Tauturura’a mai ia Iesu

’Ua fa’a’ite Iesu i te ’evanelia

Jesus with disciple holding basket of bread

E po’ia te mau ta’ata ’ia hina’aro ana’e tō rātou tino i te mā’a. E mea ta’a ’ē tō rātou po’ia ’ia hina’aro ana’e rātou e fa’aro’o i te ’evanelia.

I te hō’ē mahana, ’ua haere mai e rave rahi tauatini ta’ata e hi’o ia Iesu. ’Ua fa’a’amu Iesu ’ia rātou pā’āto’a e pae noa puo faraoa ’e te tahi i’a.

I te mahana i muri iho, ’ua haere fa’ahou mai te ta’ata ia Iesu ra. ’Ua parau atu Iesu ia rātou ’ia ’imi i te tahi huru faraoa ta’a ’ē. ’Ua parau atu ’oia, « ’O vau te pane ora ». Mai te mea e ’ite te mau ta’ata iāna ’e i tāna ’evanelia, e’ita tō rātou vārua e po’ia fa’ahou.

E nehenehe ’outou e tai’o i teie ’ā’amu i roto i te Ioane 6:5–13, 22–35.

E nehenehe au e tauturu ia vetahi ’ē ’ia ha’api’i mai nō ni’a ia Iesu

• ’O vai tā ’outou e nehenehe e tauturu ’ia ha’api’i mai nō ni’a ia Iesu ?

• ’A pure ’e ’a hāmani i te hō’ē fa’anahora’a nō te tauturu i te hō’ē ta’ata ’ia ha’api’i mai nō ni’a ia Iesu.

• ’A rave i tā ’outou fa’anahora’a !

• ’A tāpūpū i teie tāreta nō te fa’aha’amana’o ia ’outou ’ia tāmau noa ’outou i te tauturu mai ia Iesu.

Nāhea ’outou i te tāmata ’ia riro mai ia Iesu nā roto i te tauturura’a ia vetahi ’ē ? ’A pāpa’i ’e ’a fa’a’ite mai ia mātou ! ’A haere i te tāpo’i nō muri nō te hi’o, e nāhea.

I te hō’ē taime, ’ua parau vau i tō’u hoa, « e haere au i te purera’a ’e e ha’api’i mai au nō ni’a i tō tātou Fa’aora ’o Iesu Mesia ». I muri a’e, ’ua ha’amata ’oia i te haere mai i te purera’a nā muri iho ia mātou. ’Ua parau ’oia ē, tē hina’aro nei ’oia ’ia bāpetizo-’oi’oi-hia ’oia ! ’Ua fa’atupu te reira i te ’oa’oa i roto iā’u.

Mary E., 8 matahiti, Utah, USA

Friend Magazine, 2021/03-04 Mar/Apr

Fa’ahōho’ara’a nā Peter Francis