5. የምዙሪ፣ የኢለኖይ፣ እና የአየዋ አካባቢ፣ ዩ.ኤስ.ኤ.

ኢንዲፔንደንስ የፅዮን ዋና ቦታን ይጠቁማል (ት. እና ቃ. ፶፯፥፫ን ተመልከቱ)። የቤተመቅደስ ቦታ በነሀሴ ፫፣ ፲፰፻፴፩ (እ.አ.አ.) ተቀድሶ ነበር። ቅዱሳን ከጃክሰን ክፍለ አገር በ፲፰፻፴፫ (እ.አ.አ.) ተሰድደው ነበር።

ፊሺንግ ወንዝ ጆሴፍ ስሚዝ እና የፅዮን ስፍራ የጃክሰን ክፍለ አገር ቅዱሳንን ወደ መሬታቸው ለመመለስ ከከርትላንድ ኦሀዮ ወደ ምዙሪ በ፲፰፻፴፬ (እ.አ.አ.) ተጓዙ። ት. እና ቃ. ፻፭ በእዚህ ወንዝ ዳር ነበር የተገለጸው።

ፋር ዌስት ይህ በምዙሪ ውስጥ ከነበሩት የሞርሞን መስፈሪያ ቦታ ትልቁ ነበር። በዚህም ቦታ የቤተመቅደስ መገንቢያ ቦታ ተቀድሶ ነበር (ት. እና ቃ. ፻፲፭ን ተመልከቱ)። በሐምሌ ፰፣ ፲፰፻፴፰ (እ.አ.አ.) በዚህ ቦታ፣ የአስራ ሁለቱ ሐዋሪያት ቡድን በብሪታንያ ደሴት በሚስዮን እንዲያገለግሉ ከጌታ ጥሪ ተቀበሉ (ት. እና ቃ. ፻፲፰ን ተመልከቱ)።

አዳም-ኦንዳይ-አማን ጌታ ይህን በምዙሪ የሚገኘውን ቦታ ወደፊት ኢየሱስ ከአዳም እና ከጻድቅ ትውልዱ ጋር ለመገናኘት በሚመጣበት ጊዜ የሚሰበሰቡበት ታላቅ መሰብሰቢያ ቦታ እንደሆነ ጠቆመ (ት. እና ቃ. ፸፰፥፲፭፤ ፻፯፥፶፫–፶፯፤ ፻፲፮ን ተመልከቱ)።

ልብርቲ እስር ቤት ጆሴፍ ስሚዝ እና ሌሎች በእዚህ ቦታ ከታህሳስ ቀን ፲፰፻፴፰ እስከ ሚያዝያ ቀን ፲፰፻፴፱ (እ.አ.አ.) ድረስ በማይገባ ሁኔታ ታስረው ነበር። በቤተክርስቲያኗ አስቸጋሪ ጊዜ መካከል፣ ጆሴፍ ጌታን መመሪያ እንዲሰጠው ጠራ እናም ት. እና ቃ. ፻፳፩–፻፳፫ን ተቀበለ።

ናቩ በምዙሪ ወንዝ አጠገብ ተገኝቶ፣ ይህ ቦታ ከ፲፰፻፴፱ እስከ ፲፰፻፵፮ (እ.አ.አ.) ድረስ የቅዱሳን መሰብሰቢያ ቦታ ነበር። በእዚህም ቦታ ቤተመቅደስ ተገነባ፣ እናም እንደ ሙታን ጥምቀት፣ የመንፈስ ስጦታ፣ እና ባልና ሚስቶችን የማስተሳሰር አይነት ስርዓቶች ተጀመሩ። በእዚህም ቦታ የሴቶች መረዳጃ ማህበር በ፲፰፻፵፪ (እ.አ.አ.) ተደራጀ። የተቀበሉት ራዕዮችም በተጨማሪ ት. እና ቃ. ፻፳፬–፻፳፱ን ነበሩ።

ካርቴጅ በሰኔ ፳፯፣ ፲፰፻፵፬ (እ.አ.አ.) ነቢዩ ጆሴፍ ስሚዝ እና ወንድሙ ሀይረም በእዚህ ቦታ ሰማዕት ሆኑ (ት. እና ቃ. ፻፴፭ን ተመልከቱ)።

ዊንተር ኮርተርስ ወደ ሶልት ሌክ ሸለቆ በሚጓዙበት የቅዱሳን ለጊዜ የሚሰፍሩበት ቦታ (፲፰፻፵፮–፲፰፻፵፰)። ወደ ምዕራብ ለመጓዝ የእስራኤል ሰፈር ተመስርቶ ነበር (ት. እና ቃ. ፻፴፮ን ተመልከቱ)።

ካውንስል ብላፍስ (ኬንስቪል) በታህሳስ ፳፯፣ ፲፰፻፵፯ (እ.አ.አ.) ብሪገም ያንግ ፕሬዘደንት ሆነው፣ የቀዳሚ አመራር በእዚህ ቦታ ተደግፈው ነበር።