¶ 1 BEA nae fai kovi ae fānau a Isileli i he ao o Jihova: bea nae tukuage akinautolu e Jihova ki he nima o Mitiane:

2 Bea nae malohi ae nima o Mitiane ki Isileli: bea koe mea i he kakai Mitiane nae gaohi e he kakai Isileli moo nautolu ae gaahi toitoiaga i he gaahi ana, moe gaahi botu malohi, i he gaahi mouga.

3 Bea nae behe, feouga moe to ae ta‘u e Isileli, nae alu hake ae kakai Mitiane, moe kakai Amaleki, moe fānau mei he botu hoboagalaa, io nae ha‘u akinautolu ke tau kiate kinautolu;

4 Bea naa nau fakanofo ae tau kiate kinautolu, bea naa nau maumau ae fua oe fonua, o fai atu ki Kesa, bea nae ikai tuku ha mea kai ki Isileli, be ha sibi, be ha bulu, be ha asi.

5 He naa nau alu hake moe nau faga manu mo ho nau gaahi tuufale, bea nau ha‘u o hage koe faga hee ho nau toko lahi; he ko kinautolu mo e nau gaahi kameli nae tae faa laua: bea naa nau ha‘u ki he fonua ko hono fakaauha.

6 Bea nae fakamajiva lahi a Isileli koe mea i he kakai Mitiane; bea nae tagi ae fānau a Isileli kia Jihova.

¶ 7 Bea nae hoko o behe, i he tagi ae fānau a Isileli kia Jihova koe mea i he kakai Mitiane,

8 Nae fekau e Jihova ae balofita ki he fānau a Isileli, aia naa ne behe kiate kinautolu, Oku behe mai a Jihova koe Otua o Isileli, Naaku omi akimoutolu mei Ijibite, bea omi akimoutolu kitua mei he fale oe fakabobula;

9 Bea naaku fakamoui akimoutolu mei he nima oe kakai Ijibite, bea mei he nima o kinautolu, kotoabe nae fakamamahi‘i akimoutolu, beau kabuji atu akinautolu mei ho mou ao, beau foaki kiate kimoutolu ho nau fonua;

10 Bea neu behe kiate kimoutolu, Ko au ko Jihova ko ho mou Otua; oua naa mou manavahe ki he gaahi otua oe kau Amoli, koe fonua o nautolu oku mou nofo ai: ka kuo ikai te mou fai talagofua ki hoku le‘o.

¶ 11 Bea nae ha‘u ai ae agelo a Jihova, bea nofo i he lolo oke aia nae i Ofila, bea nae o Joasi oe fānau a Abiesa: bea nae haha uite e hono foha ko Kitione o ofi ki he tataoaga uaine, ke fufu ia mei he kakai Mitiane.

12 Bea nae fakahāhā ae agelo a Jihova kiate ia, o ne behe kiate ia, Oku iate koe a Jihova, akoe koe tagata malohi mo to‘a.

13 Bea nae behe e Kitione kiate ia, E hoku Eiki, kabau oku iate kimautolu a Jihova, koeha kuo to ai ae gaahi mea ni kiate kimautolu? bea kuo ife ae gaahi mea mana aia nae tala e he e mau gaahi tamai kiate kimautolu, o behe, Ikai nae omi akimautolu e Jihova mei Ijibite? ka ko eni kuo liaki akimautolu e Jihova, bea kuo tukuage akimautolu ki he nima oe kakai Mitiane.

14 Bea nae afio a Jihova kiate ia, o ne behe, Alu i he malohi ni oou, bea te ke fakamoui ekoe a Isileli mei he nima oe kakai Mitiane: ikai kuou fekau‘i koe?

15 Bea nae behe eia kiate ia, E hoku Eiki, e fakamoui fefe‘i e au a Isileli? vakai, oku majiva hoku fale i Manase, bea koe jii hifo taha be au i he fale o eku tamai.

16 Bea nae behe e Jihova kiate ia, Koe mooni teu iate koe, bea te ke ta‘i ae kakai Mitiane o hage koe tagata be taha.

17 Bea behe eia kiate ia, Ko eni kabau kuou ma‘u ae ofa i ho ao, bea ke fakaha kiate au ha fakailoga oku ta alea mo koe.

18 Oku ou kole kiate koe, oua naa ke alu i heni, kae oua keu ha‘u kiate koe mo eku mea ofa, beau fokotuu ia i ho ao. Bea nae behe eia, Teu tatali be ke oua ke ke toe ha‘u.

¶ 19 Bea nae alu ai a Kitione, o ne teu ae uhiki‘i koji, moe ma tae fakalevani i he efa e taha oe mahoaa: naa ne fao ae kakano i ha kato, bea ne ai ae vaihu ki ha kulo, o ne omi ia ki he lolo oke, o ne atu ia.

20 Bea nae behe e he agelo ae Otua kiate ia, Too ae kakano moe gaahi ma tae fakalevani, bea ai ia ki he maka ni, bea liligi ae vaihu. Bea naa ne fai ia.

¶ 21 Bea nae toki mafao atu e he agelo a Jihova ae mua tokotoko nae i hono nima, ke lave ki he kakano moe gaahi ma tae mea fakatubu; bea nae alu hake ae afi mei he maka, bea nae ojioji ai ae kakano moe gaahi ma tae fakalevani. Bea nae alu ai ae agelo a Jihova mei hono ao.

22 Bea i he ilo e Kitione koe agelo ia a Jihova, nae behe e Kitione, Oiaue, E Jihova koe Otua! he kuou mamata ki he agelo a Jihova koe mata ki he mata.

23 Bea nae behe e Jihova kiate ia, Ke fiemalie be akoe; oua naa ke manavahe: e ikai te ke mate.

24 Bea nae fokotuu i ai e Kitione ae feilaulauaga kia Jihova, o ne ui ia, ko Jihova‐salomi: oku i Ofila ia oe kau Abiesa o a‘u ki he aho ni.

¶ 25 Bea nae hoko o behe i he bo be koia, nae behe e Jihova kiate ia, Too ae bulu mui a hoo tamai, io hono ua oe bulu oku fitu ta‘u ene motua, bea tulaki hifo ae feilaulauaga o Beali aia nae laga e hoo tamai, bea ta hifo ae vao tabu oku ofi ki ai:

26 Bea ke laga ae feilaulauaga kia Jihova ko ho Otua i he fuga oe maka ni, i he botu malohi, bea ke omi hono ua oe bulu, bea atu ia koe feilaulau tutu ia, mo fefie aki ae akau oe vao tabu aia ke ke ta hifo.

27 Bea nae too e Kitione ae kau tagata ko ene kau tamaioeiki e toko hogofulu, o ne fai o hage koe fekau a Jihova kiate ia: bea koe mea i he ene manavahe ki he kakai oe fale o ene tamai, moe kau tagata oe kolo, nae ikai te ne mafai ia i he aho, bea nae fai eia ia i he bouli.

¶ 28 Bea i he tuu hegihegi hake i he bogibogi ae kau tagata oe kolo, vakai, koe feilaulauaga o Beali kuo tulaki ki lalo, bea kuo ta hifo moe vao tabu nae ofi ki ai, bea ko hono ua oe bulu kuo oji hono atu o feilaulau aki ki he feilaulauaga aia nae laga.

29 Bea naa nau febeheaki iate kimautolu, Kohai kuo ne fai ae mea ni? Bea i he e nau eke mo fehui, naa nau behe, Kuo fai ae mea ni e Kitione koe foha o Joasi.

30 Bea behe ai e he kau tagata oe kolo kia Joasi, Omi ho foha kitua ke tamate ia: koe mea i he ene tulaki hifo ae feilaulauaga o Beali, bea koe mea i he ene ta hifo ae vao tabu nae ofi ki ai.

31 Bea nae behe e Joasi kiate kinautolu nae agatuu kiate ia, Te mou lagomaki‘i a Beali? he te ne fakamoui akimoutolu? koia oku lagomaki‘i a Beali ke tamate‘i ia i he kei bogibogi: kabau koe otua ia, ke lagomaki‘i ia eia be, koeuhi kuo tulaki hifo e ha toko taha a hono feilaulauaga.

32 Koia naa ne ui ia i he aho koia ko Jelubeali, o behe, Tuku ke lagomaki‘i ia e Beali, he kuo ne tulaki hifo hono feilaulauaga.

¶ 33 Bea nae toki fakataha ai ae kakai Mitiane kotoabe moe kakai Amaleki moe fānau kotoabe oe botu hahake, o nau alu atu, o abitaga i he telea o Jesilili.

34 Ka nae hoko kia Kitione ae Laumalie o Jihova, bea ne ifi eia ae mealea: bea nae fakataha o muimui iate ia ae kakai Abiesa.

35 Bea nae fekau eia ki Manase kotoabe; bea nae nau tanaki o muimui iate ia foki: bea nae fekau eia ki Aseli, bea ki Sebuloni, mo Nafitalai; bea na nau ha‘u ke fakafetaulaki kiate kinautolu.

¶ 36 Bea nae behe e Kitione ki he Otua, Kabau te ke fakamoui a Isileli aki hoku nima o hage ko hoo folofola,

37 Vakai, teu ai ae fulufulu‘i sibi kotoa ki he kelekele: bea kabau oku i he fulufulu‘i sibi be ae hahau, bea momoa ae kelekele kotoabe, teu ilo ai te ke fakamoui a Isileli i hoku nima, o hage ko hoo folofola.

38 Bea nae behe: he nae tuu bogibogi hake ia i he bogibogi, o tatau ae hahau mei he fulufulu i sibi, bea nae fonu ha ibu i he vai.

39 Bea nae behe e Kitione ki he Otua, Oua naa tubu o lahi hoo houhau kiate au, bea teu lea ke tuo taha ni: oku ou kole kiate koe tuku au keu ahiahi‘i koe ke tuo taha ni aki ae fulufulu‘i sibi: tuku ke momoa be ae fulufulu‘i sibi, kae i he kelekele kotoabe ae hahau.

40 Bea nae fai ia e he Otua i he bo koia: he nae momoa ae fulufulu‘i sibi be, ka nae hahauia ae kelekele kotoabe.