Leiloloa i le Tane Vai Tioata
E alala le tusitala i Peretania Kolomupia, Kanata.
Sa fiafia Krista i le Malae o Stanley. Sa fiafia o ia i matafaga. O malae taalo. Le pa o manu fagafao. Le tietiega nofoaafi.
Ae o le mea sili lava, sa fiafia o ia i le pusa vai tioata! Sa i ai ituaiga uma o manu o le sami. Sa ia matamata i se sila lanu enaena o aau solo faataamilo.
Ae na ia faalogoina se leo. O se teineitiiti sa tagi! E leai se tasi na tu e fesoasoani ia te ia.
Na toso e Krista le lima o le ofu o Tinā. “Vaai. O le teineititi la le o loo tagi!”
Sa tilotilo atu Tinā. Sa ia uuina le lima o Krista ma savavali atu i le teineititi.
“Talofa,” sa fai atu ai Tinā. E mafai ona ma fesoasoani atu ia te oe?
“Ua ou le mauaina lo’u tinā. ” Na masūsū le teineititi.
“Sau tatou saofafa’i faatasi,” o le tala lea a Tinā. “O le a ma faatali ma oe.”
Sa saofafai faatasi Krista ma Tina ma le teineitiiti. O lona igoa o Sara.
“Pe a e leiloa, o le mea sili e fai o le nofo pea i le mea o e i ai,” o le tala lea a Tina. “Ona iloa ai lea e lou tina o le mea e sue i ai oe.”
Sa foliga faanoanoa ma fefe Sara. Sa moomoo Krista maimau pe ana mafai ona ia fesoasoani. Sa ia faia sina tatalo puupuu i lona mafaufau.. Tama Faalelagi, faamolemole ia faamanuia le toe foi mai o le tina o Sara.
Sa taumafai Krista ia maua e Sara se lagona lelei. Sa ia fai atu ana fesili. Sa ia ta’u atu ia te ia ni mea moni mananaia e uiga i sila. Sa ia tuuina atu foi se atigi figota manaia sa ia maua i le matafaga.
I le mavae ai o sina taimi, sa tamoe mai ai se tina ia i latou. O le tina o Sara! Sa ia matuai fusi ia Sara. Sa la taufai faafetai atu ia Krista ma Tina.
Sa fiafia Krista sa mafai ona ia fesoasoani i se tasi!
Ata na tusia e Mitch Miller