Dali, Sunod Kanako

Makalingaw nga Panahon sa Kasulatan

Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.

Sobra Kaayong Kalig-on

Kantaha ang “Magmaisugon Ko” (Songbook sa mga Bata, 85).
Si Jesus mitudlo nga ang pag-ampo kanunay makatabang kanato nga “magmadaugon” (Doktrina ug mga Pakigsaad 10:5). Kana nagpasabut nga ang pag-ampo makatabang kanato nga mahimong espiritwal nga malig-on!
Hagita ang imong pamilya sa usa ka sangka sa push-up! Pila ang imong mahimo? Unsa ang usa ka butang nga imong mabuhat aron mahimong espiritwal nga malig-on?

Alang sa Doktrina ug mga Pakigsaad 12–13; Joseph Smith—Kasaysayan 1:66–75

Kantaha “Ang Priesthood Gipahiuli” (Songbook sa mga Bata, 60).
Si Juan Bautista mipakita ug mihatag ni Joseph Smith ug Oliver Cowdery sa pagkapari [priesthood]. Dayon sila gibunyagan didto sa suba (tan-awa sa Joseph Smith—Kasaysayan 1:68–71).
Pagpili og usa ka istorya mahitungod sa bunyag aron basahon. (Makakaplag ka og pipila diha sa mga pahina 4, 8, 16, ug 40!) Dayon pakigbahin og mga panumduman sa bunyag gikan sa imong pamilya. Kon ikaw wala pa mabunyagi, paghisgut sama kaha kini sa unsa!

Kantaha ang “Gusto Ko Karon nga Mamisyonaryo” (Songbook sa mga Bata, 90).
Si Jesus mitudlo nga ang pagpakigbahin sa ebanghelyo mao ang usa sa labing importanting mga butang nga atong mabuhat (tan-awa sa Doktrina ug mga Pakigsaad 15:6).
Basaha ang istorya sa pahina 32 aron sa pagkat-on kon sa unsang paagi ang usa ka pamilya sa Bosnia mipakigbahin sa ebanghelyo ngadto sa ilang higala nga si Vicky. Dayon paghimo og tumong sa pagpakigbahin sa ebanghelyo ngadto sa usa ka tawo. Ikaw mahimong mopakigbahin og kopya sa Higala o modapit kanila og home evening sa sunod semana!

Kantaha ang “Ako Nagpabilin nga Natingala” (Mga Himno, nu. 114).
Si Jesus mitudlo nga “ang bili sa mga kalag mahinungdanon sa panan-aw sa Dios” (Doktrina ug mga Pakigsaad 18:10). Kana nagpasabut nga ang matag tawo—lakip kanimo—importante ngadto ni Jesus ug sa Langitnong Amahan. Sa unsa nga paagi imong nabati ang gugma sa Langitnong Amahan alang kanimo?
Paghimo og usa ka aron-ingnon nga huluganan og sulat alang sa matag tawo sa imong pamilya. Dayon pagbilin og mabination nga mugbong mga sulat alang sa usag usa aron matabangan ang tanan nga mobati nga gihigugma!

Mga paghulagway ni Katy Dockrill