Helping Hands S A TIBUOK Kalibutan

Ilailaha si Raiarii nga taga-Tahiti

Ni Linda Davies

Mga Magasin sa Simbahan

Ilailaha ang mga bata sa Primary nga nagtabang sa uban, sama sa gibuhat ni Jesus.

photo of Raiarii in Tahiti climbing a tree

Tanan mahitungod ni Raiarii

Edad: 9

Taga: Tahiti

Pinulongan: French

Pamilya: Mama, Papa, tulo ka igsoong mga lalaki, ug usa ka igsoong babaye

Tumong ug mga damgo: 1) Magkat-on sa pagtugtog sa piyano. 2) Magbasa sa tibuok Basahon ni Mormon. 3) Mahimong usa ka doktor o usa ka piloto.

Ang Helping Hands ni Raiarii

Gusto ni Raiarii ang pagbisita sa iyang lola, si Mamy. Siya makadula diha sa baybayon ug makapangisda diha sa lim-aw. Siya nagkaon og mga mangga ug mga saging gikan sa mga kahoy. Pipila ka mga tuig ang milabay, nahimamat niya ang mga higala ni Mamy nga si Kali ug Mia.

Matag buntag si Raiarii ug Mamy magbasa og dungan sa Basahon ni Mormon. Sila ni Kali ug Mia misugod sa pag-apil kanila. Si Raiarii mitabang sa pagpasabut sa mga kasulatan aron kini sayon nga masabtan.

Si Raiarii ug ang iyang mga igsoon nga lalaki gusto nga motabang ni Kali nga mangisda. Usa ka adlaw si Raiarii miingon, “Mag-ampo kita nga kita mahimong luwas ug daghang makuha nga mga isda.” Nianang adlawa si Kali nakakuha og mas daghang isda kay sa kaniadto! Si Kali nakahukom nga mag-ampo sa kanunay sa dili pa siya moadto sa pagpangisda.

Nangandam si Raiarii sa pagpabunyag. Gisultihan niya si Kali sa tanan mahitungod niini. Dayon ang mga misyonaryo miabut ug mitudlo ni Kali ug Mia og mas daghan pa mahitungod sa ebanghelyo. Sa dihang gibunyagan si Kali ug si Mia, si Raiarii didto. “Ako malipayon kaayo nga si Kali gusto nga mosunod sa mga ehemplo ni Jesus,” miingon siya.

Mga Paborito ni Raiarii

Dapit: Panimalay ni Mamy

Istorya mahitungod ni Jesus: Sa dihang Siya mipakaon sa panon sa mga katawhan og duha ka isda ug lima ka buok nga pan

Kanta sa Primary: “Nasayud Ko Nga ang Akong Manluluwas Nahigugma Kanako” (Higala, Marso 2015)

Pagkaon: Sashimi nga hinimo sa isda nga lab-as gikan sa lawod ug chocolate cake gikan sa resipe sa iyang mga apohan sa tuhod

Kolor: Pula

Subject sa eskwelahan: Math