Sau, Mulimuli Mai ia te A’u
Taimi Fiafia i Tusitusiga Paia mo Fanau Laiti
O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.
Mo le Mataupu Faavae ma Feagaiga 10–11: Fesoasoani i au fanau iti e faaali o latou maso ma fai mai, “O le tatalo e fesoasoani ia te au ia ou malosi.” Ona fesoasoani lea i lau fanau e lisi ni mea e mafai ona latou tatalo atu ai mo se fesoasoani.
Mo le Mataupu Faavae ma Feagaiga 12–13; Iosefa Samita—Talafaasolopito 1:66–75: Susue faasolo i itulau o lenei mekasini ma fesoasoani i a outou fanau iti e faasino atu i ata o tagata o loo papatisoina. O taimi taitasi, fesoasoani ia i latou e fai mai, “E mafai ona papatisoina au i se aso.”
Mo le Mataupu Faavae ma Feagaiga 14–17: Fesoasoani i lau fanau laiti ia fai mai, “E mafai ona ou fesoasoani i isi e aoao e uiga ia Iesu.” Ona faasoa atu lea ia i latou le tala po o se pese e te fiafia lava i ai e uiga ia Iesu.
Mo le Mataupu Faavae ma Feagaiga 18–19: Fesoasoani i lau fanau laiti ia fai mai, “E taua a’u i le Tama Faalelagi.” Ona usu lea o le pese “O Au o se Atalii o le Atua” (Tusipese a Tamaiti, 2) ma tuu atu i lau fanau ia opoina i latou lava pe a latou usuina ia upu, “O au o se atalii o le Atua.”
Ata na tusia e Alessia Girasole