¶ 1 BEA nae folofola a Jihova kia Mosese, o behe,

2 Ke ke fekau ki he fānau a Isileli, mo ke behe kiate kinautolu, Ko eku feilaulau, mo eku ma ki he eku gaahi feilaulau kuo gaohi aki ae afi, koe mea namu lelei ia kiate au, bea mou tokaga ke fai ia i hono feituu totonu.

3 Bea te ke behe kiate kinautolu, Ko eni ae feilaulau kuo gaohi aki ae afi aia te mou age kia Jihova; koe lami e ua tae ha na mele, i ho na uluaki ta‘u, i he aho kotoabe, koe feilaulau tutu mau ai be ia.

4 Koe lami e taha te ke age i he bogibogi, bea koe lami e taha te ke age i he efiafi;

5 Bea ko hono vahe hogofulu oe efa oe mahoaa, kuo fefiofi mo hono vahe fa oe hini oe lolo, koe feilaulau meakai ia.

6 Koe feilaulau tutu mau ai be ia, aia nae fekau i he mouga ko Sainai oku namu lelei ia, koe feilaulau kuo gaohi aki ae afi kia Jihova.

7 Bea ko hono feilaulau inu, koe vahe fa oe hini ki he lami e taha: bea te ke bule ke liligi i he botu tabu ae uaine malohi kia Jihova koe feilaulau inu ia.

8 Bea koe lami e taha te ke age i he efiafi: o hage koe feilaulau meakai oe bogibogi, o hage ko hono feilaulau inu te ke age ia, koe feilaulau kuo gaohi aki ae afi, koe mea namu kakala kia Jihova.

¶ 9 Bea i he aho sabate koe lami e ua tae ha na mele, i ho na uluaki ta‘u, bea moe oma e ua oe mahoaa, kuo fefiofi moe lolo, koe feilaulau meakai ia, bea mo hono feilaulau inu:

10 Koe feilaulau tutu eni i he aho sabate kotoabe, bea moe feilaulau tutu mau ai be, mo hono feilaulau inu.

¶ 11 Bea i he uluaki o ho mou gaahi mahina te mou atu ai ae feilaulau tutu kia Jihova; koe faga bulu mui e ua, moe sibi tagata e taha, moe lami e fitu oku tae ha mele i ho nau uluaki ta‘u;

12 Bea koe oma e tolu oe mahoaa, kuo fefiofi moe lolo, koe feilaulau meakai ia, ki he bulu e taha, bea koe oma e ua oi mahoaa, kuo fefiofi moe lolo, koe feilaulau meakai ia, ki he sibi tagata e taha;

13 Bea koe oma e taha oe mahoaa kuo fefiofi moe lolo, koe feilaulau meakai ia, ki he lami e taha; koe feilaulau tutu ia koe mea namu kakala, koe feilaulau kuo gaohi aki ae afi kia Jihova.

14 Bea ko ho nau gaahi feilaulau inu koe vaeua oe hini oe uaine ki he bulu e taha, bea ko hono vahe tolu oe hini ki he sibi tagata e taha, bea ko hono vahe fa oe hini ki he lami e taha: koe feilaulau tutu eni oe mahina kotoabe i he gaahi mahina oe ta‘u.

15 Bea koe uhiki e taha oe koji koe feilaulau kia Jihova ma ae agahala, e atu ia bea moe feilaulau tutu mau ai be, bea mo hono feilaulau inu.

16 Bea i hono hogofulu ma fa oe aho oe uluaki mahina koe laka‐atu ia kia Jihova.

17 Bea i hono hogofulu ma nima oe aho oe mahina koia koe katoaga ia: e kai i he aho e fitu ae ma tae fakalevani.

18 Bea koe uluaki aho e fai ai ae fakataha tabu; e ikai te mou fai ai ha gaue fakamama:

19 Ka te mou atu ae feilaulau kuo gaohi aki ae afi koe feilaulau tutu ia kia Jihova, koe faga bulu mui e ua, moe sibi tagata e taha, moe lami e fitu i ho nau uluaki ta‘u: te mou fili ia tae ha mele:

20 Bea koe nau feilaulau meakai koe mahoaa kuo fefiofi moe lolo: koe oma e tolu te mou atu ki he bulu e taha, bea moe oma e ua ki he sibi tagata e taha;

21 Bea koe oma e taha ki he lami taki taha kotoabe, i he lami e fitu:

22 Bea koe koji e taha koe feilaulau ia ma ae agahala, ke fai ae fakalelei maa moutolu.

23 Te mou atu ia moe feilaulau tutu bogibogi, aia koe feilaulau tutu mau ai be.

24 Te mou atu i he aho kotoabe e fitu o hage ko ia, koe kakano oe feilaulau kuo gaohi aki ae afi, koe mea namu kakala ia kia Jihova: e atu ia moe feilaulau tutu mau ai be, bea mo hono feilaulau inu.

25 Bea ko hono aho fitu e fai ai ae fakataha tabu; e ikai te mou fai ai ha gaue fakamama.

¶ 26 Bea koe aho bolobolo oe uluaki fua, oka mou ka omi ae feilaulau meakai foou kia Jihova, i he hili ho mou gaahi uike, te mou fai ae fakataha tabu; e ikai te mou fai ai ha gaue fakamama:

27 Ka te mou atu ae feilaulau tutu oku namu lelei kia Jihova; koe faga bulu mui e ua, moe sibi tagata e taha, moe lami e fitu i ho nau uluaki ta‘u;

28 Bea koe nau feilaulau meakai koe mahoaa kuo fefiofi moe lolo, koe oma e tolu ki he bulu e taha, moe oma e ua ki he sibi tagata e taha,

29 Bea koe oma e taha ki he lami taki taha, i he lami e fitu;

30 Bea koe uhiki e taha oe koji, ke fai aki ae fakalelei maa moutolu.

31 Te mou atu ia moe feilaulau tutu mau ai be, mo hono feilaulau meakai, mo hono feilaulau inu, (te mou fili ia tae ha mele.)