Pagtabang Sama ni Jesus

Mipaambit si Jesus sa Ebanghelyo

Ang mga tawo gutumon kon ang ilang lawas nagkinahanglan og pagkaon. Sila gutumon sa lahi nga paagi kon sila nagkinahanglan nga makadungog sa ebanghelyo.

Usa ka adlaw liboan ka mga tawo ang miadto aron motan-aw ni Jesus. Gipakaon ni Jesus silang tanan sa lima lamang ka buok pan ug pipila ka isda.

Sa pagkasunod adlaw, ang mga tawo miadto ngadto ni Jesus pag-usab. Si Jesus misulti kanila sa pagpangita og usa ka lahi nga matang sa pan. “Ako mao ang pan [tinapay] nga nagahatag og kinabuhi,” Siya miingon. Kon ang mga tawo makakaplag Kaniya ug sa Iyang ebanghelyo, ang ilang mga espiritu dili na gayud gutumon pag-usab.

Ikaw makabasa niini nga istorya diha sa Juan 6:5–13, 22–35.

Ako Makatabang sa Uban nga Makakat-on mahitungod ni Jesus

• Kinsa ang imong matabangan nga makakat-on mahitungod ni Jesus?

• Pag-ampo ug paghimo og plano sa pagtabang og usa ka tawo nga makakat-on mahitungod ni Jesus.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Giunsa nimo pagpaninguha nga mahisama ni Jesus pinaagi sa pagtabang sa uban? Pagsulat ug sultihi kami! Tan-awa ang luyo nga hapin aron makita kon giunsa.

Usa ka panahon akong gisultihan ang akong higala, “Ako nagsimba ug nagkat-on mahitungod sa atong Manluluwas nga si Jesukristo.” Sa wala madugay nagsugod siya sa pagsimba uban kanamo. Miingon siya nga gusto niyang magpabunyag sa labing madali! Kana nakapalipay kanako sa hilum.

Mary E., edad 8, Utah, USA

Paghulagway ni Peter Francis