimi kanye neThumimi, nesivikelo sesifuba, njengoba kwakusho sitfunywa. Libhokisi lebebakulo belakhiwe ngematje lahlanganiswe njengentfo lesasimende. Ngaphansi kulelibhokisi kwakubekwe ematje lamabili aphambene ebhokisini, ngetulu kwalamatje kwakubekwe bongcwengcwe kanye naletinye tintfo nabo.
“Ngetama kubatsatsa ngibakhiphe, kodvwa ngangavunyelwa sitfunywa, futsi ngaphindza ngatjelwa kutsi sikhatsi sekubakhipha sasingakafiki, nekutsi sasingayufika, kute kube yiminyaka lemine kusukela ngaleso sikhatsi; kodvwa sangitjela kutsi kwakufanele ngite kuleyo ndzawo nakanjani ngemuva kwemnyaka kusukela ngaleso sikhatsi, nekutsi sasiyawuhlangana nami lapho, nekutsi kwakufanele ngichubeke nekwenta njalo kute kufike sikhatsi sekutfola bongcweng
“Ngako-ke, njengoba ngangiyaliwe, ngaya njalo ekupheleni kwemnyaka, futsi njalo ngangisitfola sitfunywa sona leso sikhona lapho, ngiphindze ngitfole umyaleto kanye nelwati kuso njalo enkhulumeni yetfu, mayelana nalokwakutawentiwa yiNkhosi, nekutsi umbuso wayo kwakufanele uphatfwe kanjani futsi nangayiphi indlela ngetinsuku tekugcina.
“Emuva kwesikhatsi lesidze safika sikhatsi sekutfola bongcwengcwe, i-Urimi kanye neThumimi, nesivikelo sesifuba. Mhla tingemashumi lamabili nakubili enyangeni yeNyoni, ngemnyaka wenkhulungwane nemakhulu lasiphohlongo nemashumi lamabili nesikhombisa, sengihambe njengalokujwayelekile ekupheleni kwalomunye umnyaka endzaweni leyo labebafakwe kuyo, sona leso sitfunywa sasezulwini sabaletsa kimi nalomyalo: kutsi kwakuyofanele ngibabuke: nekutsi uma ngiyobayekelela bahambe ngekunganaki, noma ngekudzebesela kwami, ngiyokuhlukaniswa naNkulunkulu; kodvwa uma mine ngiyokwenta yonkhe imetamo yami kubagcina, site sona, sitfunywa, sibalandze, kuyofanele bavikelek
“Ngekushesha ngasitfola sizatfu sekutsi kwakuyangani nginikwe lemiyalo lecine kangaka yekubagcina baphephile, nekutsi kwakungani sitfunywa sasitsite uma sengikwentile loko lokwakudzingeka esandleni sami, uyawubalandza. Ngoba akutsatsanga sikhatsi sekwatiwa kutsi nginabo, imetamo lemikhulu yentiwa kubatfola kimi. Onkhe emacebo enkhohliso abecanjwa asetjentiselwa leyo nhloso. Kuhlushwa kwacala kwaba matima kakhulu kwaphindze kwacina kunakucala, futsi ticuku tatihlale ticacile kutsi tibatfole kimi uma kungenteka. Kodvwa ngebuhlakani baNkulunkulu, bahlala ngekuphepha etandleni tami, ngate ngakufeza ngabo loko lokwakudzingeka kusami sandla. Lokwatsi njengoba kwakuhleliwe, sitfunywa safika sabalandza, ngabayisa kuso; futsi bakuso sibagcinile kute kube namuhla, kungumhla welusuku lwesibili enyangeni yeNkhwekhweti, ngemnyaka wenkhulungwane nemakhulu lasiphohlongo nemashumi lamatsatfu nesiphohlongo.”
Kute utfole umlandvo lophelele, buka Joseph Smith—uMlandvo kuGugu leliNani lelikhulu.
Lombhalo wasendvulo lowavetwa ngalendlela usuka emhlabatsini njengelivi lebantfu likhuluma livela elutfulini, futsi wahunyushelwa elulwimini lwesimanje ngesipho kanye nemandla aNkulunkulu njengoba kwafakazelwa nguNkulunkulu, wakhishwa kwekucala emhlabeni ngesingisi ngemnyaka wa-1830 njenge The Book of Mormon.