¶ 1 BEA i he gaahi aho koia aia nae ikai ha tu‘i i Isileli, nae hoko o behe, nae ai ae  tagata Livai e taha nae āunofo i he botu oe mouga o Ifalemi, bea naa ne omi ha jinifu ke na feagaiga mei Betelihema‐juta.

2 Bea nae fai agahala e hono fefine kiate ia, bea hola ia meiate ia ki he fale o ene tamai i Betelihema‐juta, bea nae i ai ia i he mahina katoa e fa.

3 Bea nae tuu hake hono unoho, bea alu ko hono kumi, ke ne lea ofa kiate ia, bea ke toe omi ia, bea nae iate ia ene tamaioeiki, bea moe asi e ua: bea ne omi ia ki he fale o ene tamai: bea i he mamata kiate ia ae tamai ae fefine, nae fiefia ia ke na feiloaki.

4 Bea nae taofi ia e he ene tamai i he fono, aia koe tamai ae fefine; bea naa na nonofo mo ia i he aho e tolu: koia naa nau kai, mo inu, bea mohe i ai.

¶ 5 Bea hoko ki hono fa oe aho, bea i he e nau tuu hegihegi hake i he bogibogi ke alu, nae tuu hake ia ke alu: bea behe e he tamai ae fefine ki hono foha i he fono, Ke ke fakafiemalie‘i ho loto aki ae koga ma, bea ke toki fai ho fonoga.

6 Bea naa nau nofo bea kai mo inu fakataha akinaua: he nae behe e he tamai ae fefine ki he tagata, Oku ou kole kiate koe ke ke fiemalie, bea ke tatali he bo ni, bea ke fakafiefia ki ho loto.

7 Bea i he tuu hake ae tagata ke alu, nae ue‘i malohi ia e he ene tamai i he fono: koia ne ne toe mohe i ai.

8 Bea tuu hegihegi hake ia i hono nima oe aho ke alu: bea behe e he tamai ae fefine kiate ia, Oku ou kole kiate koe, fakafiemalie‘i ho loto. Bea naa nau tatali o a‘u ki he hoata efiafi nai, bea na kai fakatouoji be.

9 Bea i he tuu hake ae tagata ke alu, mo hono unoho, mo ene tamaioeiki, nae lea ene tamai i he fono aia koe tamai ae fefine, o ne behe kiate ia, Ko eni, vakai, oku fakaaau ae aho ke efiafi, oku ou kole kiate koe tau mohe: vakai, kuo tei oji ae aho, tau mohe i heni, ke fiemalie ho loto; bea alu hegihegi abogibogi i ho mou hala, koeuhi ke ke hoko atu ki ho abi.

10 Ka nae ikai tatali e he tagata i he bo koia, ka nae tuu hake ia o alu, bea hoko o feouga mo Jebusi, aia ko Jelusalema; bea nae iate ia ae asi e ua moe hekaaga, bea mo hono unoho foki.

11 Bea i he e nau ofi ki Jebusi, kuo teitei oji ae aho, bea behe e he tamaioeiki ki he ene eiki, Oku ou kole kiate koe, ke tau afe ki he kolo ni oe kau Jebusi, bea mohe i ai.

12 Bea nae behe e he ene eiki kiate ia, E ikai te tau afe eni ki he kolo oe kakai kehe, aia oku ikai i he fānau a Isileli; ka tau mole atu ki Kibea.

13 Bea behe eia ki he ene tamaioeiki, Ko eni ke tau unuunu atu ki he botu ni e taha ke tau mohe ai he bo ni, i Kibea, be i Lama.

14 Bea naa nau alu ai be i ho nau hala; bea nae to ae laa i he e nau ofi ki Kibea, aia oku kau ki Benijimani.

15 Bea naa nau afe ki ai, ke alu o mohe i Kibea: bea i he ene alu ki ai, nae nofo ki lalo ia i he hala oe kolo: he nae ikai fakaafe ia e ha toko taha ki hono fale ke mohe.

¶ 16 Bea, vakai, nae ha‘u ha motua mei he ene gaue i he goue i he efiafi, koe tagata foki ia mei he mouga ko Ifalemi; bea nae aunofo ia i Kibea: ka koe kau tagata oe botu koia koe kau Benijimani.

17 Bea i he ene haga hake naa ne mamata ki he tagata fonoga i he hala oe kolo: bea behe e he motua kiate ia, Oku ke alu kife? bea kuo ke ha‘u meife?

18 Bea nae behe eia kiate ia, Oku mau fonoga mei Betelihema‐juta, ki he botu oe mouga ko Ifalemi; aia oku ou ha‘u mei ai: bea neu alu ki Betelihema‐juta, ka oku ou alu ni ki he fale o Jihova; bea oku ikai ha tagata ke fakaafe au ki hono fale.

19 Ka oku ai ae mohuku moe mea kai ki he e mau faga asi; bea oku ai moe ma moe uaine kiate au mo hoo kaunaga, bea ki he tagata talavou aia oku i hoo ogo tamaioeiki: oku ikai te mau majiva.

20 Bea behe e he motua, Ke ke fiemalie be; kae tuku kiate au hoo majiva kotoabe; kae oua naa ke mohe i he hala.

21 Koia naa ne omi ia ki hono fale, o ne atu ae mea kai ki he faga asi; bea naa nau fufulu ho nau va‘e, bea kai mo inu.

¶ 22 Bea i he e nau fakafiefia‘i ho nau loto, vakai, nae oho mai o kabui ae fale e he kau tagata oe kolo, ae fānau oe kovi, o tuki ki he mataba, bea naa nau lea ki he eiki oe fale, ae tagata motua, o behe, Omi ae tagata kitua aia nae ha‘u ki ho fale ke mau ilo ia.

23 Bea nae alu kitua ae tagata, ae eiki oe fale kiate kinautolu, mo ne behe kiate kinautolu, Ikai, e hoku kaiga, oku ou kole kiate kimoutolu, oua naa mou fai kovi behe; koe mea i he ha‘u ae tagata ni ki hoku fale, oua naa mou fai ae vale ni.

24 Vakai, ko eni hoku ofefine koe taahine, bea moe fefine aana teu omi akinaua ni, bea mou fakavaivai akinaua, bea fai kiate kinaua, aia oku lelei kiate kimoutolu: kae oua naa mou fai ki he tagata ni ha mea kovi lahi behe ni.

25 Ka nae ikai fietokaga ki ai e he kau tagata: koia nae too ai e he tagata hono fefine o omi ia kitua kiate kinautolu; bea naa nau ilo ia, o fai kovi kiate ia i he bo kotoa koia o a‘u ki he bogibogi: bea i he hegihegi hake, naa nau tukuage ia ke alu.

26 Bea ha‘u ai ae fefine i he mafoa ae ata oe aho o to ki he mataba oe fale oe tagata nae i ai ene eiki, ke oua ke aho.

27 Bea nae tuu hake ene eiki i he bogibogi, bea too ae gaahi mataba oe fale, bea nae alu ia kitua ke hoko hono fonoga: bea, vakai, koe fefine, ko hono unoho kuo to ki lalo ia i he mataba oe fale, bea nae ala atu hono nima ki he huaga oe mataba.

28 Bea behe eia kiate ia, Tuu hake, bea ke tau o. Ka nae ikai jii ha lea. Bea hiki hake ia e he tagata o fakaheka ki he asi, bea tuu hake ae tagata, o fonoga atu ki hono fonua.

¶ 29 Bea i he ene hoko ki hono fale, nae too eia ae hele, bea ne buke hono unoho, bea tafa‘i eia ia mo hono gaahi hui, koe koga  jino e hogofulu ma ua, bea nae ave ia ki he gaahi botu kotoabe o Isileli.

30 Bea nae hoko o behe, ko kinautolu kotoabe nae mamata ki ai naa nau behe, Kuo ikai mamata e ha toko taha ki ha mea behe kuo fai, talu ae aho nae alu hake ai ae fānau a Isileli mei he fonua ko Ijibite o a‘u ki he aho ni: mou tokaga ki ai, fai ae alea, bea fakaha ho mou loto.