Mau rima tauturu ’ati a’e te ao nei
Fārereira’a ia Raiarii nō Tahiti
Fārereira’a i te mau tamari’i Paraimere e tauturu ra ia vetahi ’ē, mai tā Iesu i rave.
Te mau mea ato’a nō ni’a ia Raiarii
Matahiti : 9
Nō : Tahiti
Reo : Farani
’Utuāfare : māmā, papa, e toru taea’e, ’e hō’ē tuahine
Te mau fā ’e te mau moemoeā : 1) Ha’api’i mai i te ha’uti i te piana. 2) Tai‘o i te Buka a Moromona tā’āto’a. 3) ’Ia riro mai ’ei taote ’aore rā, ’ei pairati manureva.
Mau rima tauturu o Raiarii
E mea au roa nā Raiarii ’ia haere e fārerei i tōna māmā rū’au, ’o Mamy. E nehenehe tāna e ha’uti i te pae tahatai ’e e tāi’a i roto i te miti. E ’amu ’oia i te mau vī ’e te mau mei’a nō ni’a mai i te tumu. Tau matahiti i ma’iri a’e nei, ’ua fārerei ’oia i te mau hoa ’o Mamy, ’o Kali ’e ’o Mia.
I te mau po’ipo’i ato’a e tai’o ’āmui ’o Raiarii ’e ’o Mamy i te Buka a Moromona. ’Ua ha’amata ’o Kali ’e ’o Mia i te ’āmui mai ia rāua. ’Ua tauturu ’o Raiarii i te fa’ata’a i te mau pāpa’ira’a mo’a ’ia ’ōhie rāua i te hāro’aro’a.
E mea au roa nā Raiarii ’e tōna mau taea’e e tauturu ia Kali ’ia haru mai i te i’a. I te hō’ē mahana, ’ua parau ’o Raiarii, « e pure ana’e tātou ’ia pāruruhia tātou ’e ’ia haru mai e rave rahi i’a ». I taua mahana ra, ’ua haru mai ’o Kali i te i’a i te fāito ’aitā i roa’a a’enei. ’Ua fa’aoti a’era Kali ’ia pure i te mau taime ato’a hou ’a haere ai ’oia e tai’a.
Tē fa’aineine ra Raiarii ’ia bāpetizohia ’oia. ’Ua parau ’oia ia Kali i te tā’āto’ara’a nō te reira. I muri iho, ’ua haere mai te mau misiōnare ’e ’ua ha’api’i rahi atu ia Kali ’e ia Mia nō ni’a i te ’evanelia. ’A bāpetizohia ai ’o Kali ’e ’o Mia, tei reira ’o Raiarii. ’Ua parau ’oia, « e ’oa’oa rahi tō’u i te mea ē, ’ua hina’aro ’o Kali e pe’e i te ta’ahira’a ’āvae o Iesu ».
Te mau mea au roa nā Raiarii
Vāhi : Te fare o Mamy
’Ā’amu nō ni’a ia Iesu : ’A fa’a’amu ai ’oia i te naho’a ta’ata e piti i’a ’e e pae faraoa.
Hīmene Paraimere : « ’Ua ’ite au ē, ’ua here tō’u Fa’aora iā’u » (Hoa, Māti 2015)
Mā’a : Sashimi hāmanihia i te i’a ’āpī nō roto mai i te moana ’e te faraoa monamona totora ’ia au i te hāmanira’a a tōna mau metua pa’ari.
’Ū : ’Ute’ute
Tumu parau i roto i te ha’api’ira’a: Nūmerara’a
Raiarii ’e ’o Kali ’e te tahi mau i’a tā rāua i roa’a mai.
Fa’ahōho’ara’a nā Maarten Lenoir