¶ 1 BEA koeni, koe fānau a Lubeni moe fānau a Kata nae lahi aubito e nau faga manu: bea ne nau mamata ki he fonua ko Jesa, moe fonua ko Kiliati, bea vakai, koe botu ia koe botu lelei ki he faga manu;

2 Bea nae ha‘u ae fānau a Kata moe fānau a Lubeni o nau lea kia Mosese, mo Eliesa koe taulaeiki, moe houeiki oe kakai, o nau behe,

3 Ko Ataloti, mo Tiboni, mo Jesa, mo Nimila, mo Hesiboni, mo Iliale, mo Sibami, mo Nibo, mo Bioni,

4 Io, koe fonua nae ta‘i e Jihova i he ao oe kakai o Isileli, koe fonua ia ki he faga manu, bea oku i hoo kau tamaioeiki ae faga manu:

5 Bea koia naa nau behe ai, Kabau oku mau ilo ae ofa i ho ao, tuku ke foaki ae fonua ni ki hoo kau tamaioeiki ke mau ma‘u, bea oua e ave akimautolu ki he kau vai e taha o Joatani.

¶ 6 Bea nae behe e Mosese ki he fānau a Kata, bea moe fānau a Lubeni, E alu ho mou kaiga ki he tau, ka te mou nofo be i heni?

7 Bea koeha oku mou fakavaivai‘i ai ae loto oe fānau a Isileli ke taofi e nau alu ki he fonua aia kuo foaki e Jihova kiate kinautolu?

8 Nae fai behe hoo mou gaahi tamai i he eku fekau akinautolu mei Ketesi‐bania ke nau mamata ki he fonua.

9 Koeuhi i he e nau alu hake ki he vahaa o Esikoli, o nau mamata ki he fonua, naa nau fakavaivai‘i ae loto oe fānau a Isileli, ke taofi e nau alu atu ki he fonua aia kuo foaki e Jihova kiate kinautolu.

10 Bea nae vela ae houhau o Jihova i he aho koia, o ne fuakava, o behe,

11 Koe mooni koe kau tagata nae alu hake mei Ijibite, mei he uofulu ta‘u o fai hake, e ikai te nau mamata ki he fonua aia neu fuakava ai kia Ebalahame, mo Aisake, mo Jekobe; koeuhi nae ikai te nau faa muimui kiate au:

12 Ka ko Kelebi koe foha o Jifune mei he fānau o Kenasi, mo Josiua koe foha o Nuni: he naa na faa muimui kia Jihova.

13 Bea nae tutu ae houhau o Jihova ki Isileli, o ne bule ke nau he fano be i he toafa i he ta‘u e fagofulu, kae oua ke auha ae toutagata kotoabe nae fai mea kovi i he ao o Jihova.

14 Bea vakai, kuo mou tuu hake ke fetogi hoo mou gaahi tamai, koe fakatokolahi oe kau tagata agahala, ke fakaajili ae houhau vela o Jihova ki Isileli.

15 He kabau te mou foki mei he muimui kiate ia, te ne toe tukuage akinautolu i he toafa; bea e auha ae kakai ni kotoabe iate kimoutolu.

¶ 16 Bea naa nau unuunu mai kiate ia, o nau behe, Te mau laga i heni ae gaahi lotoa sibi ki he e mau faga manu, moe gaahi kolo ki he e mau fānau iki.

17 Ka te mau alu akimautolu o muomua moe mahafu i he fānau a Isileli, kae oua ke mau omi akinautolu ki ho nau botu: bea e nofo e mau fānau iki i he gaahi kolo oku lotoa koeuhi koe kakai oe fonua.

18 E ikai te mau foki ki ho mau gaahi fale kae oua ke ma‘u e he fānau a Isileli e he tagata taki taha a ho nau tofia.

19 Koeuhi e ikai te mau nofo fakataha mo kinautolu i he kau vai o Joatani, be ki ko atu; koeuhi kuo to ho mau tofia kiate kimautolu i he kau vai o Joatani ki he botu hahake ni.

¶ 20 Bea nae behe e Mosese kiate kinautolu, Kabau te mou fai ae mea ni, bea kabau te mou o moe mahafu i he ao o Jihova ke tau,

21 Bea kabau te mou o kotoabe moe mahafu o aa i Joatani i he ao o Jihova, kae oua ke ne kabuji a hono gaahi fili mei hono ao,

22 Bea e vaivai ae fonua i he ao o Jihova: bea hili ia te mou foki tae halaia i he ao o Jihova, moe ao o Isileli; bea koe fonua ni ko ho mou nofoaga ia i he ao o Jihova.

23 Bea kabau e ikai te mou fai behe, vakai, kuo mou agahala i he ao o Jihova: bea mou ilo bau eni e moua akimoutolu i hoo mou agahala.

24 Mou laga ae gaahi kolo ki hoo mou fānau iki, moe gaahi lotoa ki hoo mou faga sibi; bea mou fai aia kuo lea aki e ho mou gutu.

25 Bea nae lea ae fānau a Kata moe fānau a Lubeni kia Mosese, o nau behe, E fai e hoo kau tamaioeiki o hage koe fekau ae mau eiki.

26 Koe mau fānau iki, mo ho mau gaahi unoho, moe mau faga sibi, moe mau faga manu kotoabe, te nau nofo ai i he gaahi kolo o Kiliati:

27 Ka e alu atu a hoo kau tamaioeiki, ae tagata taki taha mo ene mahafu ke tau i he ao o Jihova, o hage koe lea a eku eiki.

28 Bea nae fekau e Mosese kia Eliesa koe taulaeiki, mo Josiua koe foha o Nuni, bea moe kau mātua i he gaahi faahiga oe fānau a Isileli, koeuhi ko kinautolu:

29 Bea nae behe e Mosese kiate kinautolu, Kabau e aa i Joatani ae fānau a Kata moe fānau a Lubeni mo kimoutolu, ae tagata taki taha moe mahafu ke tau i he ao o Jihova, bea e vaivai ae fonua i ho mou ao; te mou toki foaki kiate kinautolu ae fonua ko Kiliati ke nau nofo ai.

30 Bea kabau e ikai te nau aa ai moe mahafu o fakataha mo kimoutolu, te nau ma‘u ae gaahi tofia iate kimoutolu i he fonua ko Kenani.

31 Bea nae leaage ae fānau a Kata moe fānau a Lubeni, o nau behe, E hage koe folofola a Jihova ki hoo kau tamaioeiki, e behe be e mau fai.

32 Te mau aa moe mahafu i he ao o Jihova ki he fonua ko Kenani, koeuhi ke to ai kiate kimautolu a ho mau tofia i he kau vai ki heni o Joatani.

33 Bea nae foaki e Mosese kiate kinautolu, io ki he fānau a Kata, moe fānau a Lubeni, bea moe vaeua oe faahiga o Manase koe foha o Josefa, ae buleaga o Sihoni koe tu‘i oe kau Amoli, moe buleaga o Oki koe tu‘i o Besani, ae fonua, mo hono gaahi kolo i he mata fonua, io, ae gaahi kolo oe fonua oku takatakai.

¶ 34 Bea nae laga e he fānau a Kata a Tiboni, mo Ataloti, mo Aloeli.

35 Mo Atiloti, mo Sofani, mo Jesa, mo Jokiba,

36 Bea mo Betenimila, mo Betehalani, koe gaahi kolo lotoa: moe gaahi lotoa ki he faga sibi.

37 Bea nae laga e he fānau a Lubeni a Hesiboni, mo Iliale, mo Kejatemi,

38 Bea mo Nibo, mo Bealimioni, (kuo liliu ho nau higoa,) mo Sibima: o nau fakahigoa kehe ae gaahi kolo naa nau laga.

39 Bea nae alu ae fānau a Mekili koe foha o Manase ki Kiliati, o ma‘u ia, o nau kabuji ae kau Amoli nae i ai.

40 Bea nae foaki e Mosese a Kiliati kia Mekili koe foha o Manase; bea nae nofo ia i ai.

41 Bea nae alu a Jaili koe foha o Manase o ne kaba hono gaahi botu kakai jii, o ui ia ko Havotijaili.

42 Bea nae alu a Noba o ne kaba a Kinati, mo hono gaahi botu kakai jii, o ne fakahigoa ia ki hono higoa oona ko Noba.