¶ 1 BEA nae ai ae tagata oe mouga o Ifalemi, nae higoa ko Maika.

2 Bea nae behe eia ki he ene fa‘e, Koe koga siliva e taha afe moe teau e taha, aia nae kaihaaji iate koe, aia naa ke kabe ai, mo ke lea ki ai i hoku ao foki, vakai, oku iate au ae siliva; ko au naaku ave ia. Bea nae behe e he ene fa‘e, Ko eku tama, ke ke monuia koe ia Jihova.

3 Bea i he ene toe atu ae koga siliva e taha afe moe teau ki he ene fa‘e, nae behe e he ene fa‘e, Nae oji eku fakatabu hono kotoa oe siliva kia Jihova mei hoku nima, bea mei he eku tama, ke gaohi aki ia ae mea fakatātā kuo ta moe mea fakatātā kuo haka: bea koeni, teu toe tuku ia kiate koe.

4 Ka naa ne toe atu ae gaahi baaga ki he ene fa‘e; bea too e he ene fa‘e o tuku ki he tufuga haka mea, ae koga siliva e uageau, aia naa ne gaohi aki ae mea fakatātā kuo ta moe fakatātā kuo haka: bea ne na tuu i he fale o Maika.

5 Bea nae i ha tagata ko Maika ha fale o hono otua, bea naa ne gaohi ha efoti moe tamabua, bea naa ne fakatabu‘i hono foha e toko taha, aia nae hoko ko ene taulaeiki.

6 Bea i he gaahi aho koia nae ikai ha tu‘i i Isileli, ka nae fai e he tagata kotoabe aia nae lelei i hono mata oona.

¶ 7 Bea nae ai ae tagata talavou e taha mei Betelihema‐juta i he faahiga o Juta, koe Livai ia, bea nae nofo ia i ai.

8 Bea nae hiki ae tagata koia mei he kolo ko Betelihema‐juta ke alu o aunofo i ha botu te ne hoko ki ai: bea nae hoko atu ia ki he mouga ko Ifalemi ki he fale o Maika, i he ene fonoga.

9 Bea nae behe e Maika kiate ia, Oku ke ha‘u meife? Bea behe eia kiate ia, Koe Livai au mei Betelihema‐juta, bea oku ou alu ke nofo i ha botu be.

10 Bea nae behe e Maika kiate ia, Ke ta nonofo, mo au, bea ke iate au koe tamai moe taulaeiki, bea teu atu kiate koe ae koga siliva e hogofulu i he ta‘u e taha, moe gaahi kofu kotoa, bea moe meakai. Bea nae afe ki lotoa ae tagata Livai.

11 Bea nae fiemalie ai ae Livai ke na nonofo moe tagata; bea nae tatau ae talavou kiate ia mo hono foha e taha.

12 Bea nae fakanofo e Maika ae tagata Livai; bea nae hoko ae talavou ko hono taulaeiki, bea nae nofo ia i he fale o Maika.

13 Bea nae behe ai e Maika, Oku ou ilo eni e fai lelei e Jihova kiate au, he kuou ma‘u ha  tagata Livai ke taulaeiki.