Nga Presidenca e Parë

Ai Është Ngritur!

Nga Presidenti Henri B. Ajring,

Këshilltar i Dytë në Presidencën e Parë

Përshtatur nga biseda “Ai Është Ngritur”, Liahona, prill 2013, f. 4–5.

Jesus riding a donkey into Jerusalem

Ringjallja e Jezu Krishtit na jep shpresë. Më dha shpresë mua një ditë vere në vitin 1969 kur nëna ime vdiq. Isha i trishtuar sepse përkohësisht u ndava prej saj.

Por u ndjeva i lumtur kur Fryma e Shenjtë më tha se Ringjallja është e vërtetë. Mund ta përfytyroj se si do të jetë t’i shoh përsëri një ditë nënën time dhe njerëz të tjerë të dashur.

Jezu Krishti u ringjall. Për shkak të Tij, të gjithë fëmijët e Atit Qiellor që kanë lindur në botë, do të ringjallen në një trup që nuk do të vdesë kurrë.

Ringjallja: Kur shpirti i Jezusit u kthye në trupin e Tij pasi Ai vdiq. Për shkak të Jezusit, çdo njeri që ka vdekur, një ditë do të ringjallet gjithashtu.

“Unë dëshmoj se Jezusi është Krishti i ringjallur, Shpëtimtari ynë, shembulli dhe udhërrëfyesi ynë i përsosur për te jeta e përjetshme.”

Presidenti Henri B. Ajring

Historia e Pashkës

Priti kartat dhe ngjiti në letër. Shpoji vrimat dhe lidhi së bashku me spango. Tani ti ke një libër historish për Pashkë!

1. Jesus riding a donkey into Jerusalem

   Jezu Krishti hyri në qytetin e Jerusalemit mbi një gomar. Njerëzit e lëvduan Atë dhe vunë gjethe palmash në tokë. (Shih Marku 11:1–11.)

2. Jesus blessing a man

   Jezusi vizitoi tempullin. Ai shëroi njerëz që ishin të çalë dhe të verbër. (Shih Mateu 21:12–14.)

3. bag of coins

   Priftërinjtë xhelozë i paguan njërit prej dishepujve të Jezu Krishtit, Judë Iskariotit, 30 monedha argjendi për ta dorëzuar Atë tek ata. (Shih Mateu 26:14–16.)

4. Jesus holding bread

   Jezusi e hëngri vaktin e Pashkës me dishepujt e Tij. Ai u dha sakramentin për t’i ndihmuar që ta kujtonin Atë. (Shih Mateu 26:19–20, 26–28.)

5. Jesus praying

   Jezusi shkoi në Gjetseman që t’i lutej Atit Qiellor. Atje, Ai filloi të vuante për mëkatet tona. Njerëzit me shpata erdhën dhe e arrestuan. (Shih Mateu 26:36–50.)

6. tomb with stone

   Jezusi vuajti dhe vdiq në kryq. Trupin e Tij e vendosën në një varr me një gur të madh përpara hyrjes. (Shih Mateu 27:27–35, 57–60.)

7. Resurrected Jesus in front of tomb

   Engjëjt e rrotulluan dhe e larguan gurin. Ata i thanë Maria Magdalenës dhe grave të tjera se Jezusi ishte ringjallur. Jezusi iu shfaq grave dhe ato e adhuruan Atë. (Shih Mateu 28:1–10.)

8. Resurrect Jesus in white robe

   Jezusi iu shfaq dishepujve të Tij. Ata e prekën trupin e Tij të ringjallur. Ai u tha atyre që t’i mësonin çdo njeriu ungjillin e Tij. Jezu Krishti u ngrit sërish, kështu do të ngrihemi edhe ne! (Shih Lluka 24:36–43; Mateu 28:16–20.)

Shih manualin Eja Më Ndiq për seksionin Doktrina e Besëlidhje 29 dhe Pashkën.

Product Shot from March 2021 Friend Magazine

Ilustrimet nga Steliyana Doneva