¶ 1 BEA nae alu a Samisone ki Kesa, o ne mamata i ai ki he fefine agahala, bea alu ia kiate ia.

2 Bea nae tala ki he kakai Kesa, o behe, Kuo ha‘u a Samisone ki heni. Bea naa nau a‘i a Samisone i ai, bea nae toka ae malumu kiate ia i he bo kotoa koia i he mataba oe kolo, o nau logo be i he bo kotoa, koe nau behe, I he abogibogi oka aho, te tau tamate‘i ia.

3 Bea nae mohe a Samisone o a‘u ki he tuuabo, bea i he ene tuuabo, nae tuu a Samisone, o ne ave ae mataba louua oe kolo, mo hono ogo bou, bea alu mo ia, mo hono fakamau kotoabe, bea naa ne hili ia ki hono uma, bea fua hake kotoabe ki he tumutumu oe mouga oku i he ao o Hebeloni.

¶ 4 Bea hili ia, bea behe, nae ofa ia ki he fefine i he telea o Soleki, aia nae higoa ko Tilila.

5 Bea nae ha‘u ae houeiki oe kau Filisitia kiate ia, o nau behe kiate ia, Ke ke fakakolekole kiate ia, bea vakai be oku tuu i he ha ene malohi lahi, bea koeha ae mea koia te mau lava‘i ai ia, koeuhi ke mau ha‘i ia bea fakavaivai‘i ia: bea te mau taki taha atu kiate koe ha koga siliva e taha afe ma teau.

¶ 6 Bea nae behe e Tilila kia Samisone, Oku ou kole kiate koe, tala mai kiate au, Oku i he ha a ho malohi lahi, bea e faa ha‘i koe aki ae ha ke fakavaivai koe.

7 Bea nae behe e Samisone kiate ia, Kabau te nau ha‘i aki au ae afo mata e fitu aia nae ikai tauaki teu vaivai ai o hage ko ha tagata kehe.

8 Bea nae toki omi kiate ia e he houeiki oe kau Filisitia ae afo mata e fitu aia nae ikai tauaki, bea naa ne ha‘i aki ia.

9 Bea nae tuu teuteu i ai ae kau tagata, o nofo mo ia i he botu fale. Bea nae behe eia kiate ia, Samisone kuo hoko ae kau Filisitia kiate koe. Bea nae motumotuhi eia ae gaahi afo, o hage koe motu ha foi filo vaivai oka lave ki ai ae afi. Bea koia nae ikai ilo ai ene malohi.

10 Bea nae behe e Tilila kia Samisone, Vakai, kuo ke manuki kiate au, o lea loi kiate au: ko eni, oku ou kole kiate koe, ke ke tala mai kiate au aia e faa ha‘i aki koe.

11 Bea behe eia kiate ia, Kabau te nau ha‘i au aki ae gaahi maea foou aia nae ikai gaue aki, teu vaivai ai, o hoko o hage koe tagata kehe.

12 Koia nae toe ai e Tilila ae gaahi maea foou, bea ha‘i aki ia, o ne behe kiate ia, Samisone kuo iate koe ae kau Filisitia. Bea nae i ai ae kau toitoi nae nofo mo ia i he botu fale. Bea naa ne motuhi ia mei hono nima o hage ha foi filo tuitui.

13 Bea behe e Tilila kia Samisone, Kuo ke fai manuki be kiate au bea lea loi mai: tala mai kiate au, e ha‘i koe aki ae ha? Bea nae behe eia kiate ia, Kabau te ke fi ha vahega louulu e fitu o hoku ulu fakataha moe lalaga.

14 Bea naa ne fakamau aki ia ae fa‘o, o ne behe kiate ia, Samisone kuo iate koe ae kau Filisitia. Bea nae a hake ia mei he ene mohe, bea ne alu ia moe fa‘o oe fuu akau, bea moe lalagā.

¶ 15 Bea behe eia kiate ia, Oku fefe hoo behe, Oku ou ofa kiate koe, ka oku ikai iate au hoo ofa? kuo ke kākā‘i au o liuga tolu, bea oku teeki jii tala kiate au be oku tuu i he ha a hoo malohi lahi.

16 Bea nae hoko o behe, i he ene taukave ene lea kiate ia i he aho kotoabe o fakafiu‘i ia, nae mamahi ai hono laumalie o tei mate;

17 Koia naa ne fakaha kiate ia hono loto kotoabe, o ne behe kiate ia, Nae ikai hoko ha tele ki hoku ulu; he koe Fakamavahe au ki he Otua mei he manāva o eku fa‘e: kabau e tekefua au, bea e mole ai eku malohi iate au, bea teu hoko o vaivai, bea teu hage koe tagata kehe.

18 Bea i he mamata e Tilila kuo ne fakaha kiate ia hono loto kotoa, nae fekau ia o ui ke ha‘u ae houeiki oe kau Filisitia, o ne behe, Mou ha‘u ke toe ta tuo taha, he kuo ne fakaha kiate au a hono loto kotoa. Bea nae ha‘u ai ae gaahi eiki oe kau Filisitia kiate ia, bea nae omi ae gaahi baaga i ho nau nima.

19 Bea naa ne fakamohe ia ki hono tui; bea naa ne ui ke ha‘u ha tagata, ke ne tele ke oji hono tobe louulu e fitu; bea naa ne kamata fakavaivai ia, bea nae mole ene malohi iate ia.

20 Bea behe eia, Samisone, oku iate koe ae kau Filisitia. Bea nae a hake ia mei he ene mohe, bea ne behe, Teu alu atu o hage ko eku faa alu, o tubetube‘i au. Bea nae ikai mahalo eia kuo alu a Jihova iate ia.

¶ 21 Ka nae buke ia e he kau Filisitia, o nau kabe‘i hono mata, bea nae o hifo ia ki Kesa, bea ha‘i aki ia ae mea ha‘i balasa; bea nae fai eia ae momoji mea i he fale fakabobula.

22 Ka nae toe kamata tubu hono louulu i he hili ene tekefua.

23 Bea nae fakataha ae gaahi eiki oe kau Filisitia koeuhi ke nau atu ha feilaulau lahi kia Takoni ko ho nau otua, bea ke nau fiefia: he naa nau behe, Kuo tuku e ho tau otua a Samisone, ko ho tau fili ki ho tau nima.

24 Bea i he mamata kiate ia ae kakai, naa nau fakamalo ki ho nau otua: he naa nau behe, Kuo tuku e ho tau otua ki ho tau nima a ho tau fili, moe fakaauha o ho tau fonua, aia naa ne tamate‘i ho tau toko lahi.

25 Bea nae hoko o behe, i he fiefia o ho nau loto, naa nau behe, Ui ke ha‘u a Samisone, koeuhi ke tau fakavele kata ai. Bea naa nau ui ke ha‘u a Samisone mei he fale fakabobula; bea naa ne fai mea fakakata i ho nau ao, bea naa nau tuku ia i he vahaa oe ogo bou.

26 Bea nae behe e Samisone ki he tamajii nae buke hono nima, Tuku au keu ala ki he ogo bou aia oku faaki ki ai ae fale, koeuhi keu faaki ki ai.

27 Bea koeni, nae fonu ae fale i he kau tagata moe kau fefine; bea nae i ai ae gaahi houeiki kotoabe oe kakai Filisitia; bea nae nofo i he tuafale ae kau tagata moe kau fefine e toko tolu afe nai, ke mamata ki he fai mea fakakata a Samisone.

28 Bea nae hu a Samisone kia Jihova, o ne behe, E Jihova koe Otua, oku ou kole kiate koe, ke ke manatu‘i au; oku ou kole kiate koe, E Otua, ke ke fakamalohi au, ke tuo taha ni, koeuhi keu totogi leva ni ki he kakai Filisitia koeuhi ko hoku ogo mata.

29 Bea nae buke a Samisone ki he ogo bou e ua i loto aia nae falala ai ae fale, aia naa na boubou hake ia, koe taha i hono nima toomatau, moe taha i hono toohema.

30 Bea nae behe e Samisone. Tuku au keu mate moe kakai Filisitia. Bea naa ne tulolo i hono malohi kotoa; bea nae holo ae fale ki he gaahi houeiki, bea ki he kakai kotoabe nae i ai. Koia koe mate naa ne tamate‘i i he ene bekia nae toko lahi hake iate kinautolu naa ne tamate‘i i he ene moui.

31 Bea nae alu hifo a hono gaahi kaiga mo kinautolu kotoabe i he fale o ene tamai, ke too ia, o alu hake mo ia, bea nae fai hono butu i he vahaa o Sola mo Esitaoli i he tanuaga o ene tamai ko Manoa. Bea naa ne fakamāu‘i eia a Isileli i he ta‘u e uofulu.