E te mau hoa here,
I teie matahiti, te sābati o te mau ’āma’a ’o te sābati hope’a ïa nō te ’āva’e Māti. ’O terā ïa te taime e fa’ahanahana ai tātou i te mahana ’a tomo ai Iesu i Ierusalema nā ni’a i te hō’ē ateni. ’Ua tāhirihiri te ta’ata i te rauere tamara ’e ’ua pi’i hua, « Hosana ! » Tau mahana i muri iho, ’ua mamae Iesu ’e ’ua pohe nō tātou. I muri iho, ’ua ti’afa’ahou mai ’oia ! Tē ti’aturi nei mātou ē, e ’oa’oa ’outou i teie taime ta’a ’ē nō te ha’amana’o i te ’ohipa tā te Metua i te ao ra ’e tā Iesu i rave nō tātou (hi’o Ioane 3:16). Maoti rāua, e nehenehe tātou pā’āto’a ’ia ora fa’ahou !
Ma te here,
Te Hoa
P.S. E hia rahira’a ’api nō ni’a ia Iesu e nehenehe e ’itehia mai ia ’outou i roto i teie ve’a ?
’A hāmani i tā ’outou iho
’Ua ha’api’i mai au e mea nāhea tō Nephi hāmanira’a i te hō’ē pahī (Fepuare 2020), nō reira ’ua hina’aro vau e hāmani i te hō’ē vau iho, nō te hāro’aro’a e aha tā Nephi i fāri’i. I te ha’amatara’a e mea fifi roa, terā rā ’ua ha’api’i mai au, ’eiaha e fa’aru’e ’e ’a ti’aturi i te Fatu mai tā Nephi i nā reira.
Ian D., 9 matahiti, Veracruz, Mehiko
I hea tātou e tai’o ai i te Hoa
E mea au nā mātou e tai’o i te Hoa ! E tauturu te reira ia tātou ’ia fa’aiti mai te mo’emo’e, nō te mea ’o tātou ana’e te melo o te ’Ēkālesia i roto i tō tātou ’oire. E tai’o mātou i te reira nā roto i te reo purutia ’e te reo hōrane, nō te mea nō Hōrane tō mātou māmā ’e nō Heremani tō mātou pāpā.
Lars ’e Torben S., e 5 ’e e 3 matahiti, Lower Saxony, Heremani
E mea au nā mātou ’ia hi’o i te hiero
Tē ora nei mātou i pīha’i iho i te hiero nō Barranquilla Colombia, ’e i te mau piti hepetoma ato’a e haere mātou e māta’ita’i. E tauturu te reira ia mātou ’ia ha’amana’o i te mau fafaura’a tā mātou i rave i mua i te Metua i te ao ra.
Te ’āma’a Paraimere nō Puerto Colombia