’Ia vai pāruruhia i te rāve’a ha’apararera’a
Mau uira’a mā’iti-maita’i-hia
Nāhea ’outou e ’ite ai ē, e aha te mea maita’i ’ia māta’ita’i, ’ia tai’o, ’e ’ia fa’aro’o ? Teie te tahi mau uira’a nō te tauturu ia ’outou ’ia mā’iti i te maita’i :
-
E tauturu ānei te reira iā’u ’ia fāri’i i te Vārua Maita’i ?
-
E tauturu ānei te reira iā’u ’ia pe’e ia Iesu ?
-
E aha tō’u huru ’āhiri ē, tei pīha’i iho te Fa’aora iā’u ?
Hō’ē fa’anahora’a e fa’aho’i ’ore mai
E aha tā ’oe e rave ’ia ’ite ana’e ’oe i te rāve’a ha’apararera’a e ’ere i te mea maita’i ? ’A hāmani i te hō’ē fa’anahora’a ’ia ’ite ’oe e aha te rave !
-
’A tūpohe i te niuniu paraparau, te mātini rorouira, te ’iri rorouira, ’aore rā, te ’āfata teata.
-
’A fa’a’ite i te hō’ē metua ’aore rā, i te hō’ē ta’ata pa’ari ti’aturihia i te mea tā ’oe i ’ite ’e e ani i tā rātou tauturu. E nehenehe rātou e pāhono i tā ’oe mau uira’a ’e e tauturu ia ’oe.
-
’A rave i te hō’ē ’ohipa maita’i. E nehenehe ’oe e hīmene i te hō’ē hīmene nō te Paraimere, e tai’o atu i te hō’ē taea’e ’e tuahine, ’aore rā, e ha’uti i rāpae ’e te hō’ē hoa.
Fa’atumu i ni’a i te maita’i
E nehenehe te mau rāve’a ’āpī rorouira e tauturu ia ’oe ’ia rave e rave rahi mau ’ohipa maita’i. E aha tā te mau ’ohipa maita’i i tauturu ia ’oe ’ia rave ?
Teie te tahi mau mana’o !
-
Te paraparaura’a i te ’utuāfare nā roto i te video.
-
E rave i te ’ā’amu ’utuāfare
-
E ha’api’i mai i te tahi mea ’āpī
-
E hi’o ’aore rā e fa’aro’o i te hō’ē mea ’o te fa’a’oa’oa ia ’oe.
-
Haere i ni’a i te tahua ’itenati te Hoa.
Fa’ahōho‘ara’a nā Jennifer Naalchigar