¶ 1 BEA nae ha‘u ae agelo a Jihova mei Kilikali ki Bokimi, o ne behe, Naaku o hake akimoutolu mei Ijibite, bea kuou omi akimoutolu ki he fonua aia naaku fuakava ai ki hoo mou gaahi tamai; bea neu behe, E ikai aubito teu liaki eku fuakava mo kimoutolu.

2 Bea e ikai te mou alea ke fakataha moe kakai oe fonua ni: ka te mou laku hifo ho nau gaahi feilaulauaga: ka nae ikai te mou fai talagofua ki hoku le‘o: koeha kuo mou fai ai ae mea ni?

3 Koia kuou lea foki o behe, E ikai teu kabuji akinautolu mei ho mou ao: ka te nau hoko  koe gaahi tala‘i akau i ho mou vakavaka, bea ko ho nau gaahi otua koe tauhele kiate kimoutolu.

4 Bea nae hoko o behe, i he lea ae agelo a Jihova aki ae gaahi lea ni ki he fānau kotoabe a Isileli, nae hiki hake ho nau le‘o e he kakai, o tagi.

5 Bea naa nau ui hono higoa oe botu koia ko Bokimi: bea naa nau fai i ai ae feilaulau kia Jihova.

¶ 6 Bea i he tuku e Josiua ae kakai ke alu; nae alu ae fānau a Isileli ae tagata taki taha kotoabe ki hono tofia ke ma‘u ae fonua.

7 Bea nae tauhi a Jihova e he kakai i he aho kotoabe o Josiua, bea moe gaahi aho kotoabe oe kau mātua naa nau auhia o Josiua, akinautolu nae mamata ki he gaahi gaue lahi a Jihova, aia naa ne fai maa Isileli.

8 Bea nae bekia a Josiua koe foha o Nuni koe tamaioeiki a Jihova, kuo teau ta‘u hono motua moe ta‘u e hogofulu.

9 Bea nae nau fai hono butu i he vee fonua o hono tofia i Timinate‐helesi, i he mouga o Ifalemi, i hono botu tokelau oe mouga ko Keasi.

10 Bea nae tanaki foki ae toutagata kotoabe koia ki he e nau gaahi tamai; bea nae tubu hake ae toutagata e taha o hoko mo kinautolu, aia nae ikai te nau ilo a Jihova, be koe gaahi gaue foki nae fai eia maa Isileli.

¶ 11 Bea nae fai kovi ae fānau a Isileli i he ao o Jihova, bea naa  nau tauhi a Beali:

12 Bea naa nau liaki a Jihova koe Otua oe nau gaahi tamai, aia naa ne omi akinautolu mei he fonua ko Ijibite, o nau muimui ki he gaahi otua kehe, i he gaahi otua oe kakai nae nofo takatakai iate kinautolu, o nau bunou hifo akinautolu kiate kinautolu, o fakatubu ae houhau o Jihova.

13 Bea naa nau liaki a Jihova, o tauhi a Beali mo Asiteloti.

¶ 14 Bea nae tubu o vela lahi ae houhau a Jihova ki Isileli, bea naa ne tukuage akinautolu ki he nima oe kau maumau, aia nae maumau‘i akinautolu, bea naa ne fakatau akinautolu ki he nima o ho nau gaahi fili nae takatakai akinautolu, koia nae ikai te nau kei faa tuu i he ao o ho nau gaahi fili.

15 Koe gaahi botu kotoabe naa nau alu ki ai, nae hiki ai ae nima o Jihova kiate kinautolu ki he kovi, o hage koe lea a Jihova, bea hage koe fuakava a Jihova kiate kinautolu: bea naa nau mamahi lahi.

¶ 16 Ka ne ogo ia nae fokotuu hake e Jihova ae kau fakamāu, aia nae fakamoui akinautolu mei he nima o kinautolu nae maumau‘i akinautolu.

17 Ka nae ikai te nau fie fanogo ki ho nau kau fakamāu, ka naa nau alu holi kovi be ki he gaahi otua kehe, ke bunou hifo akinautolu ki ai: naa nau tafoki vave mei he hala aia nae alu ai e nau gaahi tamai, i he  e nau fai talagofua ki he gaahi fekau a Jihova: he nae ikai te nau fai behe.

18 Bea i he fokotuu e Jihova ae kau fakamāu kiate kinautolu, bea nae i he fakamāu a Jihova, o ne fakamoui akinautolu mei he nima o ho nau gaahi fili i he gaahi aho kotoabe oe fakamāu: he nae fakatomala a Jihova koe mea i he e nau gaahi to‘e koeuhi ko kinautolu nae fakamamahi‘i akinautolu mo fakafiu‘i akinautolu.

19 Bea nae hoko o behe, i he bekia leva ae fakamāu, naa nau tafoki o fakahala‘i lahi aubito hake akinautolu i he e nau gaahi tamai, i he muimui i he gaahi otua kehe ke tauhi akinautolu, o bunou hifo ki ai; nae ikai te nau tuku e nau fai ki ho nau faiaga, be mei he aga malohi a nautolu.

¶ 20 Bea nae tubu o vela ae houhau o Jihova ki Isileli; bea nae behe eia, Koe mea i he liaki e he kakai ni eku fuakava aia naaku fekau ki he e nau gaahi tamai, bea oku ikai te nau tokaga ki hoku le‘o;

21 Gata mei heni, e ikai teu kabuji mei ho nau ao ae gaahi buleaga nae tuku e Josiua i he ene bekia;

22 Koeuhi keu ahiahi‘i a Isileli iate kinautolu, ke ilo be te nau tauhi ae hala o Jihova ke alu i ai, o hage hono tauhi ia e he e nau gaahi tamai, be ikai.

23 Koia nae tuku be e Jihova ae gaahi buleaga koia, o ikai kabuji vave akinautolu kituaa: bea nae ikai te ne tukuage akinautolu ki he nima o Josiua.