¶ 1 BEA nae folofola a Jihova kia Mosese i he fonua tafagafaga o Moabe oku ofi ki Joatani  bea ofi ki Jeliko, o behe,

2 Fekau ki he fānau a Isileli, ke nau foaki ae gaahi kolo ki he kau Livai ke nau nofo ai, mei he gaahi tofia oku nau ma‘u; bea mou foaki foki ki he kau Livai ae gaahi botu fonua ke takatakai ae gaahi kolo.

3 Bea te nau ma‘u ae gaahi kolo ke nau nofo ai; bea moe gaahi botu fonua oku takatakai ai, ki he e nau faga manu, moe nau koloa, mo e nau faga manu kotoabe.

4 Bea koe gaahi botu fonua oe gaahi kolo, aia te mou foaki ki he kau Livai, e a‘u atu ia mei he a maka oe kolo i he haga e ua afe o takatakai ia.

5 Bea te mou fuofua mei he tua kolo ki he botu hahake koe haga e fa afe, bea moe botu toga ae haga e fa afe, bea moe botu hihifo ae haga e fa afe, bea moe botu tokelau ae haga e fa afe; ka e tuu loto ae kolo: bea e tuku ia kiate kinautolu koe gaahi botu fonua oe kolo.

6 Bea i he gaahi kolo te mou foaki ki he kau Livai, e i ai ae kolo hufaga e ono, aia te mou tuutuuni ki he tagata kuo fainoa ha tamate, koeuhi ke hola ia ki ai: bea te mou lau foki moia ae kolo e fagofulu ma ua.

7 Bea koe gaahi kolo kotoabe aia te mou foaki ki he kau Livai koe kolo e fagofulu ma valu: te mou foaki ia mo hono gaahi botu fonua.

8 Bea te mou foaki ae gaahi kolo mei he tofia oe fānau a Isileli: ko kinautolu oku ma‘u o lahi ke mou foaki lahi mei ai; ka ko kinautolu oku ma‘u o jii ke mou foaki jii mei ai: e taki taha foaki mei hono gaahi kolo ki he kau Livai o fakatatau moe tofia kuo ne ma‘u.

¶ 9 Bea nae folofola a Jihova kia Mosese, o behe,

10 Lea ki he fānau a Isileli, mo ke behe kiate kinautolu, Oka mou ka aa i Joatani ki he fonua ko Kenani;

11 Te mou toki fakatabu‘i ae gaahi kolo, koe gaahi kolo hufaga moo moutolu; koeuhi ke hola ki ai ae tagata kuo fai ha tamate, aia oku ne tamate‘i ha toko taha i he ene balalivale.

12 Bea e iate kimoutolu ia koe gaahi kolo hufaga mei he tagata totogi; ke oua naa mate ae tagata oku fainoa ha tamate, kae oua ke tuu ia i he ao oe kakai i he fakamāu.

13 Bea i he gaahi kolo aia te mou foaki e vahe mei ai ae kolo e ono ke hufaga aki.

14 Te mou foaki ae kolo e tolu i he kau vai mai ki heni o Joatani, bea moe kolo e tolu i he fonua ko Kenani, koe gaahi kolo hufaga.

15 Koe gaahi kolo e ono ni e hufaga aki e he fānau a Isileli, moe muli, moe āunofo iate kinautolu: koeuhi ke hola kotoabe ki ai aia kuo tamate ha toko taha i he ene fainoa.

16 Bea kabau e ta‘i ia aki ha mea ukamea ke mate ai ia, koe tagata fakabo ia: koe mooni e tamate‘i ae fakabo.

17 Bea kabau e ta‘i ia i he ene lijigi ha maka, ke mate ai ia, bea mate ia, koe tagata fakabo ia: koe mooni e tamate‘i ae fakabo.

18 Bea kabau te ne ta‘i aki ia ae akau, ke mate ai ia, bea mate ia, koe tagata fakabo ia: koe mooni e tamate‘i ae fakabo.

19 Koe  tagata oku fai ae totogi toto e ta‘i eia ae fakabo: i he e na fetaulaki mo ia, te ne ta‘i ia.

20 Bea kabau e hoka‘i ia i he ita, be liji kiate ia i he ene toitoi, ke mate ai ia;

21 Be ta‘i aki ia a hono nima i he ene taufehia, ke mate ai ia: koe mooni koia naa ne ta‘i ia e tamate‘i ia; he koe fakabo ia: bea e ta‘i ae fakabo e he  tagata oku fai ae totogi toto, i he e na fetaulaki mo ia.

22 Bea kabau e hoka‘i fakafokifa ia ka oku ikai taufehia, be liji ha mea e taha kiate ia ka oku ikai toitoi,

23 Be ha maka, ke mate ai ia, ka oku ikai mamata kiate ia, kae liji ia kiate ia bea ne mate ai ia, ka nae ikai ko hono fili, bea nae ikai kumi ia ke fai ha mea kovi kiate ia:

24 Bea e toki fakamāu e he kakai ki he tagata fakabo moe  tagata oku fai ae totogi toto o fakatatau ki he gaahi fono ni:

25 Bea e fakamoui e he kakai aia kuo fainoa ae tamate mei he nima oe  tagata oku fai ae totogi toto, bea te nau toe ave ia ki hono kolo hufaga, aia nae hola ki ai: bea e nofo ai ia o a‘u ki he bekia ae fugani taulaeiki, aia nae fakanofo aki oe lolo tabu.

26 Bea kabau e ha‘u ae tagata kuo fainoa ha tamate kituaa i he vee kolo o hono hufaga, aia nae hola ia ki ai;

27 Bea ka ilo ia e he  tagata oku fai ae totogi toto, i he ene i tuaa i he vee kolo o hono hufaga, bea kabau e tamate‘i ae tamate fainoa e he totogi toto; e ikai halaia ia i hono toto:

28 He nae totonu a ene nofo ia i he kolo o hono hufaga o a‘u ki he bekia ae fugani taulaeiki: bea ka hili ae bekia ae fugani taulaeiki e foki ae tagata nae fainoa ha tamate ki he fonua o hono tofia.

29 Bea koe gaahi mea ni koe fono oe fakamāu kiate kimoutolu i ho mou gaahi toutagata mo ho mou gaahi tofia kotoabe.

30 Koia oku ne tamate‘i ha toko taha, e tamate‘i ae fakabo koia i he fakamooni oe kau fakamooni: ka e ikai tamate‘i ha toko taha i he fakailo e he fakamooni o ha toko taha be.

31 Bea e ikai foki te mou ma‘u ha totogi kae moui ae fakabo, aia oku halaia i he ene tamate: ka koe mooni e tamate‘i ia.

32 Bea e ikai te mou ma‘u ae totogi koeuhi koia kuo hola ki he kolo ko hono hufaga, ke toe omi ia ke nofo i he fonua, kae oua ke bekia ae taulaeiki.

33 Bea koia, e ikai te mou fakauli ae fonua oku mou i ai: he oku fakauli e he toto ae fonua: bea e ikai fakamaa ae fonua i he toto kuo liligi i ai, ka i he toto o ia naa ne liligi ia.

34 Koia oua naa mou fakauli ae fonua aia te mou nofo ai, he oku ou nofo ai: he ko au ko Jihova oku ou nofo moe fānau a Isileli.