¶ 1 BEA nae folofola a Jihova kia Mosese, o behe,

2 Ke ke gaohi maau ae mealea e ua aki ae siliva, koe koga be taha ke ke gaohi aki ia: koeuhi ke ke ui aki ia ae fakataha, bea moe fonoga oe gaahi abitaga.

3 Bea oka nau kia ifi ia e fakataha ae kakai kotoabe kiate koe ki he mataba oe fale fehikitaki oe kakai.

4 Bea kabau te nau ifi aki ae mealea be taha, e toki fakataha ai kiate koe ae houeiki, aia oku eiki ki he gaahi toko afe o Isileli.

5 Bea ka mou ka ifi fakakaila, e toki hiki atu ae gaahi abitaga oku nofo i he botu hahake.

6 Bea ka mou ka ifi fakakaila o tuo ua, e toki hiki atu ae gaahi abitaga oku nofo i he botu toga: e ifi fakakaila ia ke teu ho nau fonoga.

7 Ka i he tanaki o fakataha ae kakai te mou ifi, ka e ikai te mou ifi fakakaila.

8 Bea koe gaahi foha o Elone, koe kau taulaeiki, te nau ifi ae ogo mealea; bea e tuku ia koe talatuku ki ho mou gaahi toutagata o lauikuoga.

9 Bea kabau te mou alu i ho mou fonua ke tau ki he fili oku fakamalohi kiate kimoutolu, te mou toki ifi fakakaila aki ae ogo mealea: bea e manatu‘i akimoutolu i he ao o Jihova ko ho mou Otua, bea e fakamoui akimoutolu mei ho mou gaahi fili.

10 Bea koe aho foki o hoo mou fiefia, bea mo ho mou gaahi aho tabu, i he uluaki o ho mou gaahi mahina, te mou ifi aki ae ogo mealea i hoo mou feilaulau tutu, bea moe feilaulau i hoo mou feilaulau fakalelei; koeuhi ke tuku ia koe fakamanatu kiate kimoutolu i he ao o ho mou Otua: Ko au ko Jihova ko ho mou Otua.

¶ 11 Bea nae hoko o behe i he  aho uofulu o hono ua mahina, i hono ua oe ta‘u nae too hake ae ao mei he fale fehikitaki oe fakamooni.

12 Bea nae fonoga atu ae fānau a Isileli mei he toafa o Sainai; bea nae tuu ae ao i he toafa o Balani.

13 Bea naa nau tomua fonoga o hage koe fekau a Jihova i he nima o Mosese.

14 Bea nae muomua ae fakailoga oe fakataha oe fānau a Juta o fakatatau ki he e nau gaahi matatau: bea ko Nasoni koe foha o Aminitabi nae bule ia ki he ene kau tau.

15 Bea ko Netanili koe foha o Sua, nae bule ia ki he kau tau oe faahiga oe fānau a Isaka.

16 Bea ko Iliabi koe foha o Heloni, nae bule ia ki he kau tau oe faahiga oe fānau a Sebuloni.

17 Bea nae vete hifo ae fale fehikitaki; bea koe gaahi foha o Kesoni moe gaahi foha o Melali naa nau hiki atu, o fua ae fale fehikitaki.

¶ 18 Bea nae hiki atu ae fakailoga oe fakataha o Lubeni o fakatatau ki he e nau gaahi matatau: bea ko Ilisua koe foha o Setiua nae bule ia ki he ene kau tau.

19 Bea ko Selumieli koe foha o Sulisatai, nae bule ia ki he kau tau oe faahiga oe fānau a Simione.

20 Bea ko Iliasafi koe foha o Teuili, nae bule ia ki he kau tau oe faahiga oe fānau a Kata.

21 Bea nae hiki atu ae kau Kohate, o nau fua ae fale tabu: bea nae fokotuu e he kau Kesoni moe kau Melali ae fale fehikitaki i he heeki ai ke nau ha‘u.

¶ 22 Bea nae hiki atu ae fakailoga oe fakataha oe fānau a Ifalemi, o fakatatau ki he e nau gaahi matatau: bea ko Ilisama koe foha o Amihuti nae bule ia ki he ene kau tau.

23 Bea ko Kamelieli koe foha o Betasuli, nae bule ia ki he kau tau oe faahiga oe fānau a Manase.

24 Bea ko Ebitani koe foha o Kitione, nae bule ia ki he kau tau oe faahiga oe fānau a Benijimani.

¶ 25 Bea nae hiki atu ae fakailoga oe fakataha oe fanau a Tani, aia nae muimui i he kogakau kotoabe i he e nau gaahi kau tau: bea ko Ehiesa koe foha o Amisatai, nae bule ia ki he ene kau tau.

26 Bea ko Bakieli koe foha o Okilani, nae bule ia ki he kau tau oe faahiga oe fānau a Aseli.

27 Bea ko Heila koe foha o Enani, nae bule ia ki he kau tau oe faahiga oe fānau a Nafitali.

28 Bea nae behe ae gaahi fonoga oe fānau a Isileli o fakatatau ki he e nau gaahi matatau, i he e nau hiki atu ke alu.

¶ 29 Bea nae behe e Mosese kia Hobabi, koe foha o Lakueli koe Mitiane, koe tamai a Mosese i he fono, Oku mau fonoga ki he botu aia kuo behe ki ai e Jihova, Teu foaki ia kiate kimoutolu: ha‘u ke tau o, bea te mau fai lelei kiate koe: he kuo folofola lelei a Jihova ki Isileli.

30 Bea naa ne beheage kiate ia, E ika teu alu; ka teu foki au ki hoku fonua, bea mo hoku kaiga.

31 Bea nae behe eia, Oku ou kole kiate koe, Oua naa ke alu iate kimautolu; koeuhi oku ke ilo ae aga oe mau nofo i he toafa, bea te ke iate kimautolu o hage ko ho mau mata.

32 Bea e hoko o behe, o kabau te tau o mo koe, io, e hoko o behe, koe agalelei e fai e Jihova kiate kimautolu, koia be te mau fai kiate koe.

¶ 33 Bea naa nau alu mei he mouga o Jihova o fonoga i he aho e tolu: bea nae muomua iate kinautolu ae buha oe fuakava o Jihova i he fonoga i he aho e tolu koia, ke kumi ha mālōlōaga moo nautolu.

34 Bea nae iate kinautolu ae ao o Jihova i he aho, i he e nau hiki mei he abitaga.

35 Bea nae hoko o behe, i he ene hiki atu ae buha, nae behe e Mosese, E Jihova, Tuu hake, bea tuku ke movetevete ho gaahi fili; bea ke tuku akinautolu oku fehia ki hoo afio ke viligia i ho ao.

36 Bea i he ene nofo ia, naa ne behe, E Jihova, ke ke foki mai ki he gaahi toko afe fakamanavahe o Isileli.