Fesoasoani e Pei o Iesu

Sa Faasoa Atu e Iesu le Talalelei

Jesus with disciple holding basket of bread

E fiaaai tagata pe a manaomia e o latou tino ia meaai. Latou te fiaaai i se ala e ese ai pe a manaomia ona latou faalogo i le talalelei.

I se tasi aso na o mai ai le faitau afe o tagata e vaai ia Iesu. Sa fafagaina i latou uma e Iesu i potoi areto e lima ma ni nai ia.

O le aso na sosoo ai, na toe o mai ai tagata ia Iesu. Sa fai atu Iesu ia i latou e vaavaai mo se isi ituaiga falaoa ese. “O au nei le areto o le ola,” na Ia fetalai ai. Afai e maua e tagata o Ia ma Lana talalelei, o le a le toe fia aai lava o latou agaga.

E mafai ona e faitauina lenei tala i le Ioane 6:5–13, 22–35.

E mafai ona ou fesoasoani i isi e aoao e uiga ia Iesu!

• O ai e mafai ona e fesoasoani i ai e aoao e uiga ia Iesu?

• Fai se tatalo ma fai se fuafuaga e fesoasoani ai i se tasi e aoao e uiga ia Iesu.

• Fai lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai ia pei o Iesu e ala i le fesoasoani atu i isi? Tusi ma ta’u mai ia i matou! Alu i le faavaa pito i tua e vaai pe faafefea.

I se tasi taimi sa ou tauina atu ai i lau uo, “Ou te alu i le lotu ma aoao e uiga i lo tatou Faaola o Iesu Keriso.” Mulimuli ane, sa amata ona ia sau i le lotu ma i matou. Na ia fai mai e fia papatisoina o ia i se taimi vave lava. Sa lagona le fiafia i lo’u loto.

Mary E., 8 tausaga, Iuta, ISA

Friend Magazine, Global 2021/02 Feb

Ata na tusia e Peter Francis