¶ 1 BEA nae folofola a Jihova kia Mosese, o behe,

2 Ke ke lea ki he fānau a Isileli, o ke behe kiate kinautolu, Oka fakamavae ia e ha tagata be e ha fefine ke fuakava i he fuakava ae fakamavahe, ke fakamavae akinautolu kia Jihova:

3 E mahui ia mei he uaine moe inu malohi, e ikai te ne inu ae uaine mahi, be koe inu malohi kuo mahi, e ikai inu eia ae huhua oe kalebi, be kai ae kalebi mata, be momoa.

4 I he aho kotoabe kuo mavahe ai ia, e ikai te ne kai ha mea e taha kuo gaohi mei he akau koe vaine, mei he tega o a‘u ki hono kafukafu.

5 Koe aho kotoabe oe fuakava o ene mahui e ikai hoko ae tele ki hono ulu: kae oua ke oji ae gaahi aho, aia kuo mavahe ai ia kia Jihova, bea e maonioni ia, bea te ne tuku ke loloa a hono louulu.

6 Koe aho kotoabe kuo mavahe ai ia kia Jihova, oua naa ofiage ia ki ha jino kuo mate.

7 E ikai te ne fakauli‘i ia koeuhi ko ene tamai, be ko ene fa‘e, be ko hono tokoua, be ko hono tuofefine, oka nau ka mate: koeuhi koe fakatabu‘i ia i hono ulu e hono Otua.

8 Koe aho kotoabe o ene mavahe oku maonioni ai ia kia Jihova.

9 Bea kabau e mate fakafokifa ha tagata oku ofi kiate ia, bea kabau kuo ne fakauli ae fakatabu o hono ulu; behe te ne toki tele a hono ulu, i he aho o hono fakamaa te ne tele ia, i hono aho fitu.

10 Bea i hono valu oe aho te ne omi ae ogo kulukulu, be ha ogo lube mui ki he taulaeiki, ki he mataba oe fale fehikitaki oe kakai:

11 Bea e feilaulau aki e he taulaeiki ae taha koe feilaulau ma ae agahala, ka koe taha koe feilaulau tutu, bea e fai ae fakalelei maana, he kuo agahala ia i he mate, bea te ne fakatabu‘i a hono ulu i he aho koia.

12 Bea te ne fakatabu‘i kia Jihova ae gaahi aho o ene mavahe, bea te ne omi ae lami i hono uluaki ta‘u koe feilaulau fakalelei, ka kuo mole ae gaahi muaki aho koeuhi kuo fakauli‘i eia a ene mavahe.

¶ 13 Bea ko eni ae fono oia kuo fakamavahe, oka hili ae gaahi aho o ene mahui: e omi ia ki he mataba oe fale fehikitaki oe kakai:

14 Bea te ne atu a ene feilaulau kia Jihova, koe lami tagata e taha tae hano mele i hono uluaki ta‘u, koe feilaulau tutu, bea moe lami fefine e taha tae hano mele i hono uluaki ta‘u, koe feilaulau ia ma ae agahala, bea moe sibi tagata e taha tae hano mele koe feilaulau fakalelei ia.

15 Bae moe koto ma tae fakalevani, ae gaahi foi ma oe mahoaa lelei kuo fefiofi moe lolo, bea moe gaahi ma manifinifi tae fakalevani kuo bani aki ae lolo, moe nau feilaulau meakai, moe nau feilaulau inu.

16 Bea e omi ia e he taulaeiki ki he ao o Jihova, bea te ne atu a ene feilaulau ma ae agahala, mo ene feilaulau tutu:

17 Bea te ne age ae sibi tagata, koe feilaulau fakalelei kia Jihova, moe koto ma tae fakalevani, bea e atu foki e he taulaeiki a ene feilaulau meakai, mo ene feilaulau inu.

18 Bea koia kuo fakamavahe e tele eia a hono ulu i he ene mavahe i he mataba oe fale fehikitaki oe kakai, bea e ave eia ae tuoni louulu o ene mavahe, o tuku ia ki he afi aia oku i he lalo feilaulau fakalelei.

19 Bea e ave e he taulaeiki ae alaga oe sibi tagata kuo haka, bea moe foi ma e taha tae fakalevani mei he kato, moe ma manifinifi e taha tae fakalevani, o ne tuku ia ki he nima oia kuo fakamavahe, oka hili ae tele oe louulu o ene mahui:

20 Bea e lialiaki ia e he taulaeiki, koe feilaulau lialiaki i he ao o Jihova: oku maonioni ia ki he taulaeiki, fakataha moe fatafata lialiaki, moe alaga nima hiki hake; bea ka hili ia e inu ae uaine eia nae fakamavahe.

21 Bea ko eni ae fono oia kuo fakamavahe aia kuo fuakava, bea mo ene feilaulau kia Jihova koeuhi ko ene mavahe, bea mo ia te ne omi i hono nima: o fakatatau ki he fuakava naa ne fuakava aki, e behe ene fai o hage koe fono o ene mavahe.

¶ 22 Bea nae folofola a Jihova kia Mosese, o behe,

23 Ke ke lea kia Elone mo hono gaahi foha, o ke behe, E behe hoo mou tabuaki ae fānau a Isileli, bea te mou behe kiate kinautolu:

24 Ke fakamonuia koe e Jihova, o tauhi koe:

25 Ke tuku e Jihova ke ulo hono fofoga kiate koe, o ne aloofa kiate koe:

26 Ke hiki hake e Jihova a hono fofoga kiate koe, o tuku ae fiemalie kiate koe.

27 Bea te nau tuku hoku higoa ki he fānau a Isileli; bea teu fakamonuia akinautolu.