Mga Kard sa Kasaysayan sa Simbahan

Matag bulan, pagkat-on mahitungod sa kasaysayan sa Pagpahiuli! Guntinga ang kard, pil-a diha sa tuldok-tuldok nga linya, ug i-tape kini nga sikit kaayo.

Emma Hale Smith

“Kami adunay buhaton nga usa ka talagsaon nga butang.”

Minutes sa Female Relief Society sa Nauvoo, 17 sa Mar. 1842.

• Si Emma naminyo ni Joseph Smith, ug siya miuban ni Joseph aron sa pagkuha sa mga palid gikan sa Bungtod sa Cumorah.

• Sa dihang gihubad ni Joseph ang mga palid, siya mao ang unang nagtabang sa pagsulat sa mga pulong.

• Ang Dios mitawag kaniya sa paghimo og usa ka basahon sa mga himno alang sa Simbahan.

• Siya mao ang unang Presidente sa Relief Society.

Joseph Smith

“Ako nasayud niini, ug ako nasayud nga ang Dios nasayud niini, ug ako dili makalimud niini.”

Joseph Smith––Kasaysayan 1:25

• Sa dihang si Joseph 14, siya nag-ampo aron masayud hain nga simbahan ang tinuod. Ang Langitnong Amahan ug si Jesus mipakita kaniya.

• Mitabang siya sa pagpahiuli sa Simbahan ni Jesukristo.

• Gihubad niya ang bulawang mga palid aron kita makabasa sa Basahon ni Mormon karon.

• Ang Dios mihatag kaniya og mga pagpadayag (mga mensahe). Kini gisulat diha sa Doktrina ug mga Pakigsaad.

1804–1879

1805–1844

Mga paghulagway pinaagi ni Brooke Smart