Duke Ndihmuar Ashtu si Jezusi

Jezusi e Përhapi Ungjillin

Jesus with disciple holding basket of bread

Njerëzit janë të uritur kur trupi i tyre ka nevojë për ushqim. Ata janë të uritur në një mënyrë tjetër kur kanë nevojë ta dëgjojnë ungjillin.

Një ditë, mijëra njerëz erdhën për të parë Jezusin. Jezusi i ushqeu të gjithë ata me vetëm pesë bukë dhe pak peshq.

Të nesërmen, njerëzit erdhën përsëri te Jezusi. Jezusi u tha atyre të kërkonin një tjetër lloj buke. “Unë jam buka e jetës”, tha Ai. Nëse njerëzit e gjejnë Atë dhe ungjillin e Tij, shpirtrat e tyre nuk do të jenë më kurrë të uritur.

Ju mund ta lexoni këtë histori te Gjoni 6:5–13, 22–35.

Unë Mund t’i Ndihmoj të Tjerët të Mësojnë për Jezusin

• Kë mund të ndihmosh që të mësojë për Jezusin?

• Thuaj një lutje dhe bëj një plan për ta ndihmuar dikë që të mësojë për Jezusin.

• Ndiqe planin tënd!

• Prite këtë kartë për të të kujtuar që të vazhdosh të ndihmosh ashtu si Jezusi.

Si po përpiqesh të jesh si Jezusi duke i ndihmuar të tjerët? Na shkruaj dhe na trego! Shko te kapaku i pasmë për të parë mënyrën.

Një herë i thashë shoqes sime: “Unë shkoj në kishë dhe mësoj për Shpëtimtarin tonë, Jezu Krishtin”. Më vonë ajo filloi të vinte në kishë me ne. Ajo tha se do t’i pëlqente të pagëzohej sa më shpejt! Kjo më gëzoi shumë në vetvete.

Meri E., 8 vjeçe, Jutë, SHBA

Product Shot from March 2021 Friend Magazine

Ilustrimi nga Peter Francis