Dali, Sunod Kanako

Kini nga mga ideya kauban sa Dali, Sunod Kanako — alang sa mga Indibidwal ug Pamilya matag semana.

Basaha ang Doktrina ug mga Pakigsaad

Kantaha ang “Sayo Kong Mangita sa Ginoo” (Songbook sa mga Bata, 67).
Gitawag ni Jesukristo si Joseph Smith aron motabang sa pagpahimutang sa Iyang Simbahan pag-usab. Gihatagan niya si Joseph og espesyal nga mga panudlo nga gisulat aron kita makabasa niini karon (tan-awa sa Doktrina ug mga Pakigsaad 1:17, 30).
Sa pahina 24, pangita og tsart sa pagbasa aron makatabang kanimo sa pagbasa sa Doktrina ug mga Pakigsaad sa tibuok tuig! Basaha ug kolori ang una aron makasugod ka.

Alang sa Joseph Smith—Kasaysayan 1:1–26

Kantaha ang “Unang Pag-ampo ni Joseph Smith” (Mga Himno, no. 21).
Si Joseph Smith adunay pangutana. Sa dihang siya nag-ampo, ang Langitnong Amahan ug si Jesus mipakita ug mitubag kaniya (tan-awa sa Joseph Smith—Kasaysayan 1:15–19).
Ang Langitnong Amahan naminaw usab sa imong mga pag-ampo! Sa kasagaran Siya motubag pinaagi sa Espiritu Santo. Pagpili og usa ka istorya mahitungod sa pag-ampo (tan-awa sa mga pahina 12, 36, o 46) ug basaha kini og dungan. Giunsa sa Langitnong Amahan pagtubag ang pag-ampo diha sa istorya? Giunsa ka Niya pagtubag?

Kantaha ang “Family History—Naghimo Ako” (Songbook sa mga Bata, 100).
Ang Ginoo mipadala ni Elijah aron mobati ang atong mga kasingkasing sa atong mga sakop sa pamilya kinsa nag-una kanato (tan-awa sa Doktrina ug mga Pakigsaad 2:2). Kon mobati ang atong mga kasingkasing sa atong mga pamilya, kita mahinumdom kanila ug mohimo og templo nga buhat alang kanila.
Paggunting og mga kasingkasing nga papel. Sulati og ngalan sa sakop sa pamilya ang matag usa. Magpuli-puli sa paggunit sa mga kasingkasing ug sa pagpakigbahin og mga istorya mahitungod sa kada tawo. Mahimo kang mohangyo sa imong mga ginikanan nga moasoy og mga moistorya mahitungod sa ilang mga ginikanan o mga apohan.

Kantaha ang “Sunda ang Kasugoan” (Songbook sa mga Bata, 68).
Si Joseph Smith nakakat-on nga ang pagsunod sa mga panudlo sa Dios mas importante kay sa pagbuhat sa unsay gusto sa ubang mga tawo (tan-awa sa Doktrina ug mga Pakigsaad 3:5–8).
Karon magdula! Pagpili og usa ka tawo nga mahimong lider. Ang lider maghatag sa matag tawo og usa ka buluhaton, sama sa paglakaw tabok sa kwarto o sa pagpakpak og katulo. Praktisa ang pagbuhat sa unsay gisugo sa lider, kay sa unsay gibuhat sa mga tawo nga naglibut kaninyo!

Kantaha ang “Pagsiksik, Pamalandong ug Pag-ampo” (Songbook sa mga Bata, 66).
Kon kita gusto nga mobuhat og maayong mga butang, ang Langitnong Amahan motabang kanato. Makapangutana kita Kaniya kon kinsa ang atong matabangan, ug Siya motubag (tan-awa sa Doktrina ug mga Pakigsaad 6:5, 8).
Basaha “Ang Pag-ampo alang sa Piraso nga Pan” sa pahina 16. Dayon pag-ampo aron mahibalo kon kinsa ang imong matabangan, ug paghimo og maayong butang alang kanila!

Mga paghulagway pinaagi ni Katy Dockrill