Uo i le Uo
Lagonaina o le Alofa o Keriso
Mai se faatalatalanoaga ma Haley Yancey.
A o ou tuputupu ae i Iapani, sa tuuina mai ia te au se Tusi Paia i le aoga. Sa i ai upu i le gagana Peretania ma le gagana Iapani i talaane o le tasi ma le isi. Na faatonuina i matou e lo matou puleaoga e faaaoga lea tusi e suesue ai i le gagana Peretania.
A o ou faitauina, sa ou aoao e uiga ia Iesu. O ai lenei tagata e matuai tumu i le alofa? Sa ou tau mafaufau ai. O upu na Ia fai mai sa ou fiafia ai. Sa ou fia iloa atili e uiga ia te Ia.
I se taimi puupuu mulimuli ane, sa ou feiloai ai i faifeautalai. Sa la tuuina mai ia te au se Tusi a Mamona ma fai mai ou te faitau ma tatalo e uiga i ai. Sa ou fiafia foi e faitau e uiga ia Iesu i le Tusi a Mamona. Sa ou tatalo ma lagonaina e moni.
E leai ma se isi o lo’u aiga na fia aoao e uiga i le Ekalesia. Na aoao mai Iesu e tatau ona tatou ava i o tatou matua, ae sa le’i mananao ou matua ou te auai i le Ekalesia. Sa faigata.
Sa ou ta’u atu i ou matua ou lagona. Sa ou ta’u atu ia i la’ua e uiga i a’u tatalo. Sa la’ua le malamalama. Sa la tuufesili pe aisea na ou manao ai e tuua la matou lotu.
Sa ou taumafai pea. Na iu lava ina fai mai ou matua e mafai ona ou papatiso. I le tele o tausaga mulimuli ane, na papatiso ai foi lou tina.
Ou te iloa sa faamanuiaina au i le manao e mulimuli ia Iesu. Ou te fiafia e aoao e uiga ia te Ia, ma ou te iloa o le mulimuli ia te Ia e aumaia ai faamanuiaga.
E Finagalo Iesu ou te Mulimuli ia te Ia
E finagalo Iesu ia tatou mulimuli atu ia te ia e ala i le papatisoina. Faitau fuaiupu. Ona valivali lea i luga o siepi e fetaui i ai.
Ata na tusia e Alyssa Petersen
Ata na tusia e Beth Whittaker