¶ 1 BEA nae toki hiva ai a Tebola mo Belaki koe foha o Abinoami i he aho koia, o behe,

2 Mou fakafetai kia Jihova i he lagomaki‘i i Isileli, i he atu fiemalie be akinautolu e he kakai.

3 Mou fanogo, ae gaahi tu‘i; fakafanogo, akimoutolu ae gaahi houeiki; ko au, io ko au, teu hiva kia Jihova; teu hiva fakafetai kia Jihova koe Otua o Isileli.

4 E Jihova i hoo haele atu mei Seia, i hoo haele mei he goue o Itomi, nae tetetete a mamani, bea nae to ae gaahi lagi, nae to foki ae vai mei he gaahi ao.

5 Nae vela o vai ae gaahi mouga mei he ao o Jihova, naa mo Sainai  nae behe mei he ao o Jihova koe Otua o Isileli.

6 I he gaahi aho o Samikaa koe foha o Anati, i he gaahi aho o Jaeli, nae lala ae gaahi hala motua, bea nae alu ae kakai fonoga i he gaahi hala biko.

7 Nae gaogao ae gaahi botu kakai, naa nau ojioji i Isileli, o a‘u ki he eku tuu hake au ko Tebola, beau tuu hake koe fa‘e i Isileli.

8 Naa nau fili ae gaahi otua foou; bea nae toki hoko ae tau i he gaahi mataba: he nae ha mai ha fakaū be ha foi tao e taha i he toko fa mano i Isileli?

9 Oku haga atu hoku loto ki he kau bule i Isileli, aia nae atu fiemalie be akinautolu kia Jihova fakataha moe kakai. Mou fakafetai kia Jihova.

10 Akimoutolu oku heka i he gaahi asi hina, mou tokaga, akimoutolu oku nofo i he fakamāu, bea ko kimoutolu foki oku fonoga i he hala;

11 I he tuku ae logoaa oe kau tagata fana i he gaahi botu oe fuji hake oe utu vai, te nau fakaha i ai ae gaahi gaue maonioni a Jihova, io ae gaahi gaue maonioni ki hono gaahi botu kakai Isileli: bea e toki alu hifo ae kakai a Jihova ki he gaahi mataba.

12 Ke ke a hake, a hake, e Tebola: a hake, a hake, fai ae hiva: tuu hake, e Belaki, bea tataki fakabobula a hoo bobula, akoe koe foha o Abinoami.

13 Naa ne gaohi ai aia nae toe ke bule ia ki he houeiki i he kakai: nae fakanofo au e Jihova keu bule ki he kau malohi.

14 Nae ai ae aka o kinautolu mei Ifalemi nae tuu hake ki Amaleki; ko Benijimani nae muimui iate koe, mei hoo kakai: nae alu hifo mei Mekili ae kau bule, bea mei Sebuloni akinautolu oku ala ki he beni ae tagata tohi.

15 Bea nae ia Tebola ae houeiki o Isaka; io a Isaka mo Belaki foki: nae fekau ia i hono va‘e ki he telea. I he gaahi mavahevahe a Lubeni nae i ai ae gaahi fifili lahi oe loto.

16 Koeha naa ke nofo ai i he gaahi a sibi, ke fanogo ki he tagi ae faga sibi? I he gaahi mavahevahe a Lubeni  nae i ai ae gaahi fifili lahi oe loto.

17 Nae nofo a Kiliati i tua Joatani: bea koeha nae nofo ai a Tani i he gaahi vaka? Nae nofo be a Aseli i he matātahi, bea nofo be ia i he gaahi koko.

18 Koe kakai o Sebulone mo Nafitalai nae jiaki e nau moui ki he mate i he gaahi botu fonua maoluga.

19 Nae ha‘u ae gaahi tu‘i o tau, bea tau ai ae gaahi tu‘i o Kenani i Tenaki o ofi ki he vai ko Mekito; nae ikai te nau too ha baaga totogi.

20 Naa nau tau mei lagi; koe gaahi fetuu i ho nau gaahi aluaga naa nau tau‘i a Sisela.

21 Nae auhia akinautolu ke mole i he vaitafe ko Kisone, ae vaitafe mu‘a koia, ae vaitafe ko Kisone. E hoku laumalie, kuo ke malakaki hifo ae malohi.

22 Nae toki maumau ae gaahi aofiva‘e oe faga hose koe mea i he lele vave, koe lele vave ae gaahi manu malohi.

23 Mou fakamalaia‘i a Melosi, oku behe e he agelo a Jihova, mou fakamamahi ae kakai o ia; koeuhi nae ikai te nau ha‘u ke tokoni a Jihova, ke tokoni a Jihova o tuu hake ki he malohi.

24 E monuia lahi taha i he kau fefine a Jaeli koe unoho o Heba koe Kena, e monuia lahi taha be ia i he kau fefine i he fale fehikitaki.

25 Nae kole eia ae vai, bea ne age eia ae hua huhu; naa ne omi ae bota i he ibu galigali eiki.

26 Nae mafao eia hono nima ki he fa‘o, mo hono nima toomatau ki he hamala ae tufuga; bea ne ta‘i aki a Sisela ae hamala, naa ne ta aki ia hono ulu, i he ene tui ke aji hono manifinifihaga.

27 Nae bunou hifo ia i hono va‘e, naa ne to hifo, bea tokoto hifo: nae bunou hifo ia i hono va‘e, bea to hifo: i he botu naa ne bunou hifo, nae to ai ia o mate.

28 Nae fakajiojio e he fa‘e a Sisela i he mataba jioata, bea kalaga ia mei he tuba, Koeha oku tuai behe ai hono jaliote i he ene ha‘u? koeha oku tatali ai ae gaahi mea teka o ene jaliote?

29 Nae tali ia e he ene kau fefine eiki boto, io nae tali eia ia a ene lea,

30 Ikai kuo nau lava‘i? ikai kuo nau rahevahe ae vete? koe taahine e toko taha be toko ua ki he tagata taki taha kotoabe; koe koloa maa Sisela koe mea lanu kehekehe, ae mea lanu kehekehe oe gaue tuitui, ae mea lanu kehekehe oe gaue tuitui fakabotu ua, o gali moe kia  o kinautolu oku ma‘u ae vete?

31 Ke auha behe be a ho gaahi fili kotoabe e Jihova: ka ke tatau akinautolu oku ofa kiate ia moe laa i he ene alu hake i hono malohi. Bea nae fiemalie ae fonua i he ta‘u e fagofulu.