Gikan sa Unang Kapangulohan
Imong Pakigsaad sa Bunyag
Gipahiangay gikan sa “Taking upon Us the Name of Jesus Christ,” Ensign, Mayo 1985, 80–83.
Unsa ang atong isaad sa Langitnong Amahan kon kita bunyagan?
Kita nagsaad sa pagdala sa ngalan ni Jesukristo diha kanato, sa pagserbisyo Kaniya, ug sa pagsunod sa Iyang mga sugo.
Unsa ang kahulugan sa pagdala sa ngalan ni Jesus diha kanato?
-
Kini nagkahulugan nga kita mahimong mga miyembro sa Iyang Simbahan, Ang Simbahan ni Jesukristo sa mga Santos sa Ulahing mga Adlaw.
-
Kini nagkahulugan nga kita mosulti sa uban mahitungod sa atong pagtuo ni Jesukristo. Makasulti kita sa atong mga higala, atong mga silingan, ug sa uban mahitungod Kaniya.
-
Kini nagkahulugan nga kita moserbisyo Kaniya ug motabang sa Iyang buhat.
Pag-andam alang sa Bunyag
Sa dili pa ikaw bunyagan, ikaw adunay usa ka interbyu uban sa usa ka sakop sa inyong bishopric. Mangutana siya kanimo og pipila ka mga pangutana sama niini:
-
Nagtuo ka ba nga si Jesukristo mao ang imong Manluluwas?
-
Naningkamot ka ba pag-ayo sa pagsunod sa mga sugo?
-
Gibati ba nimo nga ikaw andam sa paghimo og pakigsaad uban sa Langitnong Amahan?
Sunda ang liko-liko nga agianan [maze] pinaagi sa matag litrato aron makita kon unsaon nimo pagdala diha kanimo ang ngalan ni Jesus. (Timaan: Ayaw pagtabok sa bisan unsang itom nga mga linya.)
Mga paghulagway ni Shawna J.C. Tenney