¶ 1 BEA fuoloajiiage nae hoko o behe, i he gaahi aho oe ututa‘u oe uite, nae aahi e Samisone ki hono unoho aki ae uhiki‘i koji: bea nae behe eia, Keu alu atu ki loto fale ki hoku unoho. Ka nae taofi ia e he tamai oe fefine o ikai tuku ke alu kiate ia.

2 Bea behe e he ene tamai, Naaku behe mooni e au kuo ke fehia aubito kiate ia; koia naaku foaki ai ia ki ho kaumea: ikai oku hoihoifua hono tehina iate ia? oku ou kole kiate koe, ke ke ma‘u ia, ko hono fetogi.

¶ 3 Bea behe e Samisone kiate kinautolu, Koeni, teu taehalaia i he kakai Filisitia, ka teu fai ae mea fakamamahi kiate kinautolu.

4 Bea nae alu a Samisone o ne tauhele‘i ae faga fokesi e tolugeau, bea too eia ae gaahi tūhulu, o ne nootaki ae iku ki he iku, bea ne ai ae tūhulu i loto i he ogo iku.

5 Bea hili ene tutu ae tūhulu aki ae afi, nae tuku eia ae faga fokesi ke alu ki he uite tuu oe kau Filisitia, bea nae vela o oji ai ae gaahi u uite, bea moe gaahi uite nae tuu, moe goue vaine moe olive.

¶ 6 Bea behe ai e he kau Filisitia, Kohai ia kuo ne fai ae mea ni? Bea naa nau beheage ko Samisone, koe foha i he fono ki he tagata Timinate, koe mea i he ene too hono unoho, o ne foaki ia ki he ene kaumea. Bea nae alu hake ae kau Filisitia, o nau tutu ae fefine mo ene tamai aki ae afi.

¶ 7 Bea nae behe e Samisone kiate kinautolu, Kuo mou fai ae mea ni, ka teu totogi kiate kimoutolu, bea hili ia beau tuku.

8 Bea naa ne ta‘i akinautolu i he akahi moe malamalaki i he tamate‘i lahi: bea nae alu hifo ia o nofo i he tumutumu oe makatuu ko Etami.

¶ 9 Bea nae toki alu hake ai ae kakai Filisitia, o abitaga i Juta, o nau nofo mafola atu i Li‘i.

10 Bea behe e he kau tagata o Juta, Koeha kuo mou ha‘u behe ai kiate kimautolu? Bea naa nau talaage, Kuo mau ha‘u ke ha‘i a Samisone, ke fai kiate ia o hage ko ene fai kiate kimautolu.

11 Bea nae alu ai ae kau tagata o Juta e toko tolu afe ki he tumutumu oe makatuu ko Etami, o nau behe kia Samisone, Oku ikai te ke ilo koe kau bule kiate kitautolu ae kakai Filisitia? Koeha ae mea ni kuo ke fai kiate kinautolu? Bea behe eia kiate kinautolu, Hage koe nau fai kiate au, kuo behe be eku fai age kiate kinautolu.

12 Bea naa nau behe kiate ia, Kuo mau ha‘u ke ha‘i koe, koeuhi ke mau atu koe ki he nima oe kakai Filisitia. Bea behe e Samisone kiate kinautolu, Fuakava mai kiate au, e ikai te mou ta‘i au ekimoutolu.

13 Bea naa nau lea kiate ia, o behe, Ikai; ka te mau ha‘i koe ke ma‘u, o atu koe ki ho nau nima: ka koe mooni e ikai te mau tamate‘i koe. Bea naa nau ha‘i a Samisone aki ae maea foou e ua o nau omi ia ki he fuga makatuu.

14 Bea i he ene hoko ki Li‘i, nae kaila jibi kiate ia ae kau Filisitia: bea nae hoko malohi aubito ae Laumalie o Jihova kiate ia, bea hoko ae maea nae i hono nima o hage ha vavae kuo vela i he afi, bea nae homo leva ia mei hono nima.

15 Bea naa ne ma‘u ae hui kouahe foou oe asi, bea ne mafao atu o too ia i hono nima, o ne tamate‘i aki ia ae kau tagata e toko afe.

16 Bea nae behe e Samisone, Koe hui kouahe oe asi, io, koe hui kouahe oe asi kuou tamate‘i aki ae kau tagata e toko afe, bea oku fokotuu tuuga akinautolu.

17 Bea hili ene lea, bea behe, naa ne liaki ae hui kouahe mei hono nima, bea ui ae botu koia ko Lama‐i‐Li‘i.

¶ 18 Bea naa ne hoko o fieinua lahi, bea nae hu ia kia Jihova, o behe, Kuo ke tuku ae fakamoui lahi ni ki he nima o hoo tamaioeiki: bea teu mate eni i he fieinu, bea to ai ki he nima oe kau taekamu?

19 Ka nae fahi‘i e he Otua ae botu luoluo i he kouahe, bea nae tafe mei ai ae vai: bea hili ene inu, nae toe ha‘u hono laumalie, bea fakaakeake ia: Koia naa ne ui ai hono higoa ko Eni‐hakoa, aia oku i Li‘i o a‘u ki he aho ni.

20 Bea naa ne fakamāu‘i a Isileli i he gaahi aho oe kau Filisitia i he ta‘u e uofulu.