Among Tumong sa Basahon ni Mormon
Sa milabay nga Pasko, ang tibuok pamilya ni mama mianhi sa among balay. Kaming tanan misulat sa mga butang nga among ihatag ni Kristo alang sa sunod nga tuig. Dayon kami milibut ug misulti kon unsa ang among nahukman nga ihatag.
Ang akong lola miingon nga siya mobasa sa Basahon ni Mormon sulod sa upat ka bulan. Ang akong lola wala na makaadto sa simbahan sukad nga nag edad siya og siyam ka tuig ug nakabasa lamang siya og pipila ka mga bahin sa Biblia. Kaming tanan nahibulong. Miingon siya nga gusto siya nga mobasa niini tungod kay ang tanan niyang mga anak ug kadaghanan sa iyang mga apo nakabasa niini. Gusto siyang mahibalo kon nganong kini importante kanamo.
Tanan nakong mga iyaan, mga uyoan, ug kadaghanan sa akong mga ig-agaw mihukom sa pagbasa sa Basahon ni Mormon uban kaniya. Dili ako sigurado kon siya mobuhat ba niini, apan siya karon nagsugod na sa basahon ni Alma. Nakagusto gayud siya niini. Ako malipay kon ako magbasa sa Basahon ni Mormon ug masayud nga ang akong lola nagbasa usab niini.
Mga paghulagway pinaagi ni Charles Lehman