Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Malosi Sili

Usu le “O Le a Ou Lototoa” (Tusipese a Tamaiti, 85).
Na aoao mai Iesu e mafai e le tatalo i taimi uma ona fesoasoani ia i tatou e “sau ai o lē ua manumalo” (Mataupu Faavae ma Feagaiga 10:5). O lona uiga o le tatalo e mafai ona fesoasoani ia i tatou e maua ai le malolosi faaleagaga!
Ia tuu atu se lu’i i lou aiga ina ia faia se tauvaga pusa-apa! E fia e mafai ona e faia? O le a se mea e mafai ona e faia ina ia malosi ai faaleagaga?

Mo le Mataupu Faavae ma Feagaiga 12–13; Iosefa Samita—Talafaasolopito 1:66–75

Usu le “Ua Toe Fuatai Mai Le Perisitua,” (Tusipese a Tamaiti, 60).
Na faaali mai Ioane le papatiso ma tuuina atu ia Iosefa Samita ma Oliva Kaotui le perisitua. Ona papatisoina lea o i laua i le vaitafe (tagai i le Iosefa Samita—Talafaasolopito 1:68–71).
Filifili se tala e uiga i le papatisoga e faitau. (E mafai ona e mauaina nisi i itulau e 4, 8, 16, ma le 40!) Ona faasoa atu lea o manatuaga o le papatisoga mai lou aiga. Afai e lei papatisoina oe, talanoa e uiga i ou manatu pe o le a faape’ī!

Usu le “Ou Te Fia Avea Nei ma Faifeautalai,” (Tusipese a Tamaiti, 90).
Na aoao mai Iesu o le faasoaina atu o le talalelei o se tasi lea o mea aupito sili ona taua e mafai ona tatou faia (tagai i le Mataupu Faavae ma Feagaiga 15:6).
Faitau le tala o loo i le itulau e 32 e iloa ai pe na faapefea e se aiga i Bosnia ona faasoa atu le talalelei i la latou uo o Viki. Ona faatu lea o se sini e faasoa atu le talalelei i se tasi. E mafai ona e faasoa atu se kopi o le Uo pe valaaulia i latou i le afiafi faaleaiga i le vaiaso a sau!

Usu le “Ou te Tu ma Ofo,” (Viiga, nu. 107).
Na aoao mai Iesu e faapea “ua tele lava le taua o agaga i le silafaga a le Atua” (Mataupu Faavae ma Feagaiga 18:10). O lona uiga o tagata taitoatasi—e aofia ai oe!—e taua ia Iesu ma le Tama Faalelagi. O faapefea ona e lagona le alofa o le Tama Faalelagi mo oe?
Fai se pusameli faafoliga mo tagata taitasi o lou aiga. Ona tuu lea o ni tusi agalelei mo le tasi ma le isi e fesoasoani ai i tagata uma ia lagona le alofagia!

Ata na tusia e Katy Dockrill