Բաժին 125
Հայտնություն՝ տրված Ջոզեֆ Սմիթ Մարգարեի միջոցով, Նավուում, Իլինոյս, 1841թ. մարտին, Այովայի տարածքում գտնվող Սրբերի վերաբերյալ (History of the Church, 4.311–312):
1–4՝ Սրբերը պետք է քաղաքներ կառուցեն և հավաքվեն Սիոնի ցցերում:
1 Ո՞րն է Տիրոջ կամքը՝ Այովայի Տարածքում գտնվող սրբերի վերաբերյալ:
2 Ճշմարիտ, այսպես է ասում Տերը. Ես ասում եմ ձեզ, եթե նրանք, ովքեր իրենց կոչում են իմ անունով և ջանում են լինել իմ սրբերը, եթե նրանք կամենում են իմ կամքը կատարել և պահել իմ պատվիրաններն իրենց վերաբերյալ, թող միասին հավաքվեն այն վայրերում, որ ես կնշանակեմ նրանց համար իմ ծառա Ջոզեֆի միջոցով, և քաղաքներ կառուցեն իմ անվան համար, որպեսզի նրանք պատրաստ լինեն այն բանին, ինչը պահված է գալիք ժամանակների համար:
3 Թող նրանք մի քաղաք կառուցեն իմ անվան համար, Նավու քաղաքի դիմաց գտնվող հողի վրա, և թող Զարահեմլա անունով կոչվի այն:
4 Եվ թող բոլոր նրանք, ովքեր գալիս են արևելքից, և արևմուտքից, և հյուսիսից, և հարավից, ովքեր ցանկություն ունեն բնակվել այնտեղ, վերցնեն իրենց ժառանգությունն այդ վայրում, ինչպես նաև Նեշվիլ քաղաքում կամ Նավու քաղաքում, և բոլոր ցցերում, որոնք ես նշանակել եմ, ասում է Տերը: