¶ 1 BEA nae hiki hake ae le‘o oe kakai kotoabe, o tagi; bea nae tagi ae kakai i he bo koia.

2 Bea nae lāuga ae fānau kotoabe a Isileli kia Mosese bea mo Elone: bea nae behe e he kakai kotoabe kiate kinaua, Amujiaage ekimautolu ne mau mate i he fonua ko Ijibite! bea amujiaage ekimautolu naa mau mate i he toafa ni!

3 Bea koeha kuo omi ai e Jihova akimautolu ki he fonua ni, ke mau to i he heleta, kae tuku ho mau unoho moe mau fānau ke bobula? ikai e lelei hake e mau toe foki ki Ijibite?

4 Bea naa nau fealeleaaki, o behe, Ke tau fakanofo ha eiki, bea tau foki ki Ijibite.

5 Bea nae to foohifo a Mosese mo Elone ki ho na mata i he ao oe fakataha oe kakai oe fānau a Isileli.

¶ 6 Bea ko Josiua koe foha o Nuni, mo Kelebi koe foha o Jifune, naa na iate kinautolu nae vakai ki he fonua, bea naa na hae ho na kofu:

7 Bea naa na lea ki he fakataha ae fānau a Isileli, o behe, Koe fonua naa mau alu ke vakai ki ai, koe fugani fonua lelei.

8 Kabau e fiemalie a Jihova iate kitautolu, bea te ne ave akitautolu ki he fonua koia, o foaki ia kiate kitautolu; koe fonua oku bito i he hua huhu moe honi.

9 Ke oua be naa mou agatuu kia Jihova, bea oua naa mou manavahe ki he kakai oe fonua; he koe mea kai maa tautolu akinautolu: kuo mole ho nau malohi iate kinautolu, bea oku iate kitautolu a Jihova: oua naa mou manavahe kiate kinautolu.

10 Ka nae tala e he kakai kotoabe ke lijigi akinaua aki ae maka. Bea nae ha mai ae nāunāu o Jihova i he fale fehikitaki oe kakai i he ao oe fānau kotoabe a Isileli.

¶ 11 Bea nae behe e Jihova kia Mosese, E fefe hono fuoloa oe fakaita mai ae kakai ni kiate au? e fefe hono fuoloa moe teeki te nau tui kiate au, i he gaahi fakailoga neu fakaha kiate kinautolu?

12 Teu ta‘i aki akinautolu ae mahak fakaauha, bea teu liaki akinautolu, bea teu gaohi koe koe buleaga lahi mo malohi iate kinautolu.

¶ 13 Bea nae behe e Mosese kia Jihova, E toki fanogo ki ai ae kakai Ijibite, (he naa ke omi i ho malohi ae kakai ni meiate kinautolu;)

14 Bea te nau tala ia ki he kakai oe fonua ni: he kuo nau fanogo ko koe ko Jihova oku ke i he kakai ni, kuo ke femamata aki be, bea kuo tuu hoo ao i oluga iate kinautolu, bea oku ke muomua iate kinautolu, i he bou oe ao i he aho, bea moe bou oe afi i he bo.

15 Bea koeni, kabau te ke tamate‘i ae kakai ni kotoabe, o hage ko ha tagata e toko taha, e toki lea ai ae gaahi buleaga kuo nau fanogo ki ho ogoogo, o behe,

16 Koeuhi kuo ikai faa omi e Jihova ae kakai ni ki he fonua naa ne fuakava ai kiate kinautolu, koia kuo ne tamate‘i ai akinautolu i he toafa.

17 Bea koeni, oku ou kole ki hoo afio, tuku ke lahi ae malohi o hoku Otua, o hage ko hoo folofola, nae behe,

18 Oku kataki fuoloa a Jihova, bea oku lahi ene aloofa, oku faa fakamolemole eia ae agahala moe fai mea kovi, ka e ikai aubito fakatonuhia‘i eia ae halaia: oku fakahoko ki he fānau hono nunua oe hia ae mātua o a‘u ki he toutagata e tolu mo hono fa.

19 Oku ou kole ki hoo afio, ke ke fakamolemole ae agahala ae kakai ni o tatau mo hono lahi o hoo aloofa, bea hage ko hoo fakamolemole ae kakai ni, mei Ijibite o a‘u mai ki heni.

20 Bea nae behe e Jihova, Kuou fakamolemole o hage ko hoo lea.

21 Ka e hage koe mooni a eku moui, e bito a mamani kotoabe i he nāunāu o Jihova.

22 Koeuhi koe kau tagata kotoabe nae mamata ki hoku nāunāu, bea mo eku gaahi gaue mana, aia neu fai i Ijibite, bea moe toafa, kuo nau fakaita‘i au o liuga hogofulu, bea nae ikai te nau fanogo ki hoku le‘o;

23 Koe mooni e ikai te nau mamata ki he fonua neu fuakava ai ki he e nau gaahi tamai, bea e ikai mamata ai ha taha iate kinautolu nae fakaita kiate au:

24 Ka ko eku tamaioeiki ko Kelebi, koeuhi nae iate ia ae laumalie kehe, bea kuo muimui aubito ia kiate au, koia teu omi ai ia ki he fonua nae alu ia ki ai; bea e ma‘u ia e hono hako.

25 (Bea koeni, nae nofo i he vahaa mouga ae kau Amaleki moe kau Kenani,) Mou toe foki abogibogi, bea mou o ki he toafa i he hala ki he Tahi Kulokula.

¶ 26 Bea nae folofola a Jihova kia Mosese mo Elone, o behe,

27 E fefe hono fai fuoloa ae kakai kovi ni, moe nau lāuga kiate au? Kuou fanogo ki he lāuga ae fānau a Isileli, kuo nau lāuga ai kiate au.

28 Ke ke tala kiate kinautolu, Oku behe e Jihova, koe mooni a eku moui, bea teu fai kiate kimoutolu o hage ko hoo mou lea i hoku teliga:

29 E to ho mou agaaga i he toafa ni; akinautolu kotoabe nae lau iate kimoutolu, o fakatatau ki ho mou lau kotoabe, mei hono ta‘u e uofulu tubu, akinautolu aia kuo lāuga kiate au,

30 Koe mooni e ikai te mou hoko atu ki he fonua, aia neu fuakava ke tuku kiate kimoutolu ke mou nofo ai, ka ko Kelebi koe foha o Jifune, mo Josiua koe foha o Nuni.

31 Ka ko hoo mou fānau, akinautolu naa mou behe ki ai te nau bobula, teu omi akinautolu ki ai, bea e ilo ekinautolu ae fonua kuo mou jiaki.

32 Ka ko kimoutolu, e to ho mou agaaga i he toafa ni.

33 Bea e alu fano be hoo mou fānau i he toafa i he ta‘u e fagofulu, o fua hoo mou feauaki, kae oua ke ojioji ho mou agaaga i he toafa.

34 E fakatatau ki he gaahi aho aia naa mou mataki ai ae fonua, io, koe aho e fagofulu, koe aho taki taha ki he ta‘u e taha, io, koe ta‘u e fagofulu te mou fua hoo mou agahala, bea te mou ilo ai eku fakamamahi.

35 Kuou lea aki eni e au ko Jihova, koe mooni teu fai ia ki he kakai kovi ni kotoabe, kuo tanaki o fakataha ke agatuu kiate au: e fakaauha akinautolu i he toafa ni, bea te nau mate i ai.

¶ 36 Bea koe kau tagata, nae fekau e Mosese ke nau alu o vakai ki he fonua, ne nau liliu mai, bea naa nau fakalaga lāuga i he kakai kiate ia, i he e nau omi ae ogoogo kovi oe fonua,

37 Io, ae kau tagata nae omi ae ogoogo kovi oe fonua, naa nau mate i he ao o Jihova i he mahaki fakaauha.

38 Ka nae fakamoui a Josiua koe foha o Nuni, mo Kelebi koe foha o Jifune, naa na iate kinautolu nae alu ke vakai ki he fonua.

39 Bea nae tala e Mosese ae gaahi lea ni ki he fānau kotoabe a Isileli: bea nae loto mamahi lahi ae kakai.

¶ 40 Bea naa nau tuu hegihegi hake be, bea naa nau o ki he tumutumu oe mouga, o nau behe, Vakai, kuo tau i heni, ka tau o ki he botu aia kuo talaofa ki ai e Jihova: he kuo mau agahala.

41 Bea nae behe e Mosese, Koeha eni oku mou talagataa ai ki he fekau a Jihova? ka e ikai monuia ia.

42 Oua naa mou alu hake, he oku ikai iate kimoutolu a Jihova; naa ta‘i akimoutolu i he ao o ho mou gaahi fili.

43 He koe kau Amaleki moe kau Kenani oku nau i ai i ho mou ao, bea te mou to i he heleta: koeuhi kuo mou fulitua kia Jihova, koia e ikai ai iate kimoutolu a Jihova.

44 Ka naa nau talagataa be o nau alu ki he tumutumu oe mouga: ka koe buha oe fuakava a Jihova, bea mo Mosese, nae ikai alu mei he abitaga.

45 Bea nae toki hifo mai ae kau Amaleki, moe kau Kenani, akinautolu nae nofo i he mouga koia, o nau ta‘i akinautolu, mo haha akinautolu, o a‘u ki Hoama.