¶ 1 BEA koe gaahi buleaga eni nae tuku e Jihova ke ahiahi aki a Isileli, io akinautolu i Isileli, nae ikai te nau ilo ae gaahi tau kotoabe oe kau Kenani:

2 Koeuhi ke hoko o ilo ai e he gaahi toutagata kotoabe o Isileli, ke ako tau kiate kinautolu, koeuhi be akinautolu nae ikai te nau tomua ilo jii ia:

3 Koe eiki e toko nima oe kau Filisitia, moe kau Kenani kotoabe, moe kau Saitoni, moe kau Hevi nae nofo i he mouga ko Lebanoni, mei he mouga ko Beali‐heamoni ki he huaga ki Hemati.

4 Bea nae tuku ke ahiahi‘i aki a Isileli ekinautolu, ke ilo be te nau fanogo ki he gaahi fekau a Jihova, aia naa ne fekau ki he e nau gaahi tamai i he nima o Mosese.

¶ 5 Bea nae nofo ae fānau a Isileli fakataha moe kau Kenani, moe kau Heti, moe kau Amoli, moe kau Belesi, moe kau Hevi, moe kau Jebusi:

6 Bea naa nau omi ho nau gaahi ofefine ke hoko ko ho nau gaahi unoho, bea  naa nau atu ho nau gaahi ofefine ki ho nau gaahi foha, o nau tauhi ho nau gaahi otua.

7 Bea nae fai kovi e he fānau a Isileli i he ao o Jihova, o fakagalo‘i a Jihova ko ho nau Otua, o nau tauhi a Beali moe gaahi vao tabu.

8 Koia nae vela ai ae houhau a Jihova ki Isileli, o ne fakatau akinautolu ki he nima o Kusani‐lisateimi koe tu‘i o Mesebotemia: bea nae tauhi e he fānau a Isileli a Kusani‐lisateimi i he ta‘u e valu.

9 Bea i he tagi ae fānau a Isileli kia Jihova, nae fokotuu hake e Jihova ae fakamoui ki he fānau a Isileli, aia naa ne fakamoui akinautolu, io ko Otinili koe foha o Kenasi, koe tehina o Kelebi.

10 Bea nae iate ia ae Laumalie o Jihova, bea ne fakamāu‘i eia a Isileli, o ne fai ae tau: bea nae tukuage e Jihova a Kusani‐lisateimi koe tu‘i o Mesebotemia ki hono nima; bea nae malohi hono nima kia Kusani‐lisateimi.

11 Bea nae nofo fiemalie be ae fonua i he ta‘u e fagofulu. Bea nae bekia a Otinili koe foha o Kenasi.

¶ 12 Bea nae toe fai agakovi ae fānau a Isileli i he ao o Jihova: bea nae fakamalohi e Jihova a Ekeloni koe tu‘i o Moabe kia Isileli, koe mea i he e nau fai kovi i he ao o Jihova.

13 Bea ne ne fakataha kiate ia ae fānau a Amoni mo Amaleki, o ne alu o teia a Isileli, bea ne ma‘u eia ae kolo oe akau koe boga.

14 Bea behe, nae tauhi e he fānau a Isileli, a Ekeloni, koe tu‘i o Moabe i he ta‘u e hogofulu ma valu.

15 Ka i he tagi ae fānau a Isileli kia Jihova, nae fokotuu hake e Jihova ha fakamoui kiate kinautolu, ko Ehuti koe foha o Kela, oe kakai Benijimani, koe tagata hema: bea nae ave iate ia e he fānau a Isileli ae mea ofa kia Ekeloni koe tu‘i o Moabe.

16 Bea nae gaohi e Ehuti haa ne hele fakatoumata, koe haga e ua hono loloa; bea naa ne nonoo ia i hono lalo kofu ki hono tega toomatau.

17 Bea ne omi eia ae mea ofa kia Ekeloni koe tu‘i o Moabe: bea koe tagata jino lahi a Ekeloni.

18 Bea hili ene atu ae mea ofa, naa ne fekau ke alu ae kakai nae fua ae mea ofa.

19 Ka nae foki mai ia mei he gaahi maka kuo ta nae ofi ki Kilikali, o ne behe, E tu‘i, oku ai eku fekau fufu kiate koe: bea naa ne behe, Ke logo be. Bea ko kinautolu kotoabe nae tutuu i ai nae alu kitua.

20 Bea nae ha‘u a Ehuti kiate ia: nae nofo ia i he fale fakahavilivili naa ne gaohi moona be. Bea behe e Ehuti, Kuou ma‘u ae fekau mei he Otua kiate koe. Bea nae tuu hake ia mei hono nofoa.

21 Bea nae mafao atu hono nima toohema e Ehuti, o too mai ae heleta mei hono tuatega toomatau, bea ne hoka‘i aki ia i hono kete.

22 Bea nae mole ai ki loto hono fakavaka moe mata oe hele; bea oboji ae matalavea ki he hele, koia nae ikai te ne mafai ke toe toho mai ae hele mei hono kete: bea nae ha‘u kitua hono kovi.

23 Bea alu ai a Ehuti ki fale, bea ne tabuni ae mataba oe botu fale kiate ia, ke mau.

24 Bea hili ene alu kituaa, nae ha‘u ai ene kau tamaioeiki: bea i he e nau mamata, bea vakai, kuo mau ae gaahi mataba oe botu fale, naa nau behe, Naa oku fai ene mea i hono botu fale.

25 Bea naa nau ma i he tatali: bea, vakai, nae ikai too eia ae gaahi mataba oe botu fale; koia naa nau to ai ae ki, bea vete aki: bea, vakai, kuo to o mate ho nau eiki ki lalo ki he kelekele.

26 Bea nae hao a Ehuti i he e nau fakatuai, bea mole atu ia o mamao i he gaahi botu oe taaga maka, bea hao atu ia ki Seilati.

27 Bea nae hoko o behe, i he ene hoko atu, nae ifi leva ae mealea i he mouga o Ifalemi, bea alu hifo mo ia ae fānau a Isileli mei he mouga, bea muomua iate kinautolu.

28 Bea behe eia kiate kinautolu, Mou muimui mai iate au: he kuo tukuage e Jihova ho mou gaahi fili koe kakai Moabe ki ho mou nima. Bea naa nau alu hifo o muimui iate ia, o nau ma‘u ae gaahi aaaga o Joatani o haga ki Moabe, bea nae ikai te nau tuku ha tagata e toko taha ke aa ai.

29 Bea naa nau ta‘i ae kau tagata Moabe i he kuoga koia, koe toko taha mano nai, koe kau tagata jino kotoabe bea to‘a; bea nae ikai hao ha tagata e toko taha.

30 Bea nae fakamoulaloa a Moabe i he aho koia ki he nima o Isileli. Bea nae nofo fiemalie ae fonua i he ta‘u e valugofulu.

¶ 31 Bea nae hoko mo ia a Samikaa koe foha o Anati, aia nae teia ae kau Filisitia e toko onogeau aki ae tao  oku hoka aki ae bulu bea naa ne fakamoui foki eia a Isileli.