¶ 1 BEA nae folofola a Jihova kia Mosese, o behe,

2 Ke ke fekau ki he fānau a Isileli, ke nau tuku kituaa mei he abitaga ae kilia kotoabe, bea mo ia kotoabe oku fanoa ai ha mea, bea mo ia kotoabe oku fakauli e he mate

3 Ae tagata moe fefine ke mou tuku kituaa, ke mou tuku akinautolu ki he tuaa oe abitaga: koeuhi ke oua naa nau fakauli ho nau abitaga aia oku ou nofo ai, i hono lotolotoga.

4 Bea nae fai behe ae fānau a Isileli, o nau tuku akinautolu kituaa i he abitaga: o hage koe folofola a Jihova kia Mosese, nae behe ae fai ehe fānau a Isileli.

¶ 5 Bea nae folofola a Jihova kia Mosese, o behe,

6 Ke ke fakaha ki he fānau a Isileli, Oka fai e ha tagata be e ha fefine ae agahala oku fai e he kakai, ke fai ha talagataa kia Jihova, bea halaia mooni ae toko taha koia;

7 Te nau toki vete e nau agahala aia kuo nau fai; bea te ne totogi ene agahala aki ae mea oku na tatau, bea ne fakalahi ki ai aki a hono vahe nima, bea te ne foaki ia kiate ia naa ne fai kovi ki ai.

8 Bea kabau oku ikai ha kaiga oe tagata oku totogi ki ai ae fai kovi, tuku ke atu ae totogi oe fai kovi kia Jihova, io, ki he taulaeiki; koe fakalahi eni oe sibi tagata oe feilaulau fakalelei aia e fai aki ha fakalelei koeuhi koia.

9 Bea koe mea foaki kotoabe i he gaahi mea tabu kotoabe ae fānau a Isileli, aia kuo nau omi ki he taulaeiki, e aana ia.

10 Bea koe gaahi mea ae tagata kotoabe kuo fakatabu‘i, e aana ia: bea koe mea kotoabe e foaki e ha tagata ki he taulaeiki e aana ia.

¶ 11 Bea nae folofola a Jihova kia Mosese, o behe,

12 Ke ke fakaha ki he fānau a Isileli, o ke behe kiate kinautolu, kabau e afe ae unoho o ha tagata, o fai mea kovi kiate ia,

13 Bea kabau e mohe ha tagata mo ia, bea fakafufu ia mei he mata o hono unoho, bea oku ikai fakaha, bea kuo ne uli‘i ai, bea oku ikai ha taha ke tukuaki‘i ia, bea nae ikai mamata ki ai ha taha;

14 Bea kabau e to kiate ia ae laumalie fakahoa, bea te ne fuaa ki hono unoho, ka kuo ne uli‘i: bea kabau e to kiate ia ae laumalie oe fakahoa, bea te ne fuaa ki hono unoho, ka oku ikai uli‘i ia:

15 E toki omi e he tagata hono unoho ki he taulaeiki, bea te ne omi a ene feilaulau aana, ko hono hogofulu oe vahe oe efa oe baale kuo momoji; e ikai te ne liligi ae lolo ki ai, be tuku ae laibeno ki ai; he koe feilaulau eni oe fuaa, koe feilaulau ke fakamanatu, ke fakamanatu‘i ai ae agahala.

16 Bea e omi ia e he taulaeiki ke ofi, bea e tuku ia i he ao o Jihova:

17 Bea e too e he taulaeiki ae vai tabu i ha ibu umea; bea e too e he taulaeiki ae efu mei he faliki oe fale fehikitaki, o ai ia ki he vai.

18 Bea e tuku e he taulaeiki ae fefine i he ao o Jihova, bea e tatala ae ulu oe fefine, bea e tuku ae feilaulau oe fakamanatu ki hono nima, aia koe feilaulau oe fuaa: bea e i he nima oe taulaeiki ae vai kona, aia oku tubu ai ae malaia:

19 Bea e tuku ia e he taulaeiki ke fuakava, o ne behe ki he fefine, Kabau nae ikai te mo mohe mo ha tagata, bea kabau nae ikai te ke afe ke uli‘i koe mo ha taha oku ikai ko ho unoho, te ke ataatā koe mei he vai kona ni oku tubu ai ae malaia:

20 Bea kabau kuo ke afe ki ha toko taha, ka oku ikai ko ho unoho, bea kabau kuo ke uli‘i koe, bea kuo mo mohe mo ha tagata oku ikai ko ho unoho:

21 (Bea e toki tuku e he taulaeiki ae fefine ke fuakava ki he malaia, bea e behe e he taulaeiki ki he fefine), E tuku koe e Jihova koe malaia, bea moe fuakavaaga i ho kakai, oka gaohi koe e Jihova ke bobo ho tega, bea bubula ho kete;

22 Bea koe vai ni aia oku tubu ai ae malaia, e hu ia ki ho fatu, bea e bubula ai ho kete, bea bobo ai ho tega. Bea e behe e he fefine, Emeni, Emeni.

23 Bea e tohi e he taulaeiki ae gaahi malaia ni i ha tohi, bea te ne holoholo‘i ia ke oji aki ae vai kona:

24 Bea te ne tuku ae fefine ke ne inu ae vai kona, aia oku tubu ai ae malaia; bea koe vai kuo tubu ai ae malaia e hu kiate ia; bea toki hoko o kona.

25 Bea e ave e he taulaeiki mei he nima oe fefine ae feilaulau oe fuaa, bea te ne taaloaloaki ae feilaulau i he ao o Jihova, bea hili ia ki he fuga feilaulauaga:

26 Bea e too e he taulaeiki mei he feilaulau ha falukuga, io, ko hono fakamanatu o ia, o tutu ia i he fuga feilaulauaga, bea hili ia te ne tuku ae fefine ke ne inu ae vai.

27 Bea oka ne ka tuku ae fefine ke ne inu ae vai, e hoko o behe, kabau kuo fakauli‘i ia, i he ene fai mea kovi ki hono unoho, koe vai oku tubu ai ae malaia e hu ia kiate ia, bea hoko o kona, bea e bubula hono kete, bea e bobo hono tega: bea e malaia ae fefine i hono kakai.

28 Bea kabau kuo ikai fakauli‘i ia, ka oku maa be; e toki ataatā ia, bea e faa tuituia ia.

29 Ko eni ae fono oe fuaa oka afe atu ae fefine ki ha taha kae tuku a hono unoho, bea oku uli ai ia.

30 Bea oka to ki he tagata ae laumalie oe fakahoa, bea te ne fuaa ki hono unoho, te ne tuku ae fefine i he ao o Jihova, bea e fai e he taulaeiki kiate ia ae fono ni kotoabe.

31 Bea e toki ataatā ae tagata mei he agahala, bea e fua e he fefine ni ene agahala.