’Ua haere mātou i te purera’a i te mata’eina’a ’e ’ua ’ite mātou i te mau mo’orā ’e te mau moa ! Tē māuruuru nei au nō te mau ’ānimara tā te Atua i poiete.
Boris M., 9 matahiti, Corrientes, Raparata
Hōho’a
David Avalos
I te taime ’a tupu ai tā mātou purera’a i te fare, ’ua ha’api’i au i tō’u ’utuāfare nō ni’a i te ’ana’anara’a mai te feti’a te huru. ’Ua hāmani te ta’ata tāta’itahi i te hō’ē feti’a ’e ’ua pāpa’i i ni’a iho e nāhea rātou ’ia ’ana’ana.
David A., 8 matahiti, Florida, Mārite
Hōho’a
Father and Daughter with a plate of cookies
E pe’e au i te hi’ora’a ’o Iesu Mesia nā roto i te fa’a’itera’a i te here ’e te tauturura’a ia vetahi ’ē.
Marjorie C., 7 matahiti, Merseyside, Peretāne
Hōho’a
Young man named Aiden
I tō’u bāpetizora’ahia, ’aita vau i ’ite i te hō’ē mea ta’a ’ē i taua taime ra, ’ua parau mai rā tō’u pāpā iā’u ē, tē vai ra te mahana e ’ite ’oe i te hō’ē mea ta’a ’ē. I teienei, tē ’ite nei au i te hō’ē mea ta’a ’ē nō ni’a i te reira.
Aidan T., 9 matahiti, Alaska, Mārite
Hōho’a
A photo of Woolfe Mckade
’Ua tupu mai te hō’ē mana’o i roto iā’u i te taime tāmā’ara’a avatea, ’eiaha e haere e ha’uti i ni’a i te mau auri i te hora fa’afa’aeara’a. ’Aita vau i tau’a i taua mana’o ra ’e ’ua haere e ha’uti i ni’a i te mau auri. ’Ua topa vau i raro ’e ’ua fati tō’u rima. ’Ua ’ite au e hōro’a mai te Vārua Maita’i i te mau fa’aarara’a marū iā’u.
McKade W., 11 matahiti, Washington, Mārite
Hōho’a
Layla Prebble
’Ua ora tō’u hoa maita’i roa e rave rahi mau mea ’e ’ua hōro’a vau i te hō’ē tao’a hōro’a ta’a ’ē nāna nō te Pāsa. I tō’u ’āfa’ira’a i te reira, ’ua tupu te mana’o maita’i i roto iā’u ma te ’ite ē, tē tauturu nei au i tō’u hoa.
Layla P., 10 matahiti, Tasmania, Auteraria
Te ’ōro‘a mo‘a
’Ia rave ana’e tātou i te ’ōro’a mo’a,
E ani tātou i te Metua i te ao ra ’ia tauturu mai ia tātou ’ia tātarahapa.
Nō te tāmā ia tātou i te ’oto ’e i te hara,
’ia nehenehe ia tātou ’ia ha’amata ’āpī i te sābati tāta’itahi.
E inu tātou i te pape ’e e ’amu i te faraoa,
’E i muri iho e ha’amana’o i roto i tō tātou upo’o.
E ti’a ia tātou e ha’amana’o tāmau noa ia Iesu.
Tē ora nei tātou nō te mea ’ua pohe ’oia nō tātou.