¶ 1 BEA nae lea a Mosese ki he houeiki oe gaahi faahiga ki he fānau a Isileli, o behe, Koe mea eni kuo fekau e Jihova.

2 Kabau e fuakava aki e ha tagata ae fuakava kia Jihova, be fuakava aki ae fuakava ke nonoo hono laumalie aki ae lea babau; e ikai te ne fakakehe ene lea, ka e fai ia o fakatatau mo ia kotoabe oku alu i hono gutu.

¶ 3 Kabau e fuakava aki foki e ha fefine ae fuakava kia Jihova, o ne nonoo aki ia ae lea babau, ka oku kei i he fale o ene tamai, bea kei tāuboou ia.

4 Bea fanogo a ene tamai ki he ene fuakava, mo ene lea babau aia oku ne nonoo aki hono laumalie, bea fakalogobe a ene tamai kiate ia: e toki mau ai a ene gaahi fuakava kotoabe, bea mau ae lea babau kotoabe aia kuo ne nonoo aki ia.

5 Bea kabau e taofi ia e he ene tamai i he aho oku fanogo ai ia; behe, e ikai mau ene gaahi fuakava, be ko ene gaahi lea babau aia naa ne nonoo aki a hono laumalie: bea e fakamolemole ia e Jihova, koeuhi kuo taofi ia e he ene tamai.

¶ 6 Bea kabau nae ai a hono unoho, i he ene fuakava, be  ko ene lea aki ha mea mei hono lougutu, ke nonoo aki hono laumalie;

7 Ka kuo fanogo ki ai a hono unoho, bea nae fakalogobe ia kiate ia i he aho ne ne fanogo ki ai; behe e mau ai a ene gaahi fuakava, mo ene lea babau aia kuo ne nonoo aki hono laumalie.

8 Bea kabau oku taofi ia e hono unoho i he aho oku fanogo ia ki ai; behe te ne fakataeaoga‘i a ene fuakava, aia ne ne fuakava aki; bea mo ia ne ne lea aki e hono lougutu, aia naa ne nonoo aki hono laumalie, bea e fakamolemole ia e Jihova.

¶ 9 Ka koe fuakava kotoabe ae fefine baea, bea mo ia kuo tukuage, aia kuo na nonoo aki ho na laumalie, e mau ia kiate ia.

10 Bea kabau nae fuakava ia i he fale o hono unoho, be nonoo hono laumalie aki ae lea babau moe fuakava;

11 Bea fanogo ki ai a hono unoho, ka nae fakalogo ia kiate ia, bea nae ikai te ne taofi ia: behe e mau ai a ene gaahi fuakava kotoabe, bea e mau ai moe lea babau aia ne ne nonoo aki a hono laumalie.

12 Bea kabau nae fakataeaoga‘i aubito ia e hono unoho i he aho nae fanogo ia ki ai: behe e ikai mau aia kuo alu i hono lougutu, i he ene gaahi fuakava, be koe nonoo o hono laumalie, he kuo fakataeaoga‘i ia e hono unoho; bea e fakamolemole ia e Jihova.

13 Koe fuakava kotoabe, bea moe fuakava i he lea babau kotoabe ke fakamamahi ae loto, oku i hono unoho ke fakamau ia, bea oku i hono unoho ke fakataeaoga‘i ia.

14 Bea kabau e matuaki fakalogobe a hono unoho mei he aho ki he aho; oku ne fakamau ai a ene fuakava kotoabe, mo ene gaahi lea babau, aia kuo ne fai: oku ne fakamau ia, koeuhi nae fakalogobe ia kiate ia i he aho nae fanogo ia ki ai.

15 Bea kabau te ne fakataeaoga‘i ia i he hili ene fanogo ki ai; e fua eia a ene agahala.

16 Koe gaahi fono eni nae fekau e Jihova kia Mosese, ki he tagata mo hono unoho, bea moe tamai mo hono ofefine, oku kei tāuboou i he fale o ene tamai.