Dali, Sunod Kanako
Makalingaw nga Panahon sa Kasulatan alang sa Gagmay nga mga Bata
Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.
Alang sa Doktrina ug mga Pakigsaad 10–11: Tabangi ang inyong gagmay nga mga bata nga ilang mapiko ang ilang mga lutahan ug moingon, “Ang pag-ampo nagtabang kanako nga mahimong malig-on.” Dayon tabangi ang inyong mga bata sa paglista og mga butang nga ilang ikaampo alang sa panabang.
Alang sa Doktrina ug mga Pakigsaad 12–13; Joseph Smith—Kasaysayan 1:66–75: Paklia ang mga pahina niini nga magasin ug tabangi ang inyong gagmay nga mga bata sa pagtudlo ngadto sa mga hulagway sa mga tawo nga gibunyagan. Sa matag higayon, tabangi sila sa pag-ingon, “Makapabunyag ako sa pila ka adlaw.”
Alang sa Doktrina ug mga Pakigsaad 14–17: Tabangi ang inyong gagmay nga mga bata sa pagsulti, “Ako makatabang sa uban nga makakat-on mahitungod ni Jesus.” Dayon pakigbahin ngadto kanila sa imong paborito nga istorya o awit mahitungod ni Jesus.
Alang sa Doktrina ug mga Pakigsaad 18–19: Tabangi ang inyong gagmay nga mga bata sa pagsulti, “Ako importante ngadto sa Langitnong Amahan.” Dayon kantaha ang “Ako Anak sa Dios” (Songbook sa mga Bata, 2) ug ipahimo sa inyong mga bata ang paggakos sa ilang mga kaugalingon kon ilang kantahon ang mga pulong, “Ako anak sa Dios.”
Mga paghulagway ni Alessia Girasole