Te Puka a Momoni

1. E teianei, te akapapa nei au ko Momoni i te au mea taku i akara e taku i akarongo e te tuatua nei au e, ko te Puka a Momoni.

2. I te tuatau i uunaʼi a Amarona i te au papa ki te Atu ra, kua aere mai aia kiaku. (E tai ngauru oku mataiti i reira, e kua akamata au i te tamou i te au mea tei raveia e toku ra iti tangata) e kua tuatua maira a Amarona kiaku, te kite nei au e, e tamaiti meitaki koe, e te viviki i te kite.

3. No reira me tae koe ki te rua ngauru ma a mataiti, te inangaro nei au kia akamaara koe i te au mea ravarai taau i kite ana no runga i teia iti tangata e me tae koe ki taua mataiti ra, e aere atu koe ki te enua ko Anatama ki te tuaivi tei tuatuaia ko Simi, tei reira te ngai i vaioiaʼi te kotikoti anga tapu o teia au tangata.

4. E i na, e rave koe i te au papa a Niphai kia koe, e te toenga ra, e vaoo ua koe ki te ngai i vaioiaʼi, ei runga i te au papa a Niphai e kotikoti ei koe i te au mea katoatoa no runga i teia iti tangata.

5. E uanga oki au, ko Momoni no Niphai, (e ko Momoni rai te ingoa o toku metua tane) te maara ua nei au i te au mea ta Amarona i akaue mai kiaku.

6. E tae akera toku mataiti ki te ngauru ma tai, kua apai toku metua iaku ki te enua i apatonga, ki te enua ko Zarahemela.

7. Kua ki takiri teia enua i te are patu, kua maata te tangata ki reira, mei te ungaunga one tea rai,

8. I roto rai i teia mataiti nei, kua akamata te tamaki i rotopu i te ngati Niphai, koia oki, te ngati Niphai te ngati Iakoba, te nagti Iosepha, e te ngati Zoroma, e ko teia tamaki, i rotopu ïa i te ngati Niphai, e te ngati Lamana, te ngati Lemuela e te ngati Isemaela.

9. E teianei ko te ngati Lamana, te ngati Lemuela, te ngati Isemaela ko ratou te ngati Lamana, e ko nga pupu e rua, kua tuatuaia raua, ko te ngati Niphai e te ngati Lamana.

10. Kua akamata teia tamaki anga i te kotinga o Zarahemela, i te pae vai i Sidona.

11. Kua akaputuputu akera te au tangata o Niphai i to ratou au tane e manganui e kua tere atu i te toru tauasani, E maata ta ratou au tamakianga i rave i roto i teia mataiti, e kua autu te ngati Niphai ki runga i te ngati Lamana, e manganui ta ratou i ta.

12. E kua akaruke akera te ngati Lamana i to ra ou akakoroanga, e kua noo te enua ma te au, e kua vai teia au no nga mataiti e a, e kare rava e akamaringianga toto.

13. Ina ra, kua tupu te kino ki te maata i runga i te enua katoatoa, e kua rave ke te Atua i ana nga pipi akaperepere, e kua akamutu te akaoraanga, e te au semeio, no te maata rava o te angaanga kino a te tangata.

14. Kare rava e orongaanga mei te Atua mai, e kare oki te Vaerua Tapu i noo mai ki tetai, no ta ratou angaanga kikino e te akarongo kore.

15. Ka tai ngauru ma rima oku mataiti i teianei, no toku tu maki, kua aravei mai te Atu iaku, e kua tongi oki au, e kua kite au i te meitaki ua o Iesu.

16. Kua akamata iora au kia ako i teia au tangata, ina ra, kua topiriia toku vaa, e kua araiia au e auraka e ako atu ia ratou, no te mea, kua akakoro kai tamaki tikai ratou ki to ratou Atua, e kua rave keia nga pipi akaperepere mei te enua, no to ratou kino oki.

17. Ina ra, kua noo rai au ki rotopu ia ratou, kua araiia ra au, e auraka e ako atu ia ratou, no te marokiakia o to ratou ngakau, e no te marokiakia o to ratou ngakau i taumaaiaʼi te enua.

18. E tei roto oki i te ngati Lamana te keikeia o Katianetona, na ratou e akatupu ana i te pekapeka i runga i te enua, e no te reira, i uunaʼi te au tangata e noo i te enua nei i ta ratou au apinga memeitaki ki raro i te one, kua ngarongaro te reira, no te mea, kua taumaaia te enua e kare e tika kia tāpūia te reira me kore ra, kia rauka akaou mai.

19. E tupu akera te angaanga purepure, te angaanga a te vaerua kino, te manamana, e te mana o taua vaerua kino ra, kua totoa ïa ki runga i te enua katoa, e tae ua atu ki te tupuanga o te au tuatua a Abinadaia e Samuela te ngati Lamana.