O Le Tala Faatino

Saunia e James F., 8 tausaga, Penisilevania, ISA

Ou te fiafia tele ona ua mafai e le polokalama fou a Tamaiti ma le Autalavou ona faatagaina au e faatutu sini mo a’u lava ma galulue faatasi ai ma lo’u aiga. O se tasi o au sini o le faatinoina lea o se tala faatino o se mau i Aso Sa taitasi ma lou uso laitiiti o Samu.

I se tasi taimi sa ma filifilia ai Tanielu i le lua o leona. Sa malie le fuafuaina. Ae peitai, na fai mai lo ma uso laitiiti o Mikaele, o le e 4 tausaga, “E mafai ona ou iai i le tala faatino ma oulua?”

I le taimi muamua sa ma fai atu leai.

Ae na amata ona tagi Mikaele.

O lea na ou fai atu ai, “Samu! Sau i le potu pito i lalo.”

Sa ma o atu ma Samu i le potu pito i lalo. Sa fai mai Samu, “E le mafai ona i ai Mikaele i le tala faatino. E le mafai ona ia taulotoina ana laina!”

Ae sa i ai so’u manatu. Sa ou fai atu, “Tuu pea ia e auai i le tala faatino. Faalogo, e mafai ona avea o ia ma se leona! E le mafai ona i ai Tanielu ma le lua o leona e aunoa ma se leona. Ta o e aumai o ia!”

I le Aso Sa, le aso o le faaaliga, sa matou tutu i o matou tulaga ma amataina le faaaliga. Sa manaia la matou faatinoga. Sa lelei le tagi (faa-leona) a Mikaele.

Ou te iloa sa i ai le Agaga ia te au ina ua ou fai atu o le a i ai Mikaele i le tala faatino. O lenei aafiaga na aoaoina ai au afai e foliga faanoanoa se tasi pe tuuatoatasi, e tatau ona tatou faaaofia i latou. Ou te faamoemoe tou te faata’ita’ia le plolokalama fou a Tamaiti ma le Autalavou. Ou te iloa o le a fesoasoani foi ia te oe ia avea atili ai e faapei o Iesu!