Lima Fesoasoani i le salafa o le Lalolagi

Feiloai ia Raiarii mai Tahiti

Saunia e Linda Davies

Mekasini a le Ekalesia

Feiloai i tamaiti o le Peraimeri o loo fesoasoani atu i isi, e pei ona sa faia e Iesu.

photo of Raiarii in Tahiti climbing a tree

Mea uma e uiga ia Raiarii

Tausaga: 9

Mai: Tahiti

Gagana: Farani

Aiga: Tina, Tama, uso e toatolu, ma se tuafafine

Sini ma miti: 1) Aoao e ta le piano. 2) Faitau atoa le Tusi a Mamona. 3) Avea ma se fomai po o se pailate.

Lima Fesoasoani a Raiarii

E fiafia Raiarii e asiasi atu i lona tinamatua, o Mamy. E mafai ona ia taalo i luga o le matafaga ma fagota i’a i luga o le aloalo. E tausami o ia i mago ma fa’i mai laau. I ni nai tausaga ua mavae, sa ia feiloai ai i uo a Mamy o Kali ma Mia.

E faitau faatasi e Raiarii ma Mamy le Tusi a Mamona i taeao taitasi. Sa amata ona faatasi atu i ai Kali ma Mia. Sa fesoasoani Raiarii e faamalamalama ia tusitusiga paia ina ia faigofie ai ona la malamalama i ai.

Sa fiafia Raiarii ma ona uso e fesoasoani ia Kali e fagota i’a. I se tasi aso na fai mai ai Raiarii, “Sei o tatou tatalo ina ia mafai ona tatou saogalemu ma maua ni i’a se tele.” O lena aso na maua ai e Kali le tele o i’a nai lo se isi lava taimi muamua! Sa filifili Kali e tatalo i taimi uma a o lei alu e fagota.

Sa sauni Raiarii ina ia papatisoina. Na ia ta’u atu ia Kali mea uma e uiga i ai. Ona o mai ai lea o faifeautalai ma aoao atili Kali ma Mia e uiga i le talalelei. Ina ua papatisoina ia Kali ma Mia, sa auai ai Raiarii. “Ua ou fiafia lava ina ua manao Kali e mulimuli i tulagaaao o Iesu,” o lana tala lea.

O Mea e Sili ona Fiafia i ai Raiarii

Nofoaga: Fale o Mamy

Tala e uiga ia Iesu: O le taimi na Ia fafagaina ai le motu o tagata i i’a e lua ma potoi areto e lima.”

Pese a le Peraimeri: “Ou Te Iloa e Alofa Lou Faaola ia te Au” (Uo, Mati 2015)

Meaai: O sasimi na faia i i’a fou mai le sami ma keke sukalati mai le fua a matua o matua a ona matua.

Lanu: Mumu

Mataupu e sili ona fiafia ai i le aoga: Matematika