¶ 1 BEA nae toe fai kovi ae fānau a Isileli i he ao o Jihova, hili ene mate a Ehuti.

2 Bea nae fakatau akinautolu e Jihova ki he nima o Jabini, koe tu‘i o Kenani, aia nae bule i Hasoa; koe eiki oe tau aana ko Sisela, aia nae nofo i Haloseti oe gaahi kolo taelotu.

3 Bea nae tagi ae fānau a Isileli kia Jihova: he nae iate ia ae jaliote aione e hivageau; bea naa ne fakamamahi lahi ki he fānau a Isileli i he ta‘u e uofulu.

¶ 4 Bea ko Tebola, koe fefine balofita, koe unoho o Labetoti, naa ne fakamāu‘i a Isileli i he kuoga koia.

5 Bea nae nofo ia i he lolo boga, i he vahaa o Lama mo Beteli i he mouga o Ifalemi: bea nae alu hake kiate ia ae fānau a Isileli ki he fakamāu.

6 Bea nae fekau eia o ui kia Belaki koe foha o Abinoami mei Ketesi-nafitali, o ne behe kiate ia, Ikai kuo fekau e Jihova koe Otua o Isileli, o behe, Alu o unuunu atu ki he mouga ko Teboa, bea ke ave ae kau tagata e toko mano i he fānau a Nafitalai bea i he fānau a Sebuloni?

7 Bea teu toho ki he vaitafe ko Kisoni a Sisela, koe eiki tau oe kau tau o Jabini, mo ene gaahi sailote mo hono fuu kakai; bea teu tukuage ia ki ho nima.

8 Bea nae behe e Belaki kiate ia, Kabau te ta o mo koe, bea teu alu: bea kabau e ikai te ta o mo koe, bea e ikai teu alu.

9 Bea behe eia, Te ta o mooni mo koe: ka koe mooni koe fonoga ni oku ke alu ai e ikai te ke ogolelei ai koe; koeuhi e fakatau e Jihova a Sisela ki he nima o ha fefine. Bea nae tuu hake a Tebola, o na o mo Belaki ki Ketesi.

¶ 10 Bea nae ui e Belaki ke ha‘u ki Ketesi a Sebuloni mo Nafitalai; bea nae alu hake ia moe kau tagata e toko taha mano nae muimui iate ia: bea nae alu hake a Tebola mo ia.

11 Bea ko Heba koe tagata Kena, aia nae i he fānau a Hobabi koe tamai i he fono a Mosese, kuo ne fakamavae ia mei he kau Kena, o ne fokotuu hono fale fehikitaki i he toafa ko Seaneimi, aia oku i Ketesi.

12 Bea naa nau fakaha kia Sisela ae alu hake a Belaki koe foha o Abinoami ki he mouga ko Teboa.

13 Bea nae tanaki fakataha e Sisela a ene gaahi jaliote aione e hivageau, bea moe kakai kotoabe nae iate ia, mei Haloseti oe gaahi kolo taelotu o a‘u ki he vai lahi o Kisoni.

14 Bea behe e Tebola kia Belaki, Tuu hake, he koe aho ko eni kuo tukuage e Jihova a Sisela ki ho nima: ikai kuo alu muomua a Jihova iate koe? Koia nae alu hifo ai Belaki mei he mouga ko Teboa, bea muimui iate ia ae kau tagata e toko taha mano.

15 Bea nae veuveuki e Jihova a Sisela mo ene gaahi jaliote, mo ene tau kotoabe, aki ae mata oe heleta i he ao o Belaki: koia nae hifo ai a Sisela mei he ene saliote, bea hola i hono va‘e ke mamao.

16 Ka nae tuli e Belaki ki he gaahi jaliote, moe tau ki Haloseti oe gaahi kolo taelotu: bea nae to ae tau kotoabe a Sisela ki he mata oe heleta: bea nae ikai fakatoe ha tagata.

17 Ka koe mooni nae hola ke mamao a Sisela i hono va‘e ki he fale o Jaeli koe unoho o Heba koe tagata Kena; he nae melino a Jabini koe tu‘i o Hasoa moe fale o Heba koe tagata Kena.

¶ 18 Bea nae alu kitua a Jaeli ke fakafetaulaki kia Sisela, o ne behe kiate ia, Afe mai, E hoku eiki, afe mai kiate au; oua naa manavahe. Bea i he ene afe kiate ia ki he fale naa ne ufiufi aki eia ia ae bulubulu.

19 Bea behe eia kiate ia, Oku ou kole kiate koe, tuku mai ha vai jii keu inu; he oku ou fieinua. Bea nae too eia ae hina hua huhu, o ne atu ia ke ne inu, bea ufiufiu eia ia.

20 Bea toe lea eia kiate ia, Tuu i he mataba oe fale, bea e behe, kabau e ha‘u ha tagata o fehui kiate koe, o behe, Oku i heni ha tagata bea ke behe ai ekoe, Oku ikai.

21 Bea nae too e Jaeli koe unoho o Heba ae fa‘o oe fale, bea too ae hamala i hono nima, bea nae alu fakaeteete ia kiate ia, bea tuki ae fa‘o ki hono ulu ke aji o fakamau aki ia ki he kelekele: he nae mau be ene mohe, bea naa ne ogojia. Bea nae mate ai ia.

22 Bea, vakai, i he tuli e Belaki a Sisela, nae alu kitua a Jaeli ke fakafetaulaki kiate ia, o ne behe kiate ia, Ha‘u, bea teu fakaha kiate koe ae tagata oku ke kumi. Bea i he ene hu mo ia, vakai, kuo tuku i ai a Sisela kuo mate, bea nae i hono alu ae fa‘o.

23 Nae behe ae fakavaivai e he Otua i he aho koia a Jabini koe tu‘i o Kenani i he ao oe fānau a Isileli.

24 Bea nae fakamonuia o malohi ae nima oe fānau a Isileli kia Jabini koe tu‘i o Kenani, o a‘u ki he e nau fakaauha a Jabini koe tu‘i o Kenani.