Mau ’ā’amu o te pāpa’ira’a mo’a
Ha’amau fa’ahou i te ’Ēkālesia a Iesu Mesia
I te 6 nō ’Ēperēra 1830, ’ua tupu te hō’ē rurura’a ta’a ’ē i roto i te hō’ē fare rā’au. ’Ua ha’amau fa’ahou Iosepha Semita i te ’Ēkālesia a Iesu Mesia i ni’a i te fenua nei.
’Ua ha’amaita’i ’e ’ua ’ōpere ’o Iosepha Semita rāua ’o Oliver Cowdery i te ’ōro’a mo’a. I muri iho, te fa’aotira’a te putuputura’a, e rave rahi mau ta’ata tei bāpetizohia.
Tau ’āva’e i muri mai, ’ua pi’i te Atua ia Emma Smith ’ia fa’aineine i te hō’ē buka hīmene nā te ’Ēkālesia. Nā roto i te reira, e nehenehe ïa te mau ta’ata e hīmene i te mau hīmene i roto i te mau putuputura’a a te ’Ēkālesia.
E melo vau nō Te ’Ēkālesia a Iesu Mesia i te Feiā Mo’a i te mau Mahana Hope’a Nei. E nehenehe au e hīmene i te mau hīmene ’e e rave i te ’ōro’a mo’a i te hepetoma tāta’itahi.