Te hoa i te hoa
Te ’itera’a i te here o te Mesia
Nō roto mai i te hō’ē uiuira’a ’e ’o Haley Yancey.
’A pa’ari ai au i te fenua Tāpone, ’ua hōro’ahia mai iā’u te hō’ē bibilia i te fare ha’api’ira’a. Tē vai ra te mau ta’o peretāne ’e te tāpone i pīha’i iho i te tahi ’e te tahi. ’Ua parau mai tō mātou ti’a fa’atere e fa’a’ohipa i te reira nō te ha’api’i i te reo peretāne.
’A tai’o ai au i te reira, ’ua ha’api’i mai au nō ni’a ia Iesu. ’O vai teie ta’ata tei ’ī i te here ? ’Ua māere au. ’Ua fa’atupu te mau parau tāna i parau i te ’oa’oa i roto iā’u. ’Ua hina’aro vau i te ’ite rahi atu nō ni’a iāna.
Tau taime ri’i i muri mai, ’ua fārerei au i te mau misiōnare. ’Ua hōro’a mai rātou i te hō’ē Buka a Moromona ’e ’ua ani mai iā’u ’ia tai’o ’e ’ia pure nō te reira. ’Ua au roa vau i te tai’ora’a nō ni’a ia Iesu i roto ato’a i te Buka a Moromona. ’Ua pure au ’e ’ua ’ite e parau mau te reira.
’Aita hō’ē ta’ata i roto i tō’u ’utuāfare i hina’aro i te ha’api’i mai nō ni’a i te ’Ēkālesia. ’Ua ha’api’i Iesu ē, e ti’a ia tātou e fa’atura i tō tātou mau metua, ’aita rā tō’u nā metua i hina’aro ’ia tomo vau i roto i te ’Ēkālesia. E mea fifi mau.
’Ua parau vau i tō’u nā metua i mea tā’u i fāri’i. ’Ua parau vau ia rāua nō ni’a i tā’u mau pure. ’Aita rāua i māramarama. ’Ua uiui tō rāua mana’o, nō te aha vau i hina’aro ai e fa’aru’e i tā mātou ha’apa’ora’a fa’aro’o.
’Ua tāmata noa vau. I te hope’a, ’ua parau tō’u nā metua e nehenehe au ’ia bāpetizohia. E rave rahi matahiti i muri mai, ’ua bāpetizo-ato’a-hia tō’u metua vahine.
’Ua ’ite au ē, ’ua ha’amaita’ihia vau nō te hina’arora’a e pe’e ia Iesu. E mea au roa nā’u e ha’api’i mai nō ni’a iāna, ’e ’ua ’ite au e hōpoi mai te pe’era’a iāna i te mau ha’amaita’ira’a.
Tē hina’aro nei Iesu Mesia ’ia pe’e au iāna.
Tē hina’aro nei Iesu ’ia pe’e tātou iāna ma te bāpetizohia. ’A tai’o i te mau ’īrava. I muri iho, e fa’a’ū i te mau hōho’a e tū’ati.