Ang Dula
Nagustuhan ko nga ang bag-ong mga Kabataan ug Kabatan-onan nga programa nagtugot kanako sa paghimo og mga tumong alang sa akong kaugalingon ug nagbuhat niini uban sa akong pamilya. Usa sa akong tumong mao ang paghimo og usa ka dula nga kasulatan matag Dominggo uban sa akong manghud nga lalaki nga si Sam.
Usa ka panahon among gipili ang Daniel diha sa langub sa mga leon. Makalingaw ang pagplano niini. Apan ang among manghud nga lalaki nga si Michael, kinsa 4, miingon, “Makaapil ba ako sa dula uban kaninyo?”
Sa sinugdanan kami miingon og dili.
Apan si Michael misugod sa paghilak.
Busa miingon ko, “Sam! Lakaw ngari sa silong.”
Si Sam ug ako nanaog ngadto sa silong. Miingon si Sam, “Si Michael dili mahimong moapil sa dula. Dili siya makamemorya sa iyang mga linya!”
Apan ako dihay usa ka ideya. Miingon ako, “Paapila siya sa dula. Hunahunaa, siya mao ang leon! Dili ka makahimo sa Daniel ug ang langub sa mga leon kon walay usa ka leon. Tana kuhaon nato siya!”
Sa pagka-Dominggo, ang adlaw sa pasundayag, mipahimutang kami sa among mga dapit ug misugod sa pagpasundayag. Nindot kaayo ang among gihimong dula. Maayo kaayo ang pagngulob ni Michael.
Nahibalo ako nga ang Espiritu nag-uban kanako sa dihang ako miingon nga si Michael mahimong paapilon sa dula. Kini nga kasinatian mitudlo kanako nga kon ang usa ka tawo ingon og magul-anon o nag-inusara, kita kinahanglang mopaapil kanila. Hinaut nga sulayan ninyo ang bag-o nga programa sa mga Kabataan ug Kabatan-onan. Ako nahibalo nga kini makatabang usab kaninyo nga mas mahisama ni Jesus!
Paghulagway ni Rodrigo Cordeiro