Pagdapit sa Helping Hands
Ikaw Makatabang Sama ni Jesus!
Sa dihang si Jesus dinhi sa yuta, gitabangan Niya ang tanan nga Iyang nakita. Gipakaon niya kadtong kinsa gigutom. Iyang gihupay kadtong naguol. Gitudloan niya ang tanan sa Iyang ebanghelyo. Gihangyo kita ni Jesus sa pagsunod Kaniya. Kon kita bunyagan, kita nagsaad nga maninguha sa pagbuhat unsa ang Iyang gibuhat.
Karon daghang mga tawo sa kalibutan nagkinahanglan sa atong tabang. Ang uban nag-inusara. Ang uban gigutom. Ang uban kinahanglan nga mobiya sa ilang mga panimalay. Ang uban wala pa kadungog sa ebanghelyo. Kada usa kanato makahimo og butang aron makatabang.
Unsa Ang Mabuhat sa Imong Helping Hands
Ang mga bata makausab sa kalibutan uban sa ilang mahigugmaong mga kasingkasing ug matinabangong mga kamot. Mga 100 ka tuig ang milabay, ang mga bata sa Primary mitabang sa pagtukod og usa ka ospital sa Siyudad sa Salt Lake, Utah, USA. Matag semana, sila midala og mga sensilyo alang sa bag-o nga ospital. Sa dihang giablihan kini kaniadtong 1922, gitawag kini og Primary Children‘s Hospital. Kini tungod kay ang mga bata mitabang sa pagtukod niini, sa hinay-hinay!
Samtang ikaw motan-aw sa palibut, ikaw makakita og daghang mga tawo nga imong matabangan. Ikaw makahimo sa pagpakigbahin sa ebanghelyo pinaagi sa imong pagpuyo ug sa pagserbisyo sa uban. Ikaw makatabang kanila nga mobati sa gugma sa Langitnong Amahan.
Usa ka Pagdapit sa Pagtabang
Niini nga tuig kami nagdapit kaninyo sa paggamit sa inyong mahigugmaon nga mga kasingkasing ug matinabangong mga kamot sa pagtabang sa uban. Ang malipayon nga pagbati nga ikaw aduna kon makatabang ka og usa ka tawo moabut gikan sa Espiritu Santo. Kini nagpahibalo kanimo nga ang Langitnong Amahan nalipay kaayo sa imong mga paninguha!
Mga paghulagway pinaagi ni Liz Brizzi