Mensahe Gikan sa Unang Kapangulohan
Among Minahal nga Batan-ong mga Higala,
Niini nga bulan ang Higala nagsaulog sa ika-50 nga kasumaran—ug usa ka bag-ong sinugdanan. Kaniadto ang Higala mabasa lamang sa mga bata nga makasulti og Iningles. Karon kini mabasa na sa mga bata sa 48 ka mga pinulongan sa tibuok kalibutan. Ang atong paglaum mao nga ang matag bata sa Primary malingaw sa Higala diha sa ilang panimalay ug mopakigbahin niini ngadto sa uban.
Sa tibuok kalibutan, ang mga bata sa Primary sama kanimo naninguha sa pagsunod ni Jesus. Matag usa mahal nga anak sa Dios. Samtang imong basahon ang Higala, imong mailhan kini nga mga higala. Makat-unan nimo ang mahitungod sa gipahiuli nga ebanghelyo. Ug bation nimo nga mas masuod ngadto sa imong labing tinuod nga Higala, ang atong Manluluwas nga si Jesukristo.
Matinuoron,
Ang Unang Kapangulohan
Pagpangita sa Bandila
Pangitaa ang mga pahina gikan niining lain-laing mga nasud. Dayon markahi og tsek ang mga bandila sa ubos!
-
Ghana
-
South Korea
-
Canada
-
Spain
-
Germany
-
Benin
-
Argentina
-
Mexico
Diin Atong Mabasa ang Higala
Kining mga bata nga gikan sa Ghana nagpataas og gunit sa ilang mga kopya sa Higala. Padad-i kami og usa ka litrato nimo o sa imong klase sa Primary nga naggunit sa Higala. Siguroha ang paglakip sa pagtugot sa ginikanan (tan-awa ang luyo nga hapin).
Mga paghulagway pinaagi sa Adobestock.com